8 Huribe kunia, lol gubwen̄ vwate kea vi ron̄ ḡagarasi gin harova i gin marogagasi i deiana. Gabi vi oda kaburainia, bwatuna be Ratahigi God vi vevegia gin non muramura.”
Haḡe mauana han̄vulu mai ginau rahu rav tau bwatuna ba barihai vavinen rovrovoi homu. Rav tagahi kaburai gaisagana ba derainia vuroi. I ran gan rebehina la mavuvuna duluai i ram bohainia vai lol gabi.
Take lol mahavan taro gaituvwa n̄an rosona vi matahara kaburai.” Ira vwalauanan waḡa duluai mai ira sinombu be ram ḡalo alun waḡa i ira atatun rovoga ran tu ban hautu, i maira duluai be ram rovoi halan rovoga mai homu lol tahi.
Ram bohai taniavu la bwatura i ram dei amare ram bevea be, “Hagavi bwatutun vanua gaivua Babilon! Kera duluai be ram rovo lol tahi ram bora ratahigi rosoga duluai alun non ginau. Take mahavan alo gaituvwa kunia bwatutun vanua vi masalan̄ai kaburai!”