Visirai 18:9 - Hano Niu Testamen

⁹ Ira ratahigi lavoa duluai ata lol ureure gabe ram maturu bul maia i ram bulbulu alun non binihiv taltale rav deidei rav talan̄lan̄a, mahavana be rav gita ahu be mwa mwalue nin bwatutun vanua gea be gabi nu gan kaburainia huba.

Visirai 18:9 ပူးပေါင်းရင်းမြစ်များ

1 Timoti 5:11

Gosav tau te ihan ira bwero be vavin bweihe lol ihara bwero bwatavwe. Ataguna be ram lin̄ira la ihan Kraes, vuvuri ram ban burigainia bwatuna doroniva non rebehira, haḡe ram doron lagiana mulei.

Visirai 14:11

Haḡe ahun gabi, gabe mwa havwanira, mwa hae vai tuai vai tuai. Tanon mabuana sigai aia rani sa bon̄i huri ira hei gabe ram ḡogonai ginau rahu gea mai nununa, huri ihei tehe gabe mwa lai dovon̄a alun ihana.”

Visirai 17:2

Ira ratahigi lavoa ata lol ureure ram lol bwatigoro bul mai rebehina, i wai mwa wehi sinombu ata lol ureure gin wai mwinmwinun waen huri non bwatigoro.”

Visirai 18:18

Mahavana be ran gita ginau rahu be mwa mwalue nin non gabi, ram haharigi amare be, “bwatutun vanua gaivua haḡea geki be vanua vwate sigai kunia!”

Visirai 18:20

“Ute ata amare vi samsamwara mai sinombu non God mai ira hala i ira atatun vevsera! God mwa bevegia huri hano be nu lolia lalainigo!”

Visirai 18:3

Atatu duluai lol vanua duluai lol ureure ram mwin waen wasi man vavine geki. Ira ratahigi lavoa duluai ata lol ureure ran vahala lol bwatigoro mai vavine geki. Ira atatun roso ata lol ureure ram rosoga bwatuna vavine geki huribe mwa dorodoron ginau ata lol ureure.”

Visirai 18:7

Vavine gea mwa binihi sagea sibona mwa lol rahuna gin ginau be volvol marahi. Kimiu giv lolia be kea vi ron̄ mwahantai maragai lol rebehina i binihina, vi dadariha kun non samwarana ata tuai. Mwa bevea gin mwasin lolona be, ‘Inau ratahigi lavoa vavine! Nasav vora te bwero dum n̄an haḡea sage be men ilo ron̄ovanan ron̄mwahantai.’

Visirai 19:3

Haḡe vatugin sinombu mwa haharigi amare be, “Lol roroai Ratahigi! Ahu sihav mosmosi te dum nin rebehina be mwa onda vai tuai vai tuai.”

Visirai 2:22

I nai vohainia vai ataa la bata vwate aia be kera ran bulu maia lol bwatigoro rav ron̄ ḡagarasi liu. Nav lolia n̄an kadogaha vai votu be kera rai vinihi leahi nin vurora be ran vahala la halan lagiana.