Visirai 4:6 - Hano Niu Testamen

⁶ I mulei lolmatan tanon togotogon ratahigi, ginau vwate gitavanana nu raraniga kun tahi be nu legiga kun kilasi. Dalis tanon togotogon ratahigi mwa bulu, ginau rahu gaivasi, matara ran masiri lol matara i atagura.

Visirai 4:6 ပူးပေါင်းရင်းမြစ်များ

Visirai 14:3

Sinombu vasan̄vul vudolu vatuvwa vena n̄avul gaivasi domwan gaivasi ram du la lolmatan tanon togotogon ratahigi, i la lolmatan ginau rahu gaivasi mai ira bwatmetua; ram lol ira iboi gara be atatu dodolua rasav lol te dumwia. Alolon atatu duluai, kera n̄an gea be rav rahu nin vurora.

Visirai 15:2

Haḡe nam ḡita ginau vwate kun tahi legiga roiroi mai gabi. Nam ḡitara mulei gabe ran muramura ḡoro ginau rahu turu mai nununa, i ram muramuraga ḡoroe be ihana gabe tovtovo. Haḡe ram du hurin tahi legiga, i ram haḡo kita gabe God mwa laia lalainira,

Visirai 15:7

Haḡe vwate alolon ginau rahu gaivasi gea mwa hagai kasbol an̄oga gaibitu gabe ran masiri gin lol horo non God, be mwa dogo tuai vai tuai lalai ira enjel gaibitu.

Visirai 19:4

Ataguna geki, ira bwatmetua n̄avul gairua domwan gaivasi mai ira ginau rahu gaivasi, kera duluai ram hiv bwaubwau ḡoro tanon togotogon ratahigi non God i ram ḡogonainia. Ram bevea be, “Amen! Lol roroai Ratahigi!”

Visirai 21:11

Haḡe sarisarin God mwa lol bwatutun vanua mwa ḡigita. Mwa sarisari i nu melmelo kun raumatan vatu be nu legiga maragai.

Visirai 21:18

Utebwatuna nu loliana gin jaspa, i bwatutun vanua gea ran lolia gin vatan̄oga be nu raraniga, i nu melmelo kun kilasi.

Visirai 21:21

Ira gatav lalavoa han̄vul domwan gairua ran lolia gin beril, matagara gaitutuvwai nu loliana gin beril. Hal gaivua huri bwatutun vanua ran lolia gin vatan̄oga i nu raraniga kun kilasi, nu sarisari kun kilasi.

Visirai 22:1

Haḡe enjel mwa bagahiau gin wai rovo gabe nu gigita kun gabe kilasi, i waina mwa lai rahuana. Wai rovo geki mwa mai nin tanon togotogon ratahigi gabe God mai Nitui Sipsip ramuru dogo aluna.

Visirai 4:4

Alun tanon togotogon ratahigi be mwa dogo huba, tanon togotogo n̄avul gairua domwan gaivasi ram du dalisia, i alun tanon togotogo gea, ira bwatmetua n̄avul gairua domwan gaivasi ram domahuri aluna gaisagara nu abwaga i gaisosorin bwatura be nu loliana gin vatan̄oga.

Visirai 5:11

Nam ḡitae i nam ron̄ silon ira enjel vasan̄vul vaivusi i tari vaivusi! Ram du dalis tanon togotogon ratahigi, ginau rahu gaivasi, mai ira bwatmetua,

Visirai 5:14

Haḡe ginau rahu gaivasi ram bwaliua be, “Amen!” Haḡe ira bwatmetua ram hovi vai ataa ram ḡogonainira.

Visirai 5:6

Haḡe nam ḡita nitui sipsip mwa du boralolon tanon togotogon ratahigi, haḡe ginau rahu gaivasi ran dalisia mwa bulu mai ira bwatmetua. Haḡe nitui sipsip mwa bisirai kun be nu wehiana huba. I mauana i matana gaibibitui, i geki ira Vui non God gaibitu, gabe nu horana vai lol ureure duluai.

Visirai 5:8

I mahavana be mwa laia, ginau rahu gaivasi mai ira bwatmetua n̄avul gairua domwan gaivasi ram hiv bwaubwau goro nitui sipsip. I vatvatahara kasbol an̄oga ran masiri gin gaibonboni, gabe tataro duluai non sinombu non God.

Visirai 6:1

Nam gita nitui sipsip mwa n̄andu muan tigoro vwate alolon tigoro gaibitu be ram du alun buk lulun̄i gea, i nam ron̄ vwate alolon ira ginau rahu gaivasi mwa bevea gin silo gaivua kun silon bwahilo mwa bevea be, “Mai”.

Visirai 6:6

Nam ron̄ ginau be mwa datan̄i kun silo gabe mwa mwalue nin ginau rahu gaivasi, i mwa bevea be, “Tovtovon bereti huri homu be tovtovona nu dadariha huri gubwen̄ gaituvwa. I raisi be homuna nu dadariha huri gubwen̄ gaituvwa. Ta gov derai gai oliv mai gaon taligaon waen!”

Visirai 7:11

Ira enjel ram du dalis tanon togotogon ratahigi, mai ira bwat metua, i ginau rahu gaivasi. Haḡe ram hiv bahudui gin lol matara ḡoro tanon togotogon ratahigi i ram gogonai God,

Visirai 7:17

bwatuna be, nitui sipsip gabe mwa du bora lolon tanon togotogon ratahigi, vivora nora radaiḡoro, i vi tomuai nira vai la matavuravuran wai rahu. God vi man̄ dagai matarua duluai nin matara.”