Visirai 5:12 - Hano Niu Testamen

¹² i ram lol iboi gin silo gaivua be: “Sipsip gabe nu wehiana, kea n̄an nu dadariha be vi lai tomuai i tavwe gaivua liu, mai mataisao i muramura, binihi marahi, sarisari i lol roroai!”

Visirai 5:12 ပူးပေါင်းရင်းမြစ်များ

Matiu 28:18

Jisas mwa mai sosorira, mwa bevea be, “God mwa lai roron̄o lalaiau ḡoro ute atamare i ataa lol ureure.

Leo Tavuha gabe Jon nu Ravae 1:29

Haḡe gubwen̄ dolua Jon mwa ḡita Jisas mwa mai huria, mwa bevea be, “Kea ha kahaḡa be Nitui Sipsip bilan God, gabe mwa lai dagai vuron ureure!

Leo Tavuha gabe Jon nu Ravae 17:2

Bwatuna be gon lai muramura lalaiau huba ḡoro atatu duluai, huribe nav lai dum rahuana vai tuai lalainira gabe gon laira lalaiau.

2 Korin 8:9

Gim ilo huri hogoi non nonda Ratahigi Jisas Kraes. Gim iloe be Kraes kea nu rosoga, take huri kimiu mwa mai gi atat hiruga huri be la halan hiru be mwa laia kimiu giv rosoga.

1 Timoti 1:17

Lalai Ratahigi Vurai be mwa lavoa ḡoro vai tuai, kea sihav mate tehe, kea be tasav gita te dumwia, kea n̄an God, tanon binihi marahi i sarisari vai tuai i vai tuai! Amen.

Visirai 1:6

Kea Ratahigi Lavoa i mwa lolia be tam mai gi non ira muai tataroi be tamen lalaḡo lalai God Tata. Lalainia roroai i muramura vai tuai vai tuai! Amen.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 15:3

i ram lol iboi gabe Moses atatun rovoga non God nu lolia tuai, mai iboi non Nitui Sipsip ram bevea be; “Ratahigi God mwasin roron̄o, nu tavuha i nu vavtutu maragai na nom lalaḡova! Ratahigi Lavoa ḡoro varan sinombu duluai nom lalaḡova i alen̄amwa nu vavtutu!

Visirai 19:1

Ataguna geki, nam ron̄ ginau mwa datan̄i lol ute atamare kun gabe ira silo ivusi, i ram haharigi ram bevea be, “Lol roroai God! Varahuva, sarisari, i muramura kea non nonda God!

Visirai 4:11

“Nonda Ratahigi i God! Giḡo gon dadariha be gov lai muramura, i roroa, i sarisari. Huri be gon tau ginau duluai, i gin nom binihiva gon taura i ram du.”

Visirai 5:13

I nam ron̄ ginau rahu duluai lol ute atamare, i teti lol ureure i aten ureure i lol tahi, i ginau rahu lol ureure duluai, ram lol iboi ram bevea be: “Lalainia gabe mwa dogo la tanon togotogon ratahigi i lalai nitui Sipsip tav lol roroainira, tav gogonainira, tav lol roroai ihara, i tai vev lua nora muramura, vai tuai tuai!”

Visirai 5:6

Haḡe nam ḡita nitui sipsip mwa du boralolon tanon togotogon ratahigi, haḡe ginau rahu gaivasi ran dalisia mwa bulu mai ira bwatmetua. Haḡe nitui sipsip mwa bisirai kun be nu wehiana huba. I mauana i matana gaibibitui, i geki ira Vui non God gaibitu, gabe nu horana vai lol ureure duluai.

Visirai 5:8

I mahavana be mwa laia, ginau rahu gaivasi mai ira bwatmetua n̄avul gairua domwan gaivasi ram hiv bwaubwau goro nitui sipsip. I vatvatahara kasbol an̄oga ran masiri gin gaibonboni, gabe tataro duluai non sinombu non God.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.

Visirai 6:1

Nam gita nitui sipsip mwa n̄andu muan tigoro vwate alolon tigoro gaibitu be ram du alun buk lulun̄i gea, i nam ron̄ vwate alolon ira ginau rahu gaivasi mwa bevea gin silo gaivua kun silon bwahilo mwa bevea be, “Mai”.

Visirai 7:12

ram bevea be, “Amen! Roroa, roron̄o, rihumaragai avkariana, gogonai, i muramura, i vuhun̄ana non nonda God vai tuai vai tuai! Amen!”