Visirai 7:2 - Hano Niu Testamen

² Haḡe nam ḡita enjel vwate mwa mwalue nin tanon al tomare mai tigoro non God rahu. Kea mwa ulo amare gin silo gaivua lalai ira enjel gaivasi gabe God nu lai muramura lalainira be rav lol hantai tahi mai ureure.

Visirai 7:2 ပူးပေါင်းရင်းမြစ်များ

Matiu 16:16

Saemon Pita mwa bwaliua be, “Giḡo haḡea Mesaea, Nitun God varahu.”

Matiu 26:63

Take Jisas mwa buhiga. Haḡe Muai Tataroi mwa mom bevea mulei lalainia gin avoan garagara be, “La ihan God rahu nam hudalinigo be goi vev mwasigi lalai kamai be giḡo Kraes, Nitun God sa sigai.”

Leo Tavuha gabe Jon nu Ravae 6:27

Gisav lalaḡo tehe huri ginaganiana be vi hantai dumwi ta giv lalaḡo huri ginaganiana gabe vi togo huri rahuana vai tuai. Geki haḡea ginaganiana gabe inau Nitun Atatu nav laia lalai kimiu, bwatuna God Tata nu tau dovon̄an non roron̄o aluku huba.”

2 Korin 1:22

i nu tau non dovon̄a aluda, be vi dovon̄ainia be gida bilana, i nu tau non Vui Sabuga lol irubwida be vi vora dovon̄ana huri non tatauleo duluai.

Ifisas 1:13

Haḡe kea mai kimiu mahavana be gin ron̄ mwasin silo vagahi huri Roroi Tavuha be vi lai varahuva lalai kimiu, kimiu gim binihimwasigi alun Kraes. I lol Kraes, God mwa dau mwasin non dovon̄a alun gogonaiana alumiu, ginia be mwa lai non Vui Sabuga gabe nu tatauleo huria.

Ifisas 4:30

I gosav lol te Vui Sabuga be vi ron̄ mwahantai. Vui kea mwasigi non God be kea bilana God nu lai Vui lalainigo be men seserainia be God vi loligo gov maribwesi mahavana be nogonan gubwen̄ vi mai.

1 Tesalonaeka 1:9

Sinombu vataha ute ram bevurinia be gin lai ḡoḡo kamai batena be kamai aia mai kimiu. Ram bevurinia be kun hanigi giv lin̄ ira nunvatu i gim bavora gim lol rovoga huri God rahu i God mwasigi.

2 Timoti 2:19

Take bwatbwatu be God nu taria sihav rihuan te dumwi; ira iha haḡea keragea ram du aluna: “Ratahigi mwa ilo kera be bilana,” i “atatu n̄oto be rai vora bilan Ratahigi rav mambu gin lalaḡov hantai.”

Hibru 12:22

Ta kimiu gin hav ḡao tehe habwe ginau kungeki i gin mai la vusi Saeon, i la bwatutun vanua gaivua gea vanuan God rahu be sihav mate te dumwi. Geki Jerusalem ata amare, mai ira enjel sinombu ram ḡoḡo bulbul abena.

Visirai 1:3

Samwarana lalai ihei be mwa basogo buka geki i vatavuhai ira hei dodolua sage ram roron̄tainia i ram dabea. Tarona mwa sosori be ginau duluai geki vi loli.

Visirai 10:1

Haḡe nam ḡita enjel muramura vwate mwa himai nin amare vai ataa. Kea mwa bisirai lol dodo, i taban̄ao mwa dalisi la bwatuna; lolmatana nu gigita kun alo, i bwalagena ran ḡun gabi tabwalue.

Visirai 10:4

Haḡe mahavana be ram avo, nam dau bwatuna be namen rav avoana be mwa mai lol bwahilo. Take nam ron̄ avoana mwa himai nin amare mwa bevea be, “Gov tahuli ginau be bwahilo gaibitu ram bevea; take gosav rav te batugehia!”

Visirai 16:12

I gaionon enjel mwa salil non disi alun wai rovo lavoa Iuvretes, i wai lavoa mwa bweu huri ira ratahigi lavoa be ram mai nin halan al tomare.

Visirai 5:2

Haḡe nam ḡita enjel vwate mwa bato gin silo gaivua mwa bevea be, “Ihei nu dadariha be vi vugeri buk lulun̄i geki?”

Visirai 8:3

Haḡe enjel vwate mulei mwa haḡo gaihaḡon gai bonboni be nu loliana gin vat an̄oga mwa mai mwa du aben olta. Ram lai gaibonboni ivusi be men taua alolona. Ira ahun gaibonboni gea ram bulu mai tataro non sinombu non God. Enjel gea mwa hogoi gin ginau duluai gea lolmatan olta be nu loliana gin vatan̄oga i mwa du la lolmatan tanon togotogon ratahigi.

Visirai 9:14

Haḡe silo mwa bevea lalai enjel be mwa haḡo bilan taiva be, “Gov hora lua ira enjel gaivasi be nu vauhira ram du la wai rovo lavoa Iuvretes!”

Visirai 9:4

I mwa bevea lalainira be rasav gan te bwarebware mwanea sage gai, sage havanau tehe; take rav lol bwarebware sinombu n̄an gabe ram hav lai te dovon̄a non God alun rera.