Visirai 6:9 - Hano Niu Testamen

⁹ Haḡe nitui sipsip mwa n̄andu gailiman tigoro. I nam ḡarere aten olta be ira vui be ran mate tuai huba huri avoana non God i ran tu wasigi, gi gaitura vaivotu nogonana.

Visirai 6:9 ပူးပေါင်းရင်းမြစ်များ

Leo Tavuha gabe Jon nu Ravae 16:2

Rav tau dagai kimiu nin imwa tataro, i tarona vi mai mahavana be ihei tehe mwa wehi kimiu vi vinihia be mwa lol rovoga non God la hala geki.

2 Korin 5:8

Pol mwa bevea be, tasav matagu tehe. Tam doronia mwasigi be tav mwalue nin rebehi uhu i tav togo lol mwasin imwanda aben God.

Filipae 1:23

Nu ririhai be nav gita lua vwate lol davolan gairua. Nam doron be nav lin̄ rahuana uhu i be nai vora mai Kraes, kunia vi hen tavuha;

Filipae 2:17

Nomiu binihimwasigi garagusi mwa lol kimiu gim lin̄ rahumiu kun be tataroi lol rovoga lalai God. Nam lai mwasin dagaku mai nomiu tataroi tuntun, nav ron̄ mwandavuha i nav masiri lol samsamwara gin kimiu duluai.

2 Timoti 1:8

Haḡe gosav busbusi tehe be gov vevea lalai sinombu huri nonda Ratahigi Jisas, i gosav busbusi tehe giniau, be nam do lol imwa vauvauhi huri Kraes. Take gov ron̄ ḡagarasi maiau huri Leo Tavuha. God, kea be mwa lai muramura lalai gida be tav lolia kunia.

2 Timoti 4:6

Rahuku nan hagainia huba kun be hogoi lalai God, i taro nu mai huba be nav lin̄ rahuana geki,

Hibru 12:23

Kimiu gin mai lol samwaran bulbulu be nu tavuha maragai mai ira atatu non God kun gabe ira nituna muai bwana gabe ihara mwa du huba lol ute ata amare. I kimiu giv mai huri God huria be kea vi vevegi lalai atatu, i giv mai ba bulu mai vuin ira atat vavtutu be ran mate huba.

Visirai 1:2

Mwa bevea huri ginau duluai be nu gitae. Kea avoana non God i ira mwasin ginau be Jisas Kraes nu seserainia.

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Visirai 14:18

Haḡe enjel vwate mulei gabe, mwa muai ḡoro gabi, mwa mwalue nin olta. I kea mwa haharigi gin silo gaivua lalai enjel gabe mwa haḡo bua teḡe mamagani mwa bevea be, “Taia gin nom bua teḡe, ba dan̄ kaburai vwain gaon taligaon waen ata lol ute loloara lol ureure, bwatuna be ira vwain gaon taligaon waen ran metua!”

Visirai 16:7

I nam ron̄ silo mwa himai nin olta mwa bevea be, “Ratahigi God mwasin Roron̄o! Gon mwasigi i gon vavtutu liu alun nom vevegi duluai!”

Visirai 19:10

Nan sisiabwau lol bwalagen enjel i nam dau bwatuna nam ḡogonainia. Take enjel mwa bevea lalaiau be, “Gosav lolia te kunia! Inau atatun rovoga vuroi, kunigo mai atat dodolua gabe ram bevea huri Jisas. Gosav gogonai te atatu dolua take God!” Huribe mwasigi be nu seseraiana sivi Jisas, kea haḡea nu rihui ira atatun vevsera.

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.

Visirai 20:4

I nan gita ira tanon togotogon ratahigi, i alun tanon togotogon ratahigi gea kera gabe nu tarira gi ira harahara. I nan gita vuin sinombu gabe ran wehira huribe ran toretore huri roroi non God. Kera geki haḡea atatu gabe ran hav gogonai te ginau rahu mai nun vatu, i ran hav mahin̄a tehe be vi tauana na nora dovon̄a non ginau rahu sage ginau rahu alun limara, sage alun rera. Kera geki rav rahu, i rav tomua mai Kraes huri taul vasan̄vulu.

Visirai 8:3

Haḡe enjel vwate mulei mwa haḡo gaihaḡon gai bonboni be nu loliana gin vat an̄oga mwa mai mwa du aben olta. Ram lai gaibonboni ivusi be men taua alolona. Ira ahun gaibonboni gea ram bulu mai tataro non sinombu non God. Enjel gea mwa hogoi gin ginau duluai gea lolmatan olta be nu loliana gin vatan̄oga i mwa du la lolmatan tanon togotogon ratahigi.

Visirai 9:13

Haḡe gaionon enjel mwa uv bilan taiva. I nam ron̄ silo mwa mai la sigun olta be mwa loliana gin vatan̄oga gaivasi la lolmatan God.