Visirai 4:8 - Hano Niu Testamen

⁸ Ginau rahu gaivasi gabaura gaiononoi vatvatahara. I matara ivusi vatvatahara, alolora i avare mulei. I ram hav mambumambu tehe, ram lol iboi, rani i bon̄i, ram bevea be: “Sabuga, sabuga, sabuga, Ratahigi God Holomare Hae, gom dogo tuai huba, i garigi, i vi mai radu.”

Visirai 4:8 ပူးပေါင်းရင်းမြစ်များ

Lalaḡova 20:31

Giv gita ḡoro maragai bwatuna be, nan vagahi kimiu duluai huri taul gaitolu i mataruaku mwa rovo huri kimiu bon̄i i rani.”

2 Korin 6:18

“Inau nai vora Tamamiu, i kimiu giv vora ira nituku, God mwa bevea kunia.”

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

1 Timoti 4:16

Gov gitaḡoro tavuhai alen̄amwa, i avoana be gom do gom laia lalai sinombu. God gov lol silo vagahi be gom bevea. Be gov lolia kunia gov varahu dum muleinigo, maira be ram roron̄tainigo.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Hibru 13:8

Jisas Kraes mwa hav leahi te dumwi, alen̄ana kunia n̄an haḡea be tuai mwa botu ninovi, i garigi, i vaigogo mwa bano vai tuai.

Visirai 1:4

Roroi nin Jon vai lol uloilua gaibitu lol vanua Esia. Nam dataro hogoi i tamwata nin God be mwa dogo tuai, i garigi i be vi mai i nin ira vui gaibitu la lolmatan tanon God.

Visirai 1:8

Ratahigi God mwa bevea be, “Inau muana i nogonana, inau Alva i Omeka, gabe mwa dogo mwa rahu i mwa mai. Inau God muramura duluai.”

Visirai 11:17

ram bevea be: “Ratahigi God mwasin Roron̄o mwa dogo garigi i nu togo tuai! Gam avkarigo be gom lai nom muramura lavoa i gom bwalaonia.

Visirai 14:11

Haḡe ahun gabi, gabe mwa havwanira, mwa hae vai tuai vai tuai. Tanon mabuana sigai aia rani sa bon̄i huri ira hei gabe ram ḡogonai ginau rahu gea mai nununa, huri ihei tehe gabe mwa lai dovon̄a alun ihana.”

Visirai 14:3

Sinombu vasan̄vul vudolu vatuvwa vena n̄avul gaivasi domwan gaivasi ram du la lolmatan tanon togotogon ratahigi, i la lolmatan ginau rahu gaivasi mai ira bwatmetua; ram lol ira iboi gara be atatu dodolua rasav lol te dumwia. Alolon atatu duluai, kera n̄an gea be rav rahu nin vurora.

Visirai 15:3

i ram lol iboi gabe Moses atatun rovoga non God nu lolia tuai, mai iboi non Nitui Sipsip ram bevea be; “Ratahigi God mwasin roron̄o, nu tavuha i nu vavtutu maragai na nom lalaḡova! Ratahigi Lavoa ḡoro varan sinombu duluai nom lalaḡova i alen̄amwa nu vavtutu!

Visirai 15:7

Haḡe vwate alolon ginau rahu gaivasi gea mwa hagai kasbol an̄oga gaibitu gabe ran masiri gin lol horo non God, be mwa dogo tuai vai tuai lalai ira enjel gaibitu.

Visirai 16:14

Kera haḡea ira vui son̄son̄o gabe ram lol lalan̄an ginau dan̄an̄a. Ira vui gaitolu kera geki ram mwalue vai lol ureure huri ira ratahigi lavoa ata lol ureure, be rav laira vai ute gaituvwa huri bwaloana la gubwen̄in tomareana non Ratahigi God mwasin Roron̄o.

Visirai 16:7

I nam ron̄ silo mwa himai nin olta mwa bevea be, “Ratahigi God mwasin Roron̄o! Gon mwasigi i gon vavtutu liu alun nom vevegi duluai!”

Visirai 19:15

I buan bwaloana mamagani la bwan̄ona mwa ban dotomua be vi bwalo mai varan sinombu. Kea vi tomuainira gin bwata be mwa loliana gin aean, i vi seserai lolhoro wasi non God muramuraga be vi varahi kaburai vwain gaon taligaon waen vai lol lulroro gaivua aia be ran lol hun gaon taligaon waen aia.

Visirai 19:4

Ataguna geki, ira bwatmetua n̄avul gairua domwan gaivasi mai ira ginau rahu gaivasi, kera duluai ram hiv bwaubwau ḡoro tanon togotogon ratahigi non God i ram ḡogonainia. Ram bevea be, “Amen! Lol roroai Ratahigi!”

Visirai 21:22

Nam hav mom ḡita imwa tataro lol bwatutun vanua gaivua, bwatuna be God mwasin roron̄o mai Nitui Sipsip haḡea imwa tataro.

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.

Visirai 4:4

Alun tanon togotogon ratahigi be mwa dogo huba, tanon togotogo n̄avul gairua domwan gaivasi ram du dalisia, i alun tanon togotogo gea, ira bwatmetua n̄avul gairua domwan gaivasi ram domahuri aluna gaisagara nu abwaga i gaisosorin bwatura be nu loliana gin vatan̄oga.

Visirai 4:6

I mulei lolmatan tanon togotogon ratahigi, ginau vwate gitavanana nu raraniga kun tahi be nu legiga kun kilasi. Dalis tanon togotogon ratahigi mwa bulu, ginau rahu gaivasi, matara ran masiri lol matara i atagura.

Visirai 4:9

Haḡe ginau rahu gaivasi ram lol iboin avkari i sabuga i lol roroai lalainia gabe mwa dogo la tanon togotogon ratahigi, gabe mwa dogo tuai vai tuai. I mahavana be ram lolia kunia,

Visirai 5:6

Haḡe nam ḡita nitui sipsip mwa du boralolon tanon togotogon ratahigi, haḡe ginau rahu gaivasi ran dalisia mwa bulu mai ira bwatmetua. Haḡe nitui sipsip mwa bisirai kun be nu wehiana huba. I mauana i matana gaibibitui, i geki ira Vui non God gaibitu, gabe nu horana vai lol ureure duluai.

Visirai 6:1

Nam gita nitui sipsip mwa n̄andu muan tigoro vwate alolon tigoro gaibitu be ram du alun buk lulun̄i gea, i nam ron̄ vwate alolon ira ginau rahu gaivasi mwa bevea gin silo gaivua kun silon bwahilo mwa bevea be, “Mai”.

Visirai 6:6

Nam ron̄ ginau be mwa datan̄i kun silo gabe mwa mwalue nin ginau rahu gaivasi, i mwa bevea be, “Tovtovon bereti huri homu be tovtovona nu dadariha huri gubwen̄ gaituvwa. I raisi be homuna nu dadariha huri gubwen̄ gaituvwa. Ta gov derai gai oliv mai gaon taligaon waen!”

Visirai 7:11

Ira enjel ram du dalis tanon togotogon ratahigi, mai ira bwat metua, i ginau rahu gaivasi. Haḡe ram hiv bahudui gin lol matara ḡoro tanon togotogon ratahigi i ram gogonai God,

Visirai 7:15

Kea haḡea bwatuna be ram du la lolmatan tanon togotogon ratahigi God, i ram ḡogonainia boni i rani lol non Imwa Tataro. Kea gabe mwa dogo la tanon togotogon ratahigi vi varahura ginia sibona.