Visirai 2:3 - Hano Niu Testamen

³ Nam iloe huba be binihimiu n̄ava. Atatu ram lol ḡagaras kimiu gim ron̄ mwa hantai lol rebehimiu huri ihaku take binihimiu mwa hav hovi tehe.

Visirai 2:3 ပူးပေါင်းရင်းမြစ်များ

Leo Tavuha gabe Mak nu Ravae 15:21

Mahavana be atatun bwaloana ram ban maia la hala, ram habwe atatu vwate, ihana Saemon mwa lago be men vano vai la bwatutun vanua ram lolia be vi tatal volovolo non Jisas. (Saemon uhu kea ata Saerini taman Aleksanda mai Rovus.)

Leo Tavuha gabe Luk nu Ravae 14:27

I ihei gabe mwa hav lai te lua non volovolo be vi huria, wani mulei gea mwa hav dadariha tehe be vi vora noḡu roron̄tai.”

Leo Tavuha gabe Luk nu Ravae 18:1

Haḡe Jisas mwa bev avoan dalogai geki lalainira non roron̄tai be men vagahira be rav tataro tagaro huri be rasav mandamanda tehe.

Leo Tavuha gabe Luk nu Ravae 21:19

Giv tu wasigi i giv varahu kimiu sibomiu.”

Leo Tavuha gabe Luk nu Ravae 5:5

Take Saemon mwa bwaliua be, “Ratahigi, gan lol rovoga hahavwani bon̄i duluai take gam hav rav te dum ige. Ta huri be gom bevea kunia gav lin̄ ron̄ mulei gabe.”

Leo Tavuha gabe Luk nu Ravae 8:15

Biri gabe ram hovi lol mwasin tano mwa du huri ira hei gabe ram ron̄ avoana i ram ḡoḡoi ḡoroe gin mwasigi i lolotavuha, i ram du wasigi vaivotu ram bwae.”

Leo Tavuha gabe Jon nu Ravae 15:21

Take rav lol ginau duluai kerageki lalai kimiu bwatuna be kimiu noḡu atatu; huribe ram hav ilo te atatu gabe nu horau.

Ravrava non Pol lalai ata Rom 12:12

Gov ron̄ mwandavuha huribe nom doronhohov mwa hohovi huri ginau tavuha nin God. Gov lin̄ maḡemu lol taro ririhai, i gov tataro vataha mahavana.

Ravrava non Pol lalai ata Rom 16:12

Avoan helheloi mulei lalai Trivena i Trivosa, ira vavine gabe ran lol rovoga hahavwani huri God. Avoan helheloi lalai buluana Pesis, kea gabe nu lol rovoga hahavwani mulei huri God.

Ravrava non Pol lalai ata Rom 2:7

Atatu rituai, be ram lol rahurahui ginau tavuha, rav togo huri lalaḡova non God, huri binihi marahi, i huri rahuana be nogonana sigai. God vi lai lalainira rahuana vai tuai.

Ravrava non Pol lalai ata Rom 8:25

Take tam dau nonda doronhohov huri ginau be nonda sigai radu, i tam hohovia gin sine maḡemu.

1 Korin 13:7

Lolotabetabe kea mosmosianana nu sigai; i non binihimwasigi garagusi, doronhohov, i mwa du wasigi ḡaoḡao.

1 Korin 16:16

be giv huri tomuai non atatu kungeki mai irahei tehe be ram lol rovoga i ram lalaḡo maira.

2 Korin 10:15

Gam dau matavwen nomai avoan ravravwega alun rovoga be nomwa, nu hav vora te havanau be atat dodolua ran lolia huba. Gam doronhohov be nomiu binihimwasigi garagusi vi mauri rahurahu, kimiu giv bului nomai rovoga be vi mauri gaivua maragai.

2 Korin 11:23

Matu kera atatun rovoga non Kraes? Inau nam lol rovoga huria liu. Nam av daltale kungeki, nam lol rovoga hahavwani liura. Nan togo lol imwa vauvauhi tagaro liu. Ran lol ḡagarasiau vaivusi liua be ran vivilisiau. Nu abena be nai mate vaivusi.

2 Korin 4:1

God gin non sine hagavi, nu lai rovoga geki lalai kamai be gav lolia, i gosav lin̄ia tehe.

2 Korin 4:16

Bwatuna gea binihimai mwa hav hovi tehe, haḡe gam hav lin̄ te rebehimai be rav metuaga i rav mandamanda, take vui alolomai mwa lol kamai gam ḡara vataha gubwen̄i.

2 Korin 5:9

Gatavada gaituvwa n̄an be tav lol samsamwarai God be tam do teti sa amare.

2 Korin 6:5

Ram bivilis kamai i ram dau kamai lol imwa vauvauhi. Gam bisogari maira be ram barihai kamai i ram dau bwatun bwaloana. Gam lol rovoga hahavwani, i mahavan rituai gam hav maturu te dumwi i ginaganiana sigai.

Kelesia 6:2

Be giv bulbului kimiu lol nomiu togoan ririhai, kimiu mwasigi gim dabe silo non Kraes.

Kelesia 6:9

Si hav sav gita te gida gin lolian tavuha. Tav lai vwain bilada gin rahuana vai tuai la mwasin tarona kebe si hav sav te gida.

Filipae 2:16

Giv hagai silo vagahi be vi mai mulei, inau nav samsamwara dumwi bwatuna be noḡu rovoga mwa hav van te sabwelei. Nan rovo huri tavwe i nan laia.

Filipae 4:3

I nam hudali kimiu, ira tuaku be gin masiri gin binihimwasigi, giv bului ira vavine uhu. Kera ram lol rovoga buluiau be ramen vev Roroi tavuha, kera mai Klemen i rituai mulei be ram lol rovoga maiau, ihara nu ravana lol bukan rahuana.

Kolosi 1:11

God vi lol muramurago gin non muramura tavuha huribe si hav savigo tehe lol taro be taro ririhai vi mai take gov lin̄ muleinigo.

1 Tesalonaeka 1:3

Gam binihi dumwia tagaro lolmatan God Tamanda ginau duluai be gin lolia huba, bwatuna nomiu binihimwasigi garagusi i rovoga be gin lolia bwatuna nomiu lolotabetabe. I gam avkaria be gim wasi radu bwatun nomiu doronhohov lol Ratahigi Jisas Kraes.

1 Tesalonaeka 2:9

Ira tuaku, nam iloe be gim binihi dum nomai rovoga hahavwani i taro ririhai duluai. Gan lol rovoga hahavwani i taro ririhai duluai. Gan lol rovoga bon̄i i ute rani be gasav mai tehe gi marahin rovoga lalai ihei tehe alolomiu, taro be gan toretore huri Roroi Tavuha non God lalai kimiu.

1 Tesalonaeka 5:12

Kadogaha, ira tuaku, gam hudali kimiu be, giv binihimarahi kera be ram lol rovoga hahavwani mai kimiu, kera be ram domuai kimiu vai lol Ratahigi i ram bagahi kimiu.

2 Tesalonaeka 3:13

Ta kimiu ira tuaku, gisav bwatiḡoruga tehe be giv lol tavuha.

2 Tesalonaeka 3:5

Nam dataro be Ratahigi vi to muai irubwimwa vai lol lolotabetabe non God i tamwata non Kraes. Atatu rav lol rovoga huribe rav lai gara ginau.

2 Tesalonaeka 3:8

I la mahavana be gam ḡan ginau gan atatu dolua, gam bolia duluai. Gam lol rovoga wasi bon̄i i rani huribe gasav vol te ginau nin vwate alolomiu.

1 Timoti 4:10

Bwatuna haḡe geki be tam lol rovoga hahavwani; tam doronhohov huri God be mwa dogo vai tuai, kea be varahun sinombu duluai, liuhage kera kebe ram binihimwasigi.

1 Timoti 5:17

Ira tomuai be ram domuai tavuha uloilua rav lai tanon binihi marahi amare liu, liuhage hurira be ram lol rovoga hahavwani gin avoana i silo vagahi.

Hibru 10:36

Giv lin̄ maḡemu, bwatuna giv lol hano be God mwa doronia i giv lai havanau be God nu tatauleo be vi laia lalai kimiu.

Hibru 12:1

Gida sinombu ira atatu gabe ira gaitura non God ram du dalis gida, gabe tatan̄ana gabe ram du dalis gida gaivua maragai. Haḡe bwatuna gea, tav derai ginau duluai gabe ram duḡoro gida, i bwatigoro gabe ram haḡo wasi gida, i gida tav lol binihinda vi wasi, la hala gea be mwa du lol matada.

Hibru 13:13

Kunia mulei gida tav hiv avare dagai nin bwatutun vanua i tav bete la non busbusiana.

Hibru 6:10

Huri alen̄an God vataha mahavana nu tavuha n̄ano. I kea sihav vinihi te dum malioi rovoga duluai gea be gin lolia. I kea vi vinihi dumwia be kimiu gim dabea lol nomiu doroniva liu, i be gin bului raduinira atatun uloilua dodolua, i gin bului raduinira.

Hibru 6:12

I gan hav doron tehe be giv bwatiḡoruga. Take kamai gam doron be giv huri alen̄ara gea be ram binihimwasigi wasigi i nora binihiva n̄an̄ava, i rav lai dum havanau be God nu tatauleo be vi laia lalainira.

Hibru 6:15

Kunia Ebraham mwa lol non binihiva mwa n̄ava, i la hala gea, kea mwa lai dum ginau be God nu tatauleo huria.

2 Pita 1:6

be iloute mwa dogo huba giv bulusia gin binihiv bahivoi; be binihiv bahivoi mwa dogo huba giv bulusia gin maḡemu; be maḡemu mwa dogo huba giv bulusia gin rovoga non God;

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Visirai 3:10

Bwatuna be kimiu gim du wasigi alun noḡu tatauleo, i nav gita ḡoro tavuhai kimiu mulei lol taro ririhai be mwa mai lol ureure be men lol ron̄ sinombu duluai ata lol ureure.