Visirai 3:8 - Hano Niu Testamen

⁸ Nam ilo alen̄amiu ata Viladelvia i nam iloe be nomiu muramura kolo n̄ano, take gim haḡo batugehi noḡu avoana, i gim hav sigi te ihaku be kimiu noḡu atatu. Nam havan̄ gatava lol matamiu, gabe atatu vwate sihav goro te dumwia.

Visirai 3:8 ပူးပေါင်းရင်းမြစ်များ

Leo Tavuha gabe Luk nu Ravae 12:9

Take be ihei tehe mwa bevea lalai sinombu be kea mwa barihaiau, inau Nitun Atatu nav varihainia mulei la lolmatan ira enjel non God.”

Leo Tavuha gabe Jon nu Ravae 15:20

Giv vinihi dum havanau gabe nan vevea lalai kimiu be: ‘Turin rovoga mwa hav tomua tehe nin non ratahigi.’ Be rav lol ḡagarasiau, rav lol ḡagaras kimiu mulei; be rav tabe noḡu silo vagahi, rav tabe nomiu mulei.

Leo Tavuha gabe Jon nu Ravae 17:6

“Nam bev seserainigo lalai kera gabe gom lai luara lalaiau nin ureure. Kera bilamwa i gom laira lalaiau, i ram dabe nom avoana,

Lalaḡova 14:27

Haḡe mahavana be ramuru botu Antiok, ramuru hara ḡoḡo sinombun uloilua duluai ute gaituvwa, i ramuru bevea lalainira huri ginau duluai gabe God nu lolia bul maira, i kun hanigi kea nu havan̄ hala huri ira Lolobon̄i be rav binihimwasigi.

1 Korin 16:9

Huribe ginau tavuha huri rovoga nu laiana lalaiau kadogaha len̄len̄a be sinombu be ram avo wasi vai aluku.

2 Korin 2:12

Batena be nan mai vai Troas be nav toretore alun Leo Tavuha huri Kraes, Ratahigi nu lai taro tavuha vwat lalaiau aia.

Filipae 4:13

Nav lol dum ginau duluai sivi Kraes, bwatuna be kea mwa lai hui wasi lalaiau.

Kolosi 4:3

Giv tataro mulei huri kamai be God vi lai non mwasigi lalai kamai be gav toretore dumwi la ginau dahuligi be God nu lol melmeloinia huri Kraes. Kea haḡea kadogaha nam dogo lol imwa vauvauhi.

1 Timoti 5:8

Ihei tehe be mwa hav gitaḡoro te rahun ira havana sibona, liuhage ata lol mwasin imwana, kea mwa ban burigai binihimwasigi garagusi i kea nu hantai liu wani be mwa hav binihi te mwasigi God.

2 Timoti 4:7

Nan bwalo gin bwaloan tavuha, nan nogoi rovoan viluslusi, nan haḡo batugehi binihimwasigi garagusi.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.

Visirai 2:2

Nam ilo alen̄amiu mai havanau be gim lolia Ivisas. I nam iloe be gim lol rovoga hahavwani i gim ron̄ mwa n̄ava lol binihimiu liu. Nam iloe be gim hav samsamwara te n̄an haḡea alun ira atat lete, i nam ilo kimiu huba ira hei gea be ram bevea be kera ira hala take ram dentene, i gin habwera huba be ram dentene n̄ano.

Visirai 22:7

Jisas mwa bevea be, “Giv roron̄tai!” “Nai mai mulei n̄an darihou! God vi vatavuhainira be ram daibwero huri roroi ata lol buka geki.”

Visirai 3:1

Gov rav noḡu avoana vi vano lalai enjel lol uloilua Sadis ba bevea be, “Geki roroi niniau gabe Vui gaibitu be ram mai nin God mai visiu gaibitu. Nam ilo hano be gim lolia; nam iloe be atatu ram bevea be gim rahu, take gin mate!

Visirai 3:10

Bwatuna be kimiu gim du wasigi alun noḡu tatauleo, i nav gita ḡoro tavuhai kimiu mulei lol taro ririhai be mwa mai lol ureure be men lol ron̄ sinombu duluai ata lol ureure.

Visirai 3:15

Nam ilo alen̄amiu huba ata Laodisia. Lol nomiu rovoḡa kun be gim hav hahavwani tehe i gim hav masisi tehe mulei, inau nav garigariau liu huri kimiu!

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.