Visirai 13:12 - Hano Niu Testamen

¹² Kea mwa avo gin muramura non muan ginau rahu gea la lolmatana. Haḡe mwa ḡaroinia mwa bevea lalai ureure maira duluai be ram dogo alolona be, rav gogonai muan ginau rahu gabe gitanana kun be ran wehia, take halana mwa lieni huba.

Visirai 13:12 ပူးပေါင်းရင်းမြစ်များ

2 Tesalonaeka 2:4

Kea si hav ron̄ te hano be vi veveana i vi taua sibona amare la ginau duluai gabe mwa uloiana be god sage havanau be sinombu ram uloi roroainia. I vuison̄son̄o gea vi haroro mulei lol imwa gogonai non God i vi togo aia i vi vevea be kea God.

Visirai 13:2

Haḡe ginau rahu gabe gitanana nu ḡun lepad, i bwalagena la gitanana nu ḡun bea, i bwan̄ona kun laion. Haḡe drakon mwa lin̄ non muramura sibona lalai ginau rahu gea, i non tanon togotogon ratahigi, i non tomuai.

Visirai 13:8

Ira sinombu duluai be ram dogo lol ureure rav gogonainia, take barabe atatu gabe nu ravan ḡoro na ihara lol bukan rahuana, gabe buka non Nitui Sipsip gabe nu wehiana.

Visirai 14:11

Haḡe ahun gabi, gabe mwa havwanira, mwa hae vai tuai vai tuai. Tanon mabuana sigai aia rani sa bon̄i huri ira hei gabe ram ḡogonai ginau rahu gea mai nununa, huri ihei tehe gabe mwa lai dovon̄a alun ihana.”

Visirai 14:9

Haḡe gaitolun enjel mwa huri tagun gairua mwa bevea gin silo gaivua be, “Ihei tehe gabe mwa ḡogonai ginau rahu mai nununa, i mwa lai dovon̄a alun rena sage la limana,

Visirai 16:2

Muan enjel mwa hivo mwa salil non disi vai lol ureure. I ginau hahantai mai manuga gagarasi mwa bavora alun ira hei gabe ram bul dovon̄a non ginau rahu turu aluna, i alura gabe ran gogonai nununa.

Visirai 17:8

Ginau rahu be gon gitae amua nu rahu take kadogaha mwa hav mom dogo tehe. I sihav n̄ava tehe vi mwalue nin banoi roro, n̄an huri be men lol Kaburai. I atatu gabe ihara nu hav ravan te ḡoro alun bukan rahuana la bwativun ureure radui, rav masiri gin binihiv lalan̄aga i dan̄an̄a. Rav gita ginau rahu geki be nu rahu amua take kadogaha mwa hav mom rahu tehe, take vi mom mai mulei vatuvwa.”

Visirai 19:20

Take ginau rahu gea ram laia gi atat vauvauhi bul mai atatun vevsera tentene. (Geki atatun vevsera n̄an haḡe gea be nu lol ira ginau dan̄an̄a la ihan ginau rahu, huria be kea vi vataltale kera dolua be dovon̄a non ginau rahu mwa en alura, i ram ḡogonai nunu vatu.) Mwa bohai rahui ginau rahu mai atatun vevsera tentene vai ata lol numbun wain gabi tabwalue mai salva.

Visirai 20:4

I nan gita ira tanon togotogon ratahigi, i alun tanon togotogon ratahigi gea kera gabe nu tarira gi ira harahara. I nan gita vuin sinombu gabe ran wehira huribe ran toretore huri roroi non God. Kera geki haḡea atatu gabe ran hav gogonai te ginau rahu mai nun vatu, i ran hav mahin̄a tehe be vi tauana na nora dovon̄a non ginau rahu sage ginau rahu alun limara, sage alun rera. Kera geki rav rahu, i rav tomua mai Kraes huri taul vasan̄vulu.