Visirai 17:3 - Hano Niu Testamen

³ Haḡe vui mwa domuaiau i enjel mwa domuaiau vai la vanua vuroi. I aia nam ḡita vavine mwa dogo alun ginau rahu turu memea mai iha gabe mwa av hantai vai alun God, be nu ravan seserai alun rebehina duluai. Ginau rahu turu gea mauana gaibitu i bwatuna han̄vulu.

Visirai 17:3 ပူးပေါင်းရင်းမြစ်များ

Matiu 27:28

Haḡe ram dagahi dagai gaisagana i ram sagae gin koti memea raraniga.

Lalaḡova 8:39

Mahavana be ramuru mwalue nin wai, Vui non God mwa lai dagai Vilip. Haḡe tomuai mwa hav nom ḡitae tehe mulei, take kea mwa hivo rahurahu la halana, i mwa masiri gin samwarana.

2 Tesalonaeka 2:4

Kea si hav ron̄ te hano be vi veveana i vi taua sibona amare la ginau duluai gabe mwa uloiana be god sage havanau be sinombu ram uloi roroainia. I vuison̄son̄o gea vi haroro mulei lol imwa gogonai non God i vi togo aia i vi vevea be kea God.

Visirai 1:10

La gubwen̄in Ratahigi Vui mwa domuaiau, i ataguku nam ron̄ Silo gaivua mwa datan̄i kun silon taiva gaivua be mwa uvwiana.

Visirai 12:14

God mwa lai gabaun mala gaivua gairua lalai vavine gea be vi gaga ginia vai la vanuana vuroi, i vi togo tavuhai aia huri taul gaitolu i udui. I aia vi rahu nin wehiwehiana non drakon.

Visirai 12:3

I nam ḡita dovon̄a dolua vwate mulei mwa bisirai lol mahao. I aia drakon memea gaivu talele vwate, mai bwatuna gaibitu i mauana han̄vulu, i gai sosorin bwatu vatvataha bwatu.

Visirai 12:6

Haḡe vavine mwa rov maragai vai la vanua vuroi, lol ute be God nu lol vatuvwainia huria, i vi gitan ḡoro aia huri gubwen̄ vasan̄vul vatuvwa, vudolua varua vena n̄avul gaiono.

Visirai 17:18

“Vavine be gom ḡitae kea bwatutun vanua gabe mwa domuai ḡoro ira ratahigi lavoa duluai ata lol ureure.”

Visirai 17:4

Vavine gea nu sagasagai gav tarabehiga mai memea raraniga, i nu gabuian bamasiri gin vatan̄oga, rau matan vatu, mai ginau bibili i ginau hahantai, kun gabe vwaliun non bwatigoro gabe nu lolia.

Visirai 18:12

Atatu vwate sigai n̄an haḡea be men vol nora vatan̄oga, vatlegiga, raumatan vatu; ira lalan̄an gavu kun gav vatmwetoga, gav tastaso i gav memea; ginau n̄oto be ram lolia gin livon elevan, i gai bonboni, vatmerameraga, aean i raumatan vatlegiga;

Visirai 18:16

Haḡe ram haharigi amare ram bevea be, “Hagavi bwatutun vanua gaivua Babilon! Tuai nu sagae gin gav malumlumu i mwa sagae gin gav memea meto mai memea, i nu gagavua gin vatan̄oga mai ira vat maharavi mai vatlegiga.

Visirai 21:10

Haḡe gin buluiana non Vui, kea mwa domuaiau vai la n̄alivun vusi holomare. I aia kea mwa bagahiau gin bwatutun vanua sabuga Jerusalem mwa himai amare nin God.

Visirai 4:2

Haḡe darihou Vui mwa bwalauau. Aia lol ute atamare tanon togotogon Ratahigi i atatu vwate mwa dogo aluna.