Visirai 3:10 - Hano Niu Testamen

¹⁰ Bwatuna be kimiu gim du wasigi alun noḡu tatauleo, i nav gita ḡoro tavuhai kimiu mulei lol taro ririhai be mwa mai lol ureure be men lol ron̄ sinombu duluai ata lol ureure.

Visirai 3:10 ပူးပေါင်းရင်းမြစ်များ

Matiu 24:14

I Roroi Tavuha huri rahuan gara God mwa ratahigi ḡoro non sinombu alolona vi toretore huria lol ureure duluai, be vi vora turaturana lalai sinombu duluai, i ataguna gea nogonan gubwen̄ gim siv mai.

Matiu 26:41

Giv mamata ba dataro, bere gim hovi lol kalkaliana. Binihiva mwa rihumaragai, take vihogoi nu mandamanda.”

Matiu 6:13

Gosav lin̄ te kamai lol kalkaliana, Gov lai kamai nin bwatigoro.’

Leo Tavuha gabe Mak nu Ravae 14:9

Nam bev mwasigi lalai kimiu be, halabehe Roroi Tavuha vi toretore huria lol ureure duluai, havanau be nu lolia vi veveana gin binihi mulei huria.”

Leo Tavuha gabe Luk nu Ravae 2:1

Lol mahavan gea Akustus Ratahigi lavoa ata Rom mwa dau avoana be sinombu duluai halaten non silo vevev lol ureure, be rav bilin̄ai ihara.

Leo Tavuha gabe Jon nu Ravae 17:6

“Nam bev seserainigo lalai kera gabe gom lai luara lalaiau nin ureure. Kera bilamwa i gom laira lalaiau, i ram dabe nom avoana,

Ravrava non Pol lalai ata Rom 1:8

Muana nam doron be nav vevea be nam hav vev te tabeana lalai noḡu God sivi Jisas Kraes huri kimiu duluai, bwatuna be sinombu duluai lol ureure ram avoi nomiu binihimwasigi garagusi.

1 Korin 10:13

Kalkalianan vuro n̄ano be mwa mai lalai kimiu kea haḡea be mwa mai lalai gida duluai. Take gov butu dum alun God, be si hav mahin̄ainigo tehe be gov hovi liua be si loli. Take lol taro be gov hovi lol kalkalianan vuro, kea mulei vi lai hala lalainigo i muramura be gov tu wasigi i dagai ninia.

Ifisas 6:13

Kea haḡea mwa du maragai be gov tau haḡohaḡon bwaloana non God. I lol gubwen̄in atmate giḡo gov tu dum wasi. I lol taro be gov nogoi bwaloana gov tu dum wasi radu.

2 Timoti 2:12

Be tav mahin̄a ḡoro ron̄ ḡagarasi, gida mulei tav gitaḡoro bul maia. Be tav visigai ḡoroe, Kea mulei vi varihai be vi dame ḡoro gida.

Jemes 3:12

Ira tuaku duluai, gai vik vwate sihav vwae te dumwi gi oliv; i sage gaon taligaon waen sihav vwae te dumwi gi vik, i mulei lulun wai vwate be nu masiri gin tahi si hav lai te dum wai mwinu tavuha.

1 Pita 4:12

Ira tuaku, gisav haraḡo tehe gin ron̄ḡagarasi be vi mai kadogaha be men haḡo ron̄ kimiu. Gisav vinihia tehe be ginau haraḡo mwa loli lalai kimiu.

2 Pita 2:9

Ratahigi nu iloe kun hanigi haḡea be vi varahura gabe ran lol rovoga lalainia lol taro hantai be vi mai. Kea vi haḡo atat bwatigoro i vi vevegira, Lol taro be ram hohovi huri gubwen̄in Silo Vevegi.

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Visirai 11:10

Haḡe sinombu ata lol ureure geki rav samsamwara bwatuna mateanan ira tarua geki. Kera rav gan ginau ba samsamwara i rav hora tabeana vatvatahara. Bua be ira atatun vevsera gairua gea ramuru lai gagarasi vai alun atatu duluai.

Visirai 13:10

Ihei tehe gabe mwa binihia be vi vwirihiana vai lol gao vauvauhi, na vwirihiana vai lol gao vauvauhi; i ihei tehe gabe mwa binihia be vi mate gin buan bwaloana, vi mate gin buan bwaloana. Kimiu atatu non God, bwatuna gea giv tu wasigi, i nomiu binihimwasigi garagusi vi tu wasigi alun God.”

Visirai 13:14

Haḡe mwa ruruhi sinombu duluai be mwa dogo lol ureure, ginia be God mwa mahin̄ainia mwa lol ginau dan̄an̄a i tagaro la lolmatan muan ginau rahu gea. I kea mwa bevea lalainira be rav tai nunu vwate gabe nunun muan ginau rahu gabe ran saria gin buan bwaloana take mwa rahu mwa dogo radu, be kera rav gogonainia.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 14:12

Bwatuna ginau geki, atat non God rav tu wasigi, ihei mwa dabe leo horai non God i mwa du wasigi alun Jisas.

Visirai 14:6

Haḡe nam ḡita enjel vwate be mwa ḡaga haehae butbutui lol mahao, mai roroanan Roroi Tavuha be nogonana nu sigai be vi vev luae lalai sinombu lol ureure, i lalai lalan̄an atatu i lalan̄an vara, mai avoana, i tatan̄an vanua.

Visirai 16:14

Kera haḡea ira vui son̄son̄o gabe ram lol lalan̄an ginau dan̄an̄a. Ira vui gaitolu kera geki ram mwalue vai lol ureure huri ira ratahigi lavoa ata lol ureure, be rav laira vai ute gaituvwa huri bwaloana la gubwen̄in tomareana non Ratahigi God mwasin Roron̄o.

Visirai 17:2

Ira ratahigi lavoa ata lol ureure ram lol bwatigoro bul mai rebehina, i wai mwa wehi sinombu ata lol ureure gin wai mwinmwinun waen huri non bwatigoro.”

Visirai 17:8

Ginau rahu be gon gitae amua nu rahu take kadogaha mwa hav mom dogo tehe. I sihav n̄ava tehe vi mwalue nin banoi roro, n̄an huri be men lol Kaburai. I atatu gabe ihara nu hav ravan te ḡoro alun bukan rahuana la bwativun ureure radui, rav masiri gin binihiv lalan̄aga i dan̄an̄a. Rav gita ginau rahu geki be nu rahu amua take kadogaha mwa hav mom rahu tehe, take vi mom mai mulei vatuvwa.”

Visirai 2:10

Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 3:8

Nam ilo alen̄amiu ata Viladelvia i nam iloe be nomiu muramura kolo n̄ano, take gim haḡo batugehi noḡu avoana, i gim hav sigi te ihaku be kimiu noḡu atatu. Nam havan̄ gatava lol matamiu, gabe atatu vwate sihav goro te dumwia.

Visirai 6:10

Ram haharigi gin silo gaivua ram bevea be, “Ratahigi God mwasin roron̄o, sabuga i mwasigi! Gosav mom hohovi tehe, goi vevegi sinombu ata lol ureure, ba lai silo vevegi lalainira, huri be ran wehi bamat kamai.”

Visirai 8:13

Haḡe nam ḡarere i nam ḡita dum mala gabe mwa ḡaga haehae la mahava, mwa bevea gin silo gaivua mwa bevea be, “Vi hantai! Vi hantai! Vi hantai havava vi hantai maragai lalai sinombu be ram dogo lol ureure mahavana be silo rav mwalue nin ira enjel gaitolu be rav uv bilara taiva!”