Visirai 13:10 - Hano Niu Testamen

¹⁰ Ihei tehe gabe mwa binihia be vi vwirihiana vai lol gao vauvauhi, na vwirihiana vai lol gao vauvauhi; i ihei tehe gabe mwa binihia be vi mate gin buan bwaloana, vi mate gin buan bwaloana. Kimiu atatu non God, bwatuna gea giv tu wasigi, i nomiu binihimwasigi garagusi vi tu wasigi alun God.”

Visirai 13:10 ပူးပေါင်းရင်းမြစ်များ

Matiu 26:52

Take Jisas mwa bevea lalainia be, “Sogai mulei nom bua vai lol tan̄ana, bwatuna irahei ram haḡo bua rav mate gin bua.

Matiu 7:2

Bwatuna be God vi vevegi kimiu kunia gabe gim bevegi atat dodolua. I tovtovo gabe gim dovo ginia, God vi tovo kimiu mulei ginia.

Leo Tavuha gabe Luk nu Ravae 21:19

Giv tu wasigi i giv varahu kimiu sibomiu.”

Kolosi 1:11

God vi lol muramurago gin non muramura tavuha huribe si hav savigo tehe lol taro be taro ririhai vi mai take gov lin̄ muleinigo.

Hibru 6:12

I gan hav doron tehe be giv bwatiḡoruga. Take kamai gam doron be giv huri alen̄ara gea be ram binihimwasigi wasigi i nora binihiva n̄an̄ava, i rav lai dum havanau be God nu tatauleo be vi laia lalainira.

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Visirai 11:18

Haḡe ira len̄len̄aga ram lol horo butbutui, huri be taron nom lolhoro mwa sosori, I taron be vi vevegira be ran mate. Tarona mwa sosori be vi lai tavwe lalai nom ira atatun rovoga, mai ira atatun vevsera, i ira nom sinombu duluai, kera gabe ram dau nora binihi marahi alumwa, lalavoa mai ira kokolo mulei. Tarona mwa mai be men lol kaburai ira hei gabe ram lol kaburai ureure!”

Visirai 14:12

Bwatuna ginau geki, atat non God rav tu wasigi, ihei mwa dabe leo horai non God i mwa du wasigi alun Jisas.

Visirai 16:6

Kera gea ram salil dagan sinombu non God mai ira atatun vevsera, i gom lai daga lalainira be rav mwinua. Ram lai vevegi huri nora vahalana!”

Visirai 17:11

Ginau rahu gea be nu rahu amua kadogaha mwa hav mom rahu tehe. Ginau rahu gea vwate alolon ira ratahigi lavoa gaibitu gabe vi mai mulei kun gabe gaivwelun ira ratahigi lavoa, take n̄an huria be men lol kaburai.

Visirai 17:8

Ginau rahu be gon gitae amua nu rahu take kadogaha mwa hav mom dogo tehe. I sihav n̄ava tehe vi mwalue nin banoi roro, n̄an huri be men lol Kaburai. I atatu gabe ihara nu hav ravan te ḡoro alun bukan rahuana la bwativun ureure radui, rav masiri gin binihiv lalan̄aga i dan̄an̄a. Rav gita ginau rahu geki be nu rahu amua take kadogaha mwa hav mom rahu tehe, take vi mom mai mulei vatuvwa.”

Visirai 2:19

Nam ilo havanau be gom lolia nam ilo nom lolotabetabe, i nam iloe be gim bului maragai sinombu, i nomiu binihiva mwa du wasigi n̄avaigi, mwa hav hovi tehe, i nam iloe nomiu rovoga kadogaha mwa davuha nin amua.

Visirai 2:2

Nam ilo alen̄amiu mai havanau be gim lolia Ivisas. I nam iloe be gim lol rovoga hahavwani i gim ron̄ mwa n̄ava lol binihimiu liu. Nam iloe be gim hav samsamwara te n̄an haḡea alun ira atat lete, i nam ilo kimiu huba ira hei gea be ram bevea be kera ira hala take ram dentene, i gin habwera huba be ram dentene n̄ano.

Visirai 3:10

Bwatuna be kimiu gim du wasigi alun noḡu tatauleo, i nav gita ḡoro tavuhai kimiu mulei lol taro ririhai be mwa mai lol ureure be men lol ron̄ sinombu duluai ata lol ureure.

Visirai 3:3

Giv vinihi dum silo vagahi be ran vagahi kimiu tuai aluna: giv vinihi mwasigi nia i giv van burigai nin vuromiu. Be gisav mamata tehe, nav mai huri kimiu kun gabe, atat surasura, i gisav ilo te dum mahavan taro gabe nai mai;