Visirai 4:1 - Hano Niu Testamen

¹ Atagun ginau kerageki nam hueri mulei vwate, i nam ḡita matgatavan ute atamare mwa mahavan̄i. Haḡe nam ron̄ silo mwa datan̄i kun silon taiva la silo n̄an gea be nan ron̄oe amua mwa bevea be, “Hamai teti i nai vagahigo gin havanau gabe vi loli ataguna geki.”

Visirai 4:1 ပူးပေါင်းရင်းမြစ်များ

Matiu 3:16

La mahavana be Jisas mwa ḡaruhisabuga vuvuri, mwa mwalue nin wai, i mwa ḡita ute atamare mwa mahavan̄i lalainia i Vui non God mwa hiv aluna kun manbona.

Leo Tavuha gabe Mak nu Ravae 1:10

Jisas mwa mwalue nin wai i darihou n̄an mwa ḡita ute atamare mwa mahavan̄i i vui mwa hivo aluna kun manbona.

Leo Tavuha gabe Luk nu Ravae 3:21

Ataguna be Jon mwa garuhisabugai sinombu duluai, Jisas mulei mwa lai garuhisabuga. I batena be Jisas mwa du mwa dataro mahao mwa mahavan̄i,

Leo Tavuha gabe Jon nu Ravae 16:13

Mahavana be Vui vi mai, vi lol bisirai mwasigi huri God i kea vi tomuai kimiu vai lol mwasigi duluai. Kea sihav avo te alun non roron̄o sibona, take vi avo alun ginau gabe nu ron̄oe i vi vev ginau lalai kimiu gabe rav mai radu.

Lalaḡova 10:11

Kea mwa ḡita ute atamare mwa mahavan̄i i ginau mwa himai nin amare vai lol ureure i gitavanana nuḡun bwabwan̄i, i ram haḡoe la siguna gaivasi dalisia mwa himai vai lol ureure.

Lalaḡova 7:56

Mwa bevea be, “Gitae! Nam ḡita ute atamare mwa mahavan̄i i nitun atatu mwa du la mwatuan God.”

Visirai 1:10

La gubwen̄in Ratahigi Vui mwa domuaiau, i ataguku nam ron̄ Silo gaivua mwa datan̄i kun silon taiva gaivua be mwa uvwiana.

Visirai 1:12

Haḡe mahavana be nam ḡarere be nav gita ihei gea be mwa avo maiau. Nam ḡita gaihaḡon bulu kun vatan̄oga gaibitu ram du.

Visirai 1:19

Rav havanau be gav gitae, i havanau be mwa du kadogaha, i havanau mulei be rav loli atagun ginau kera geki.

Visirai 11:12

Haḡe ira atatun vevsera gairua ramuru ron̄ silo mwa uloinira nin amare, “Giru hamai teti!” I mahavana be nora ivwalu ram dadara, tenlan̄i mwa laira vai lol mahao.

Visirai 11:19

Imwa tataro non God lol ute atamare mwa mahavan̄i, i atatu ram ḡita dum gabe bugoron dameana non God mwa dogo alolona. Haḡe mwa bilehi i mwa daradumwi i mwa bwahilo i mwa sogai, i vatvatun uhe ram bihovi.

Visirai 16:17

Haḡe gaibitun enjel mwa salil non disi vai la mahava. Haḡe silo gaivua mwa mwalue nin tanon togotogon ratahigi alolon imwa tataro, mwa bevea be, “Nu nogo kadogaha!”

Visirai 19:11

Nam ḡarere i nam ḡitae be ute atamare mwa mahavan̄i, i hos maita mwa du aia. Atatu be mwa rovo aluna mwa uloinia be, “Binihimwasigi garagusi i Mwasigi, i kea nu vavtutu vataha mahavana la non harahara sage lol mahavana be mwa bano lol bwaloana.

Visirai 22:6

Haḡe mwa bevea lalaiau be: “Avoana kera geki rav mwasigi, i mwa du be vi vinihi mwasigiana na Ratahigi God n̄ano mwa domuai rahun non atatun vevsera, i kea n̄an gaituvwa be nu hora non enjel be vi seserainia lalai ira non atatun rovoga havanau be vi loli be ramen loli darihou.”