Visirai 3:4 - Hano Niu Testamen

⁴ take kimiu ata Sadis, gaiviha n̄an alolomiu be gaisagara ran melmelo, nora lalaḡova nu vavtutu. Giv lago bul maiau, i giv sagasagai gaisaga maita maiau huribe gin dadariha be giv lolia kunia.

Visirai 3:4 ပူးပေါင်းရင်းမြစ်များ

Matiu 10:11

“Mahavana be gim mai aben vanua vwate, giv dohi habwe atatu vwate nu dadariha be vi lai ḡoḡo dum kimiu, i giv togo maia vai votu be giv lin̄ ute gea.

Leo Tavuha gabe Mak nu Ravae 16:5

I ramuru haroro lol malan̄a, ramuru ḡita mwalaḡelo vwate mwa dogo la mwatuan malan̄a nu saga gaisaga maita ramuru dan̄an̄a maragai.

Leo Tavuha gabe Luk nu Ravae 20:35

take ira atamwani mai vavine gabe ran dadariha be rav tomare mulei nin mateana be rav rahu lol rahuana vi mai rasav lagi tehe.

Leo Tavuha gabe Luk nu Ravae 21:36

Giv mamata i giv tataro tagaro be rahumiu vi wasi be gimen van sivigi dum dagai nin ginau kera uhu gabe rav loli, i be giv tu dum la lolmatan Nitun Atatu.”

Lalaḡova 1:15

Haḡe gubwen̄ gaituvwa n̄an ataguna, ḡoḡoana non ira binihimwasigi, i kera duluai kun vudolu vatuvwa vena n̄avul gairua ram du ute gaituvwa, haḡe Pita mwa du amare be men avo.

2 Tesalonaeka 1:5

Ira taro ririhai gea be gim dogo alolona ram seserainia be alen̄an God huri vevegi nu vavtutu n̄ano. God kea nomiu Ratahigi lavoa i God mwa bev luae be kimiu gin dadariha be giv ron̄ ḡagarasi huri ihan God.

Ravrava nin Jud 1:23

giv lai lua kera rituai nin gabi, ba barahura. Giv seserai hagavi mai mataguana lalai kera dodolua, giv varihai gaisagan atatu be nu masiri gin alen̄an binihiv sage.

Visirai 1:11

Silo mwa bevea be, “Rava havanau be gom ḡitae alolon buka. I gov horae vai lol uloilua gaibitu kera geki kun Ivisas, Smana, Pekamam, Taeatira, Sadis, Viladelvia i Laodisia.”

Visirai 11:13

Haḡe lol mahavan taro tiri gea haḡea; mwa sogai rava; i udun bwatutun vanua mwa masalan̄ai, i mwa wehi sinombu vasan̄vul vabitu. Atatu be ram rahu ram matagu maragai, i ram uloi roroai ihan God be mwa dogo lol ute atamare.

Visirai 14:4

Kera be geki atatu n̄an gabe ran rarainira i ran hav bibili tehe gin rebehin vavine; kera ran gogona. Ram huri daltali nitui sipsip halabehe tehe be kea mwa bano. God nu vol luara huba i mwa lai luara nin atat dodolua. Ram bora muan atatu be ran vora hogoi lalai God mai nitui sipsip.

Visirai 19:14

Haḡe vatugin bwaloana ata amare ram rovo la hos ataguna i ram sagasagai gaisaga n̄an̄av maita.

Visirai 19:8

Vi sagana gin gaisagan lagiana malumlum legiga.” (Gav malumlumu geki la binihivanana, mwa du huri ginau tavtavuha be sinombu non God ran lolia.)

Visirai 3:18

Nam bevea lalai kimiu, be giv vol rau vatan̄oga lalaiau, rau matan vatu be nu lol melmeloinia huba huria, be giv vora ratahigi rosoga. I giv vol gaisaga maita ba sagasagainia, i ba saga ḡoro nomiu busbusiana. Giv vol rau gabe wain mata ba daua la matamiu, huri be gov gita dum ute.

Visirai 3:5

Kera gabe ram muramuraga lol taron bwaloana, rav sagasagai gaisaga maita kun geki, i nasav lai te dagai dum ihara nin bukan rahuana. Haḡe nai vev luae lolmatan Tata maira non ira enjel be, kera noḡu atatu.”

Visirai 4:4

Alun tanon togotogon ratahigi be mwa dogo huba, tanon togotogo n̄avul gairua domwan gaivasi ram du dalisia, i alun tanon togotogo gea, ira bwatmetua n̄avul gairua domwan gaivasi ram domahuri aluna gaisagara nu abwaga i gaisosorin bwatura be nu loliana gin vatan̄oga.

Visirai 6:11

“God nu saga ḡorora gin gaisaga maita vatvatahara, i mwa lai tanon mabuana vai tuai lalainira, vaivotu be atatu rituai be ran lol rovoga bul mai kimiu, sa ira tuamiu be mwa du be atatu ras wehi bamatera kun gabe ran wehi kimiu tuai. I mwa du be tovtovona huri kimiu duluai gea vi visirae amua.”

Visirai 7:9

Atagun ginau geki nam ḡarere i nam ḡita dum tatan̄an sinombu be atatu vwate sihav vului te dum sinombu duluai! Kera nin vataha lalan̄an atatu be gulira dodolua, i vanua i varan sinombu, i avoana, i ram du la lolmatan tanon togotogon ratahigi mai nitui sipsip, ram sagasagai gaisaga maita, i rauniuniu la limara.