Visirai 22:10 - Hano Niu Testamen

¹⁰ I kea mwa bevea lalaiau be, “Gisav tu te ḡoro avoan vevsera ata lol buka geki. Tarona mwa abena huri ginau geki be rav loli.

Visirai 22:10 ပူးပေါင်းရင်းမြစ်များ

Visirai 1:3

Samwarana lalai ihei be mwa basogo buka geki i vatavuhai ira hei dodolua sage ram roron̄tainia i ram dabea. Tarona mwa sosori be ginau duluai geki vi loli.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

Visirai 10:4

Haḡe mahavana be ram avo, nam dau bwatuna be namen rav avoana be mwa mai lol bwahilo. Take nam ron̄ avoana mwa himai nin amare mwa bevea be, “Gov tahuli ginau be bwahilo gaibitu ram bevea; take gosav rav te batugehia!”

Matiu 10:27

Ginau duluai uhu nam bevea abemiu lol ute bon̄i, ita giv vev muleinia lol ute ran maita. I ginau gim ron̄oe be nam bev dahulinia, giv vevurinia la ulun imwa.

Ravrava non Pol lalai ata Rom 13:12

“Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

Visirai 22:16

Inau haḡea, Jisas. Nan hora noḡu enjel be vi vev ginau duluai geki lalainigo i mwa bano lalai ira uloilua. Inau haḡea mwasin varan Deved. Inau visiu sarisari huri mabon̄i.

Visirai 5:1

Nan ḡita buka lulun̄i mwa eno la mwatuana gabe mwa dogo la tanon togotogon ratahigi; i ravrava nu masiri saraḡo alolona i avare, i nu goroan wasigi gin tigoro gaibitu.

2 Tesalonaeka 2:3

Gosav mahin̄a tehe be atatu vwate vi vataltalego la hala vwate. Gubwen̄in ratahigi si hav mai tehe vai votu be rav van burigai nin God i atatun vui son̄son̄o be mwa lago la halana vai lol ute meto vi visirai.

Visirai 22:20

Wani gabe nu vev avoan vevsera geki nu vevea be, “Nai mai n̄an darihou!” Uwe, Mwasigi, Ratahigi Jisas, mai darihou!

Ravrava non Pol lalai ata Rom 13:11

Giv lol ginau kera geki bwatun be gim ilo didini taro haḡe geki be tam dogo alolona. Kadogaha taro vwate huri kimiu be giv mamata nin nomiu maturuva, bwatuna be kadogaha tarona be God vi varahu gida mwa sosori nin taro be gida tan siv binihimwasigi.

Visirai 1:11

Silo mwa bevea be, “Rava havanau be gom ḡitae alolon buka. I gov horae vai lol uloilua gaibitu kera geki kun Ivisas, Smana, Pekamam, Taeatira, Sadis, Viladelvia i Laodisia.”

Visirai 22:7

Jisas mwa bevea be, “Giv roron̄tai!” “Nai mai mulei n̄an darihou! God vi vatavuhainira be ram daibwero huri roroi ata lol buka geki.”

Visirai 22:9

Take enjel mwa bevea be, “Gosav lolia te kunia. Inau atatu n̄an kunigo, inau atatun rovoga n̄an kunigo mai ira tuada i ira atatun vevsera mai ira hei duluai gabe ram ron̄ avoana duluai ata lol buka geki. Take giv gogonai God n̄an gaituvwa.”

Visirai 22:18

Geki haḡea noḡu avoan dau lalai atatu duluai gabe ram ron̄ avoan dau huri avoan vevsera huri buka geki. Be ira ihei tehe mwa dari birin ginau ata alolon buka geki, God vi lolira rav ron̄ ḡagarasi huri ginau hahantai duluai alun lalaḡov hantai ata alolon buka geki.