Visirai 5:6 - Hano Niu Testamen

⁶ Haḡe nam ḡita nitui sipsip mwa du boralolon tanon togotogon ratahigi, haḡe ginau rahu gaivasi ran dalisia mwa bulu mai ira bwatmetua. Haḡe nitui sipsip mwa bisirai kun be nu wehiana huba. I mauana i matana gaibibitui, i geki ira Vui non God gaibitu, gabe nu horana vai lol ureure duluai.

Visirai 5:6 ပူးပေါင်းရင်းမြစ်များ

Leo Tavuha gabe Luk nu Ravae 1:69

Huri nu lol domare Varahu muramura huri gida, kea ata la varan non atatun rovoga Deved.

Leo Tavuha gabe Jon nu Ravae 1:29

Haḡe gubwen̄ dolua Jon mwa ḡita Jisas mwa mai huria, mwa bevea be, “Kea ha kahaḡa be Nitui Sipsip bilan God, gabe mwa lai dagai vuron ureure!

Leo Tavuha gabe Jon nu Ravae 1:36

batena be mwa ḡita Jisas mwa laḡao, mwa bevea be, “Gitae kea ha kahaḡa be Nitui Sipsip bilan God!”

Lalaḡova 8:32

Geki haḡea tavihen avoan a gabe nu vasogoe, i mwa bevea be, “Kun sipsip gabe mwa laiana be men wehiana, kun sipsip mwa buhiga mahavana be ram bal kaburai iluna, i mwa hav vev te avoana vwate.

Visirai 1:4

Roroi nin Jon vai lol uloilua gaibitu lol vanua Esia. Nam dataro hogoi i tamwata nin God be mwa dogo tuai, i garigi i be vi mai i nin ira vui gaibitu la lolmatan tanon God.

Visirai 12:11

Ira tuada ran muramura ḡorora gin dagan nitui sipsip i gin mwasigi gabe ran seserai luae; i ran muramura bwatuna be ran hav sinsinei te rahura, take ran samsamwara be rai mate.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 14:1

Haḡe nam ḡarere i nam ḡita Nitui Sipsip mwa du la Vusi Saion; i tovtovon sinombu gabe ram du bul maia vasan̄vul vudolu vatuvwa vena n̄avul gaivasi domwan gaivasi (144,000), gabe ihana mai ihan tamara nu ravara alun rera.

Visirai 17:14

Ira ratahigi lavoa kera geki, rav bwalo mai nitui Sipsip. Sipsip gea mai ira non hala nu gita luara i ran vavtutu rav rihu maragai lol bwaloana. Bwatuna kea Ratahigi nin ratahigi duluai, i Ratahigi Lavoa ḡoro ratahigi lavoa duluai.”

Visirai 21:22

Nam hav mom ḡita imwa tataro lol bwatutun vanua gaivua, bwatuna be God mwasin roron̄o mai Nitui Sipsip haḡea imwa tataro.

Visirai 21:23

Bwatutun vanua mwa hav mom doron te alo sa vula be vi gigitainia. I sarisarin God mwa odae i Nitui Sipsip mwa bora non gigita.

Visirai 22:1

Haḡe enjel mwa bagahiau gin wai rovo gabe nu gigita kun gabe kilasi, i waina mwa lai rahuana. Wai rovo geki mwa mai nin tanon togotogon ratahigi gabe God mai Nitui Sipsip ramuru dogo aluna.

Visirai 22:3

Silo vevegi mulei sigai lol bwatutun vanua. God mai Nitui Sipsip raru vi togo alun tanon togotogon Ratahigi Lavoa. I ira sinombu non God rav gogonainia aia.

Visirai 4:8

Ginau rahu gaivasi gabaura gaiononoi vatvatahara. I matara ivusi vatvatahara, alolora i avare mulei. I ram hav mambumambu tehe, ram lol iboi, rani i bon̄i, ram bevea be: “Sabuga, sabuga, sabuga, Ratahigi God Holomare Hae, gom dogo tuai huba, i garigi, i vi mai radu.”

Visirai 5:11

Nam ḡitae i nam ron̄ silon ira enjel vasan̄vul vaivusi i tari vaivusi! Ram du dalis tanon togotogon ratahigi, ginau rahu gaivasi, mai ira bwatmetua,

Visirai 5:12

i ram lol iboi gin silo gaivua be: “Sipsip gabe nu wehiana, kea n̄an nu dadariha be vi lai tomuai i tavwe gaivua liu, mai mataisao i muramura, binihi marahi, sarisari i lol roroai!”

Visirai 5:13

I nam ron̄ ginau rahu duluai lol ute atamare, i teti lol ureure i aten ureure i lol tahi, i ginau rahu lol ureure duluai, ram lol iboi ram bevea be: “Lalainia gabe mwa dogo la tanon togotogon ratahigi i lalai nitui Sipsip tav lol roroainira, tav gogonainira, tav lol roroai ihara, i tai vev lua nora muramura, vai tuai tuai!”

Visirai 5:14

Haḡe ginau rahu gaivasi ram bwaliua be, “Amen!” Haḡe ira bwatmetua ram hovi vai ataa ram ḡogonainira.

Visirai 6:16

Ram uloulo lalai ira vusi mai ira vatu duluai be, “Hov haravui kamai ḡoro lolmatana be mwa dogo la tanon togotogon ratahigi, i nin lol horo non nitui sipsip!