Visirai 6:1 - Hano Niu Testamen

¹ Nam gita nitui sipsip mwa n̄andu muan tigoro vwate alolon tigoro gaibitu be ram du alun buk lulun̄i gea, i nam ron̄ vwate alolon ira ginau rahu gaivasi mwa bevea gin silo gaivua kun silon bwahilo mwa bevea be, “Mai”.

Visirai 6:1 ပူးပေါင်းရင်းမြစ်များ

Leo Tavuha gabe Jon nu Ravae 1:29

Haḡe gubwen̄ dolua Jon mwa ḡita Jisas mwa mai huria, mwa bevea be, “Kea ha kahaḡa be Nitui Sipsip bilan God, gabe mwa lai dagai vuron ureure!

Lalaḡova 4:20

Huri be garu sihav lin̄i tehe be garu vi avo huri havanau be gamuru ḡitae i gamuru ron̄oe.”

Visirai 11:19

Imwa tataro non God lol ute atamare mwa mahavan̄i, i atatu ram ḡita dum gabe bugoron dameana non God mwa dogo alolona. Haḡe mwa bilehi i mwa daradumwi i mwa bwahilo i mwa sogai, i vatvatun uhe ram bihovi.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 14:2

I nam ron̄ silo mwa himai nin amare mwa roro kun silon wai saribwatu, kun silon dumdumwianan bwahilo mwa dabwahu gaivua. Mwa datan̄i kun silon atatu be ram pelei la vatahanan pelei gaivua.

Visirai 19:6

I nam ron̄ silon ginau kun gabe vatugin sinombu gaivua be mwa datan̄i kun gabe silon wai rovo i bwahilo gaivua. Nam ron̄ora be ram bevea be, “Uloi roroai God! Bwatuna be nonda Ratahigi God, i kea nonda Lavoa!

Visirai 4:8

Ginau rahu gaivasi gabaura gaiononoi vatvatahara. I matara ivusi vatvatahara, alolora i avare mulei. I ram hav mambumambu tehe, ram lol iboi, rani i bon̄i, ram bevea be: “Sabuga, sabuga, sabuga, Ratahigi God Holomare Hae, gom dogo tuai huba, i garigi, i vi mai radu.”

Visirai 5:1

Nan ḡita buka lulun̄i mwa eno la mwatuana gabe mwa dogo la tanon togotogon ratahigi; i ravrava nu masiri saraḡo alolona i avare, i nu goroan wasigi gin tigoro gaibitu.

Visirai 5:12

i ram lol iboi gin silo gaivua be: “Sipsip gabe nu wehiana, kea n̄an nu dadariha be vi lai tomuai i tavwe gaivua liu, mai mataisao i muramura, binihi marahi, sarisari i lol roroai!”

Visirai 5:8

I mahavana be mwa laia, ginau rahu gaivasi mai ira bwatmetua n̄avul gairua domwan gaivasi ram hiv bwaubwau goro nitui sipsip. I vatvatahara kasbol an̄oga ran masiri gin gaibonboni, gabe tataro duluai non sinombu non God.

Visirai 6:3

Haḡe nitui sipsip mwa n̄andu gairuan tigoro; i nam ron̄ gairuan ginau rahu mwa bevea be, “Mai!”

Visirai 6:5

Haḡe nitui sipsip mwa n̄andu gaitolun tigoro; i nam ron̄ gaitolun ginau rahu mwa bevea be, “Mai!” nam ḡarere i nam gita hos meto vwate. I atatu be mwa dogo aluna mwa haḡo tovtovo lol limana.

Visirai 6:7

Haḡe nitui sipsip mwa n̄andu gaivasin tigoro; i nam ron̄ gaivasin ginau rahu mwa bevea be, “Mai!”

Visirai 8:1

I mahavana be nitui sipsip mwa n̄andu gaibitun tigoro, ute mwa buhiga lol ute ata amare huri mahavan taro vwarate n̄ava maragai.