Visirai 14:4 - Hano Niu Testamen

⁴ Kera be geki atatu n̄an gabe ran rarainira i ran hav bibili tehe gin rebehin vavine; kera ran gogona. Ram huri daltali nitui sipsip halabehe tehe be kea mwa bano. God nu vol luara huba i mwa lai luara nin atat dodolua. Ram bora muan atatu be ran vora hogoi lalai God mai nitui sipsip.

Visirai 14:4 ပူးပေါင်းရင်းမြစ်များ

Matiu 19:12

Ginau dodolua rituai ram du ḡoro atatu rituai be kera rasav lagi te dum. Rituai ram hav lagi tehe bwatuna be la mahavana gabe ram vora mai, ta nu tau rebehira haḡea kunia. I rituai bwatuna be atatu ram lol hantainira. I rituai ram hav lagi tehe huribe Ute Lavoa atamare. Ihei vi lai dum avoana geki, vi laia.”

Matiu 25:1

“La mahavana Ute Lavoa atamare vi kun geki. Vavin daulato han̄vulu ram lai nora bulu, ram bano be ramen gita atatu vwate be mwa siv lagi.

Matiu 8:19

Haḡe vagahin Silo vwate mwa bevea lalainia be, “Vagahi, kadogaha nav tau hurigo vai halabehe tehe be gov lago.”

Leo Tavuha gabe Jon nu Ravae 10:27

Bilaku sipsip ram ron̄ dum siloku; nam ilora, i ram huriau.

Leo Tavuha gabe Jon nu Ravae 12:26

Ihei tehe mwa doron be vi lalaḡo lalaiau vi huriau, huribe noḡu atatun rovoga rav huriau halabehe tehe nai van. I tamaḡu vi vinihi marahi ihei tehe be vi lalaḡo lalaiau.”

Leo Tavuha gabe Jon nu Ravae 13:37

Pita mwa hudaligi be, “Matuke huri hano be nasav huri te dumwigo kadogaha Ratahigi? Nam lol vatuvwai be nav mate hurigo!”

Leo Tavuha gabe Jon nu Ravae 8:12

Jisas mwa avo lalai ira Varise be, “Inau haḡea gigitan ureure. Be ihei tehe mwa huriau vi lai gigitan rahuana i sihav lago te dum lol ute meto.”

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

1 Korin 16:15

Gom iloe be ira varan Stivanas, kera ran vora muan binihimwasigi vai Akaia, i ran lai muleinira huri rovoga non God lalai sinombu. Nam hudali kimiu ira tuaku,

1 Korin 6:20

bwatuna be God nu tavwego gin volimwa la tovtovo i kunia gov gogonai God gin rebehimwa.

1 Korin 7:28

Take be gom binibe gov lagi, kea vorate gom buroga. Kebe daulato vwate vi vinihia be men lagi, kea vorate mwa buroga. Take kera be ran lagi rav habwe taro ririhai lol rahuana, take nam doronbe giv togo dagai nin taro ririhai.

2 Korin 11:2

Nam ḡitaḡoro kimiu gi gita ḡoro be mwa mai nin God. Nan tatauleo be nav hagai kimiu lalai Kraes, kun be kea n̄an ahoai. Nam doron be nav hagai kimiu be vavin melmelo.

Ifisas 1:14

Be Vui Sabuga kea mwa seserainia be tam lai havanau be God mwa lai ribwesiva be nu haraharai lalainira be bilana be men lai roroai lalai sarisarin God.

Ifisas 5:27

Kea nu mate huribe kea vi lai uloilua lalainia sibona kun vavin lagi mwa ḡabui rebehina sibona. Kea nu mate huribe uloilua vi melmelo dumwi i vurona vi sigai.

1 Timoti 4:3

Ram duḡoro sinombu be rasav lagi tehe i ram bevea lalainira be rasav gan ginaganiana rituai be God nu lolira be vi ganiana gin avkari nin sinombu be ram binihimwasigi i ram ilo mwasigi.

Hibru 12:23

Kimiu gin mai lol samwaran bulbulu be nu tavuha maragai mai ira atatu non God kun gabe ira nituna muai bwana gabe ihara mwa du huba lol ute ata amare. I kimiu giv mai huri God huria be kea vi vevegi lalai atatu, i giv mai ba bulu mai vuin ira atat vavtutu be ran mate huba.

Jemes 1:18

God nu vinihi tuhi be vi lai rahuana sivi avoan mwasigi be tai vora raumatan ginau duluai lol ginau duluai be nu lolia.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

Visirai 17:14

Ira ratahigi lavoa kera geki, rav bwalo mai nitui Sipsip. Sipsip gea mai ira non hala nu gita luara i ran vavtutu rav rihu maragai lol bwaloana. Bwatuna kea Ratahigi nin ratahigi duluai, i Ratahigi Lavoa ḡoro ratahigi lavoa duluai.”

Visirai 21:22

Nam hav mom ḡita imwa tataro lol bwatutun vanua gaivua, bwatuna be God mwasin roron̄o mai Nitui Sipsip haḡea imwa tataro.

Visirai 21:23

Bwatutun vanua mwa hav mom doron te alo sa vula be vi gigitainia. I sarisarin God mwa odae i Nitui Sipsip mwa bora non gigita.

Visirai 3:4

take kimiu ata Sadis, gaiviha n̄an alolomiu be gaisagara ran melmelo, nora lalaḡova nu vavtutu. Giv lago bul maiau, i giv sagasagai gaisaga maita maiau huribe gin dadariha be giv lolia kunia.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.