Visirai 2:10 - Hano Niu Testamen

¹⁰ Gisav matagun te havanau tehe gabe mwa abena be men dum kimiu. Giv roron̄tai! Setan vi lol ron̄ kimiu, i vi lolia rituai alolomiu ram togo lol imwa vauvauhi i vi vora kunia huri gubwen̄ han̄vulu. Gisav matagu tehe, son̄o be rav wehi kimiu. I nav lai tavwe lalai kimiu, kun gabe tavwen nomiu garogaroana.

Visirai 2:10 ပူးပေါင်းရင်းမြစ်များ

Matiu 10:22

Atatu duluai rai varihai kimiu bwatuna ihaku. Take irahei nin kimiu be rav tu wasi vai votu nogonana rav rahu.

Matiu 10:28

Gisav mataguinira tehe be rai wehi rebehimiu, ta rasav wehi te dum atmatemiu. Take giv mataguinia be kea vi wehi kaburai dum rebehimiu i atmatemiu vai lol gabi.

Matiu 24:13

Take wani gabe mwa du wasigi rahurahu vai votu nogonana vi rahu.

Leo Tavuha gabe Mak nu Ravae 13:13

Atatu duluai rav varihai kimiu bwatuna inau. Take ihei tehe mwa du wasigi vaivotu nogonana kea vi rahu.”

Leo Tavuha gabe Mak nu Ravae 8:35

Huri be ihei mwa doron be vi varahu rahuna sibona, wani gea vi lin̄ rahuna i ihei be mwa lin̄ rahuna huriau mai leo tavuha, vi varahua.

Leo Tavuha gabe Luk nu Ravae 21:12

Ginau kera geki rav loli amua, rav lai kimiu i rav lol bwarebware maragai kimiu, rav lin̄ kimiu be ramen vevegi kimiu lol imwa tataro, i be rav tau kimiu lol imwa vauvauhi; rav lai lua kimiu be giv tu lolmatan ira Ratahigi Lavoa maira tomuai huri ihaku.”

Leo Tavuha gabe Jon nu Ravae 12:25

Ihei tehe mwa dabe maragai rahura sibona vi rauhagainia; i ihei gabe mwa hav tabe te maragai rahuna sibona lol ureure geki, vi haḡo rahuana vai tuai.

Leo Tavuha gabe Jon nu Ravae 13:2

Ute mwa ravravi Jisas mwa ḡan ginau maira non roron̄tai. Haḡe vui hantai nu tau binihiva huba alolon Judas nitun Saemon Iskariot, huribe vi sine Jisas.

Leo Tavuha gabe Jon nu Ravae 13:27

Mahavana be Judas mwa lai bereti, Setan mwa haroro alolona. Haḡe Jisas mwa bevea lalainia be, “Goi vilvilehi mai ginau be gov lolia!”

Lalaḡova 20:24

Take nam binihi rahuku kun be ginau vuroi n̄an vwate lalaiau siboku; ita noḡu doroniva n̄ano be tatan̄an lalaḡova be inau alolona mai noḡu rovoga gabe Ratahigi Jisas nu horau huria vi hara harai, be nav seserai Roroi Tavuha huri hogoi non God.”

Lalaḡova 21:13

Take mwa bwaliura be, “Gim lol havanau, gim haharigi i gim lol hantai irubwiku? Nam lin̄ muleiau siboku, mwa hav vora te huria be ramen vauhiau Jerusalem, take huri be namen mate aia la ihan Ratahigi Jisas.”

1 Korin 9:25

Kera duluai be ram rovo lol taron rovoana, ram n̄aitai gin nora muramura be rav harav ira tuara. Tabeana gea kea ginau n̄ano ata lol ureure be mwa dogo vwelvwele n̄ano, take nonda na tabeana si hav lolian te kaburai dumwi.

Ifisas 2:2

Uwe, tuai gin togo la rahuana be ureure nu togo aluna, gin huri tomuai non ira Vui hantai gabe ran togo la ulun ureure. Vui n̄an haḡe gea be mwa lol rovoga alolon irahei gabe ram barihai be rav tabe God.

Ifisas 6:12

Nonda bwaloana vorate vai alun atatu lol ureure, take tam bwalo vai alun ira vui hahantai ata lol ureure amare, ira gitaḡoro hahantai, i ira muramura hahantai ata lol taro geki.

Jemes 1:12

Taro be sinombu kalkaliana mwa haḡo ron̄ora ram du wasi rahurahu, mwa du be rav samwara. Ataguna be ram seserai nora binihimwasigi God vi tavwera gin rahuana vai tuai. God nu tatauleo lalainira duluai be ram dabea.

1 Pita 5:4

I lol taro be Kraes, muai radaiḡoro, vi mai, kimiu giv lai gaisosorin bwatu sarisari be sihav vano te dumwi na gabolanana.

1 Pita 5:8

Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

Visirai 13:14

Haḡe mwa ruruhi sinombu duluai be mwa dogo lol ureure, ginia be God mwa mahin̄ainia mwa lol ginau dan̄an̄a i tagaro la lolmatan muan ginau rahu gea. I kea mwa bevea lalainira be rav tai nunu vwate gabe nunun muan ginau rahu gabe ran saria gin buan bwaloana take mwa rahu mwa dogo radu, be kera rav gogonainia.

Visirai 13:2

Haḡe ginau rahu gabe gitanana nu ḡun lepad, i bwalagena la gitanana nu ḡun bea, i bwan̄ona kun laion. Haḡe drakon mwa lin̄ non muramura sibona lalai ginau rahu gea, i non tanon togotogon ratahigi, i non tomuai.

Visirai 13:7

I mwa mahin̄ainia be vi bwalo bul mai sinombu non God, i vi muramura ḡorora, i mwa lai muramura lalainia ḡoro tatan̄an sinombu, mai varan sinombu, i avoana i lalan̄an atatu be gulira dodolua.

Visirai 17:14

Ira ratahigi lavoa kera geki, rav bwalo mai nitui Sipsip. Sipsip gea mai ira non hala nu gita luara i ran vavtutu rav rihu maragai lol bwaloana. Bwatuna kea Ratahigi nin ratahigi duluai, i Ratahigi Lavoa ḡoro ratahigi lavoa duluai.”

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.

Visirai 2:9

Nam ilo nomiu vahalana huba la vanua Smana. Nam iloe be kimiu gim hiruga, take mwasigi be kimiu ira ratahigin roso. I nam ilo nora avoan hahantai gea be ram avo vai alumiu. Ram bevera be kera ira Jius, take ram la ram dentene. Nora imwa tataro imwan Setan tavuhai haḡea.