Visirai 13:11 - Hano Niu Testamen

¹¹ Haḡe nam ḡita ginau rahu vwate mulei be mwa mwalue nin tano, i mauana gairua kun mauan nitui sipsip, i mwa avo kun drakon.

Visirai 13:11 ပူးပေါင်းရင်းမြစ်များ

Matiu 7:15

“Giv gitaḡoro ira atatun vevsera tentene. Ram mai abemiu kun boe mamavu. Take alolora kera kun vwiriu turu.

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

2 Tesalonaeka 2:4

Kea si hav ron̄ te hano be vi veveana i vi taua sibona amare la ginau duluai gabe mwa uloiana be god sage havanau be sinombu ram uloi roroainia. I vuison̄son̄o gea vi haroro mulei lol imwa gogonai non God i vi togo aia i vi vevea be kea God.

Visirai 11:7

I mahavana be ramuru bev lua vuvuri nora roroi, ginau rahu gabe ram mwalue nin banoi vi bwalo maira. Kea vi muramura ḡorora i vi wehira,

Visirai 12:17

Haḡe drakon mwa lolhoroi maragai vavine gea, i mwa domare be men bwalo mai ira varana duluai lol ureure, kera gabe ram dabe silo non God duluai i ram lalaḡo bavtutu huri mwasigi be Jisas mwa seserainia.

Visirai 13:1

Haḡe nam ḡita ginau rahu turu be mwa mwalue nin tahi. I bwatuna gaibitu i mauana han̄vulu; i bataha mauana duluai gaisosorin bwatu duluai batvatahara, i alun bwatu duluai iha nu ravana alura i mwa av hantai vai alun God.

Visirai 13:17

Atatu vwate sihav volvoligi te dum sage sihav salei te dum non ginau vaivotu be dovon̄a geki aluna, kea gabe ihan ginau rahu sage dovon̄a gabe mwa du kun ihan ginau rahu.

Visirai 13:4

I sinombu duluai ram ḡogonai drakon gea bwatuna be nu lai tanon tomuai i muramura lalai ginau rahu gea. Ram ḡogonai ginau rahu mulei ram bevea be, “Ihei haḡea kun ginau rahu geki? Ihei vi bwalo dum maia?”

Visirai 16:13

Haḡe nam ḡita vui hantai gaitolu be la gitavanara ḡun vorok. Kera ram mwalue nin lolvwan drakon, mai lolvwan ginau rahu turu, i lolvwan atatun vevsera tentene.

Visirai 17:6

Nai vev dumwia be vavine mwa wehi maragai gin wai, huribe mwa mwinmwinu alun dagan sinombu non God gabe ram lin̄ rahura huri Jisas. Ginau geki mwa lolia nam dan̄an̄a,

Visirai 17:8

Ginau rahu be gon gitae amua nu rahu take kadogaha mwa hav mom dogo tehe. I sihav n̄ava tehe vi mwalue nin banoi roro, n̄an huri be men lol Kaburai. I atatu gabe ihara nu hav ravan te ḡoro alun bukan rahuana la bwativun ureure radui, rav masiri gin binihiv lalan̄aga i dan̄an̄a. Rav gita ginau rahu geki be nu rahu amua take kadogaha mwa hav mom rahu tehe, take vi mom mai mulei vatuvwa.”