Visirai 13:2 - Hano Niu Testamen

² Haḡe ginau rahu gabe gitanana nu ḡun lepad, i bwalagena la gitanana nu ḡun bea, i bwan̄ona kun laion. Haḡe drakon mwa lin̄ non muramura sibona lalai ginau rahu gea, i non tanon togotogon ratahigi, i non tomuai.

Visirai 13:2 ပူးပေါင်းရင်းမြစ်များ

2 Timoti 4:17

Take Ratahigi mwa dogo maiau i mwa lai muramura lalaiau be nai vev dum duluai Leo Tavuha lalainira be ram hav vora te ata la varan Israel. Kunia be nu varahuau nin bwan̄on laeon.

1 Pita 5:8

Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

Visirai 12:13

Haḡe drakon mwa ilo be kea mwa bohaiana vai lol ureure ataa, kea mwa dau bwatuna be mwa mwaloi vavine gabe men bava naturigi atamwani.

Visirai 12:15

Haḡe drakon mwa luai wai gi wailuluvi be vi lai dagai vavine gea.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 13:12

Kea mwa avo gin muramura non muan ginau rahu gea la lolmatana. Haḡe mwa ḡaroinia mwa bevea lalai ureure maira duluai be ram dogo alolona be, rav gogonai muan ginau rahu gabe gitanana kun be ran wehia, take halana mwa lieni huba.

Visirai 13:4

I sinombu duluai ram ḡogonai drakon gea bwatuna be nu lai tanon tomuai i muramura lalai ginau rahu gea. Ram ḡogonai ginau rahu mulei ram bevea be, “Ihei haḡea kun ginau rahu geki? Ihei vi bwalo dum maia?”

Visirai 16:10

Haḡe gailiman enjel mwa salil non disi alun tanon togotogon ute ratahigi non ginau rahu turu gea. I ute meto mwa dariḡoro ute ratahigi non ginau rahu turu gea, i sinombu ram ḡas meara huri nora gagarasi,

Visirai 17:12

Haḡe mauana han̄vulu be gon gitae, kea ratahigi lavoa mulei gaibitu, be ram hav lai te tanora radu lol tanon tomuai, i rav tomua mai ginau rahu huri mahavan vwelvwele.

Visirai 19:20

Take ginau rahu gea ram laia gi atat vauvauhi bul mai atatun vevsera tentene. (Geki atatun vevsera n̄an haḡe gea be nu lol ira ginau dan̄an̄a la ihan ginau rahu, huria be kea vi vataltale kera dolua be dovon̄a non ginau rahu mwa en alura, i ram ḡogonai nunu vatu.) Mwa bohai rahui ginau rahu mai atatun vevsera tentene vai ata lol numbun wain gabi tabwalue mai salva.

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.

Visirai 20:2

Kea gabe drakon ata tuai gea, be mwa iloana mulei be atmate mai Setan.