Visirai 7:11 - Hano Niu Testamen

¹¹ Ira enjel ram du dalis tanon togotogon ratahigi, mai ira bwat metua, i ginau rahu gaivasi. Haḡe ram hiv bahudui gin lol matara ḡoro tanon togotogon ratahigi i ram gogonai God,

Visirai 7:11 ပူးပေါင်းရင်းမြစ်များ

Matiu 4:10

Take Jisas mwa bwaliua be, “Vis dagai niniau, Setan. Huri lol Ravrava Sabuga mwa bevea be, ‘Gov gogonai God gabe nom Ratahigi, i gov lalaḡo lalainia gaituvwa n̄ano.’ ”

Leo Tavuha gabe Jon nu Ravae 5:23

Huri be vataha atatu rav binihimarahiau kun n̄an gabe ram binihi marahi Tata. Ihei tehe be mwa hav binihi te marahiau Nitun Tata, mwa hav binihi te marahi Tata be nu horau.”

Hibru 1:6

I mahavana be God mwa lai mwasin Nituna muai bwana vai lol ureure, kea mwa bevea be, “Nu tavuha maragai be ira noḡu enjel rav hivbwaubwau kera duluai rav gogonainia.”

Visirai 11:16

Haḡe ira bwatmetua n̄avul gairua domwan gaivasi ram domahuri la tanon togotogon ratahigi la lolmatan God ram hivbwaubwau ḡoro lol matara ram gogonai God,

Visirai 15:4

God, ihei tehe sihav vinihi te marahinigo? Ihei tehe sihav lol te roroai ihamwa? Giḡo n̄an gon sabuga. Varan sinombu duluai la ureure rav mai ba ḡogonainigo, bwatuna be gon seserai alen̄amwa be alen̄ vavtutu lalai sinombu.

Visirai 22:9

Take enjel mwa bevea be, “Gosav lolia te kunia. Inau atatu n̄an kunigo, inau atatun rovoga n̄an kunigo mai ira tuada i ira atatun vevsera mai ira hei duluai gabe ram ron̄ avoana duluai ata lol buka geki. Take giv gogonai God n̄an gaituvwa.”

Visirai 4:10

ira bwat metua n̄avul gairua domwan gaivasi ram hiv bahudui vai ataa la lolmatana gabe mwa dogo la tanon togotogon ratahigi, i ram ḡogonainia gabe mwa dogo tuai vai tuai. I ram bohai gaisosorin bwatura vai ataa lolmatan tanon togotogon ratahigi, ram bevea be,

Visirai 4:4

Alun tanon togotogon ratahigi be mwa dogo huba, tanon togotogo n̄avul gairua domwan gaivasi ram du dalisia, i alun tanon togotogo gea, ira bwatmetua n̄avul gairua domwan gaivasi ram domahuri aluna gaisagara nu abwaga i gaisosorin bwatura be nu loliana gin vatan̄oga.

Visirai 4:6

I mulei lolmatan tanon togotogon ratahigi, ginau vwate gitavanana nu raraniga kun tahi be nu legiga kun kilasi. Dalis tanon togotogon ratahigi mwa bulu, ginau rahu gaivasi, matara ran masiri lol matara i atagura.

Visirai 4:8

Ginau rahu gaivasi gabaura gaiononoi vatvatahara. I matara ivusi vatvatahara, alolora i avare mulei. I ram hav mambumambu tehe, ram lol iboi, rani i bon̄i, ram bevea be: “Sabuga, sabuga, sabuga, Ratahigi God Holomare Hae, gom dogo tuai huba, i garigi, i vi mai radu.”