Visirai 20:4 - Hano Niu Testamen

⁴ I nan gita ira tanon togotogon ratahigi, i alun tanon togotogon ratahigi gea kera gabe nu tarira gi ira harahara. I nan gita vuin sinombu gabe ran wehira huribe ran toretore huri roroi non God. Kera geki haḡea atatu gabe ran hav gogonai te ginau rahu mai nun vatu, i ran hav mahin̄a tehe be vi tauana na nora dovon̄a non ginau rahu sage ginau rahu alun limara, sage alun rera. Kera geki rav rahu, i rav tomua mai Kraes huri taul vasan̄vulu.

Visirai 20:4 ပူးပေါင်းရင်းမြစ်များ

Matiu 19:28

Haḡe Jisas mwa bevea lalainira be, “Nam bev mwasigi lalai kimiu be, la mahavana rahuana gara uhu vi mai, inau Nitun Atatu nav togo la tanoḡu sarisari, gabe tanon lavoa, la mahavana gea, kimiu han̄vulu domwan gairua gabe gim huriau, kimiu mulei giv togo alun tanomiu gabe tanon lavoa, giv ratahigi ḡoro vara n̄avul gaituvwa domwan gairua ira Jius.

Matiu 24:10

Atatu ivusi rav derai nora binihimwasigi garagusi lol mahavana gea. Rav lin̄ mulmuleinira lalai nora ivwalu, i rav ivwalui mulmuleinira.

Leo Tavuha gabe Mak nu Ravae 6:16

Mahavana be Herod mwa ron̄oe mwa bevea be, “Jon Garuhisabuga gea! Nan tav roto bwatuna ta mwa mai mulei vai lol rahuana!”

Leo Tavuha gabe Mak nu Ravae 6:27

Haḡe mwa hora non atatun bwaloana vwate gabe mwa ḡitaḡoro imwa vauvauhi, haḡe mwa bano mwa haroro lol imwa vauvauhi, i mwa dav roto bwatun Jon;

Leo Tavuha gabe Mak nu Ravae 9:11

Ram dol hudali Jisas be, “Huri hano ira vagahin Silo ram bevea be Elaija vi mai amua?”

Leo Tavuha gabe Luk nu Ravae 1:17

Kea vi van dotomua nin ratahigi, vi masiri gin vui i muramura kun atatun vevsera Elaija. Vi haḡo bul ira tama mai ira naturigi utegaituvwa mulei: i vi dede ira siesiehi rav tabagilu mulei huri alen̄ara vavtutu; be men lol vatuvwai sinombu be rav lalaḡo lalai Ratahigi.”

Leo Tavuha gabe Luk nu Ravae 14:14

I kunia vi vatavuhanigo huria bwatuna be kera uhu rasav ḡele te dum mulei ginaganiana gabe gon van̄anira ginia. Take God sibona vi ḡelea lalainigo lol mahavana be ira vavtutu rav tomare mulei nin mateana.”

Leo Tavuha gabe Luk nu Ravae 22:30

Giv gangan i giv mwinmwin la noḡu tebol lol noḡu Rahuan Gara, i giv to mahuri la tanon togotogo be gimen tomuai ḡoro varan Israel han̄vul domwan gairua.”

Leo Tavuha gabe Jon nu Ravae 14:19

Tiri ḡalia n̄an ureure sihav mom ḡitau tehe, take kimiu giv gitau; i bwatuna be nam rahu kimiu mulei giv rahu.

Ravrava non Pol lalai ata Rom 11:15

Lol taro be God mwa ban burigai nin ira Jius, kea mwa mwemwearu mai ira atat dodolua ata lol ureure. I lol taro be God mwa lai mulei ira Jius, kea mwasigi be ginau gea vi lai mulei rahuana atagun mateana.

Ravrava non Pol lalai ata Rom 8:17

Kebe tai vora ira nitun God, tau lai vatavuha nin God saraḡo mai Kraes. Tav tau ron̄ḡagarasi kunia be Kraes nu ron̄ḡagarasi huribe tav sarisari kunia be Kraes nu sarisari.

2 Timoti 2:12

Be tav mahin̄a ḡoro ron̄ ḡagarasi, gida mulei tav gitaḡoro bul maia. Be tav visigai ḡoroe, Kea mulei vi varihai be vi dame ḡoro gida.

Visirai 1:2

Mwa bevea huri ginau duluai be nu gitae. Kea avoana non God i ira mwasin ginau be Jisas Kraes nu seserainia.

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Visirai 11:11

Haḡe gubwen̄ gaitolu i udui mwa nogo, hogoi mambuha rahu mwa himai non God i mwa haroro alolora, i ramuru du amare; i kera duluai be ram ḡitae huira mwa ruru.

Visirai 11:15

Haḡe gaibitun enjel mwa uv bilan taiva, haḡe sosobweroana gaivua lol ute atamare, ram bato ram bevea be, “Muramura be vi tomuai ḡoro ureure kadogaha vivora non nonda Ratahigi non Wani Vurai, i kea vi tomua vai tuai vai tuai!”

Visirai 11:3

I nav hora noḡu gaitura gairua be gaisagara nu lolian vatuvwai gin bakin kavura boboga i raru vi seserai lua roroi non God huri gubwen̄i vasan̄vul vatuvwa vudolu varua vena n̄avul gaiono.”

Visirai 11:7

I mahavana be ramuru bev lua vuvuri nora roroi, ginau rahu gabe ram mwalue nin banoi vi bwalo maira. Kea vi muramura ḡorora i vi wehira,

Visirai 12:11

Ira tuada ran muramura ḡorora gin dagan nitui sipsip i gin mwasigi gabe ran seserai luae; i ran muramura bwatuna be ran hav sinsinei te rahura, take ran samsamwara be rai mate.

Visirai 14:11

Haḡe ahun gabi, gabe mwa havwanira, mwa hae vai tuai vai tuai. Tanon mabuana sigai aia rani sa bon̄i huri ira hei gabe ram ḡogonai ginau rahu gea mai nununa, huri ihei tehe gabe mwa lai dovon̄a alun ihana.”

Visirai 15:2

Haḡe nam ḡita ginau vwate kun tahi legiga roiroi mai gabi. Nam ḡitara mulei gabe ran muramura ḡoro ginau rahu turu mai nununa, i ram muramuraga ḡoroe be ihana gabe tovtovo. Haḡe ram du hurin tahi legiga, i ram haḡo kita gabe God mwa laia lalainira,

Visirai 17:8

Ginau rahu be gon gitae amua nu rahu take kadogaha mwa hav mom dogo tehe. I sihav n̄ava tehe vi mwalue nin banoi roro, n̄an huri be men lol Kaburai. I atatu gabe ihara nu hav ravan te ḡoro alun bukan rahuana la bwativun ureure radui, rav masiri gin binihiv lalan̄aga i dan̄an̄a. Rav gita ginau rahu geki be nu rahu amua take kadogaha mwa hav mom rahu tehe, take vi mom mai mulei vatuvwa.”

Visirai 2:26

Lalainira be rav muramuraga lol bwaloana vaivotu nogonana, inau nav lai muramura gea lalainira be tata nu laia lalaiau. Nav lai muramura lalainira ḡoro varan sinombu duluai la ureure, i rav lavoa ḡorora. I nora bwatan bwaloana be dovon̄an ihara be ihan tanon lavoa, i kea nu ḡun aian be nu dadariha be vi wehi bora rebehin atatu lol ute duluai, kunia be aian vi tal momogai bwalgulu n̄oto i vi maverovero,

Visirai 22:5

I ute bon̄i mulei sigai aia. Atat vwate sigai alolora be ram du aia be vi doron here sa gigitan alo. Ratahigi God vi gigitainira i rav tomua vai tuai.

Visirai 3:21

I lalainira be ram muramura, nav lai tanoi lalainira be rav tomahuri bul maiau lol tanon togotogon ratahigi, kun gabe inau nam muramura, i garigi inau bul mai Tamaḡu lol non tanon ratahigi.”

Visirai 4:4

Alun tanon togotogon ratahigi be mwa dogo huba, tanon togotogo n̄avul gairua domwan gaivasi ram du dalisia, i alun tanon togotogo gea, ira bwatmetua n̄avul gairua domwan gaivasi ram domahuri aluna gaisagara nu abwaga i gaisosorin bwatura be nu loliana gin vatan̄oga.

Visirai 6:9

Haḡe nitui sipsip mwa n̄andu gailiman tigoro. I nam ḡarere aten olta be ira vui be ran mate tuai huba huri avoana non God i ran tu wasigi, gi gaitura vaivotu nogonana.

Visirai 7:3

Haḡe enjel mwa bevea be, “Gisav lol te hantai ureure mai tahi i gai duluai, vaivotu be gai bul dovon̄ana alura gabe atatun rovoga non nonda God gin dovon̄a alun rera.”