Visirai 12:9 - Hano Niu Testamen

⁹ I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 12:9 ပူးပေါင်းရင်းမြစ်များ

Matiu 13:39

Ivwalu gabe nu riv urute kea haḡea Vui Hantai. Mahavan harahara kea haḡea nogonan gubwen̄, i atatun rovoga be ram hara koni kera ira enjel.

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Matiu 25:41

“Vuvuri nai vevea lalainira la mwairiku be, ‘Giv vis dagai niniau! Silo vevegi non God mwa dogo alumiu huba. Giv vano vai lol gabin ron̄ḡagarasi gabe si hav mate te dum, gabi gea gabe nu lol dautauana huri Setan mai non enjel duluai.

Matiu 4:1

Haḡe Vui Sabuga mwa domuai Jisas vai la vanua vuroi be Vui hantai men lol ron̄oe.

Matiu 4:10

Take Jisas mwa bwaliua be, “Vis dagai niniau, Setan. Huri lol Ravrava Sabuga mwa bevea be, ‘Gov gogonai God gabe nom Ratahigi, i gov lalaḡo lalainia gaituvwa n̄ano.’ ”

Matiu 4:5

Haḡe Vui hantai mwa lai Jisas vai Jerusalem, vanua sabuga, i mwa daua la ulun ibwirin Imwa Tataro.

Matiu 4:8

Haḡe Vui hantai mwa laia mulei vai la vusi holomare, i mwa bagahia gin ute ratahigi duluai ata lol ureure mai sarisarira.

Leo Tavuha gabe Luk nu Ravae 10:18

Haḡe Jisas mwa bwaliura be, “Nan gita Setan nu hovi nin amare kun vilehi.

Leo Tavuha gabe Luk nu Ravae 13:16

Vavine uhu kea ata la varan Ebraham i Setan nu vauhia huri taul han̄vul domwan gaivwelu; kun hanigi be kea si hav mwalue te dum nin gao vauvauhi lol gubwen̄ mambuharai?”

Leo Tavuha gabe Luk nu Ravae 22:3

Haḡe Setan mwa haroro alolon Judas Iskariot, kea tuara vwate ninira han̄vul domwan gairua.

Leo Tavuha gabe Luk nu Ravae 22:31

“Saimon, Saimon! Gov ron̄oe Setan mwa lai tanona be men lol ron̄ kimiu duluai, be men harabora ginau tavuha nin ginau hantai kun gabe atatun ute loloara mwa harabora mwasin koni nin bwagavina.

Leo Tavuha gabe Luk nu Ravae 8:12

Biri gabe ram hovi la hala mwa du hurira gabe ram ron̄oe, take vui hantai mwa mai mwa lai dagai avoana nin lolora huri be bereva ram binihimasigi ba rahu.

Leo Tavuha gabe Jon nu Ravae 12:31

Kadogaha tarona huri ureure geki be men vevegia; i tomuai ata lol ureure geki vi vohaian kaburai.

Leo Tavuha gabe Jon nu Ravae 14:30

Nasav mom avo te vain̄ava mulei mai kimiu bwatuna be tomuai ata lol ureure geki mwa mai kadogaha. Kea mwa hav muramura tehe ḡoroau,

Leo Tavuha gabe Jon nu Ravae 16:11

i kera ran vahala alun silo vevegi, bwatuna be tomuai ata lol ureure geki nu vevegiana huba.”

Leo Tavuha gabe Jon nu Ravae 8:44

Kimiu haḡea ira nitun tamamiu, gabe Setan, i gim doron be giv huri binihiva non tamamiu. La bwativuna kea atat wehiwehi atatu, kea mwa hav vora te mwasigi bwatuna gea mwasigi sigai alolona. Mahavana gabe mwa dentene kea mwa lol ginau hurin mwasin alen̄ana, bwatuna gabe kea tenteneana i taman ira tenteneana duluai.

Lalaḡova 26:18

“Giḡo haḡea gov havan̄ matara, i gov lai luara nin ute meto vai lol gigita i nin muramura non Setan huri God, huri be gin nora binihimwasigi garagusi aluku vi binihi kaburai vurora i rav lai dum tanora mai ira atat gita lua non God.”

Lalaḡova 5:3

Haḡe Pita mwa bevea lalainia be, “Ananias, huri hano be gom lin̄ Setan be men tomuainigo i mwa loligo gom saruruhi Vui Sabuga, ginia be gom haḡo udun homu gabe gon laia nin udun bilamwa?

Ravrava non Pol lalai ata Rom 16:18

Atatu kunia ram hav lol te rovoga non Ratahigi Kraes ta ram lol ginau n̄ano be mwa hurin nora doroniva. Ram avo la avoan ravravwega i avoan lulumwu be ramen ḡalira be ram hav ilo te ginau lete.

Ravrava non Pol lalai ata Rom 16:20

God gabe nu lai tamwata i si hav vora te n̄ava, kea vi raharahai ḡalau Setan aten bwalageda. Hogoi tavuha non Ratahigi God Vui Sabuga vi togo mai kimiu.

2 Korin 11:14

Geki mwa hav lol te kamai be gav dan̄an̄a. Matu Setan nu leahia sibona gitanana kun enjel huri gigita.

2 Korin 11:3

Take nam matagu be binihimiu rav sala dagai nin halamiu mwasigi i hal melmelo be gim huri Kraes kunia be teltele nu ruruhi Iv mai non hal hahantai.

2 Korin 12:7

Huri be nasav sasagerega tehe huri ginau tavuha kea be ran seserainia lalaiau, ginau vahala be mwa ḡaras maragai rebehi nu hagainia lalaiau. Ginau vahala kea horata nin Setan, nu horana mai be vi haraviau i vi lol ḡoroau huri be nasav sasagerega te liu.

2 Korin 2:11

Nam lolia kunia be Setan sihav surai te dum havanau vwate nin kamai, bwatun be gam ilo tavuhai taritari non Setan duluai.

2 Korin 4:4

Setan be mwa lalaḡoi ureure uhu mwa lol binihiva ram matagaraga. Kera be ram hav binihi te mwasigi. Rasav gita te dum gigitan Leo Tavuha. Leo Tavuha huri sarisarin Kraes, kea gaituvwa n̄an mai God.

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

2 Tesalonaeka 2:3

Gosav mahin̄a tehe be atatu vwate vi vataltalego la hala vwate. Gubwen̄in ratahigi si hav mai tehe vai votu be rav van burigai nin God i atatun vui son̄son̄o be mwa lago la halana vai lol ute meto vi visirai.

1 Timoti 2:14

I Adam nu hav vorate atatu be teltele nu ruruhia, take vavine kea teltele nu sania i nu mai gi bwatigoro.

2 Timoti 3:13

Take sinombu be ram hantai i ram ruruhi rituai rav tau bwatuna rav hantai i rav hantai liu. Rav ruruhi rituai, take mulei rav ruruhira sibora.

Hibru 2:14

Kamai sinombu lol rebehi i daga. Bwatuna haḡea Jisas mwa bora kun kamai vwate. Kea nu mate huri be vi lol kaburai atmate, kea nu muramura ḡoro mateana.

1 Pita 5:8

Giv tuḡoro kimiu sibomiu i giv gitaḡoro! Atmate, nomiu ivwalu, be mwa bataha ute kun abe Laion gangani mwa hiḡe atatu be men gania.

1 Jon 5:19

Tam iloe be tam mai nin God i ureure duluai, i ureure duluai mwa dogo halaten muramura non ivwalu.

Ravrava nin Jud 1:9

Len̄len̄a be muai enjel Maikol, lol taro be mwa bigaigai mai atmate be ihei vi lai rebehin Moses, i mwa harae be atmate nu vahala. Ninia gea, mwa bevea be, “God vi vevegigo!”

Visirai 12:12

Bwatuna gea samwarana, giḡo lol mahao, i kimiu duluai be gim du ataa! Take vi hantai maragai lalai ureure i tahi! Bwatuna be Atmate mwa himai hurigo, i kea nu masiri gin n̄alana i lolhoro, bwatuna mwa iloe be non taro vwelvwele maragai.”

Visirai 12:3

I nam ḡita dovon̄a dolua vwate mulei mwa bisirai lol mahao. I aia drakon memea gaivu talele vwate, mai bwatuna gaibitu i mauana han̄vulu, i gai sosorin bwatu vatvataha bwatu.

Visirai 12:7

Haḡe bwaloana mwa du lol ute ata amare. Maikol mai non enjel ram bwalo mai drakon, bul mai nom enjel;

Visirai 12:8

take drakon mwa rihu holhole, i mahin̄ai mulei sigai huria mai non enjel be rav mom dogo mulei lol ute ata amare.

Visirai 13:14

Haḡe mwa ruruhi sinombu duluai be mwa dogo lol ureure, ginia be God mwa mahin̄ainia mwa lol ginau dan̄an̄a i tagaro la lolmatan muan ginau rahu gea. I kea mwa bevea lalainira be rav tai nunu vwate gabe nunun muan ginau rahu gabe ran saria gin buan bwaloana take mwa rahu mwa dogo radu, be kera rav gogonainia.

Visirai 16:14

Kera haḡea ira vui son̄son̄o gabe ram lol lalan̄an ginau dan̄an̄a. Ira vui gaitolu kera geki ram mwalue vai lol ureure huri ira ratahigi lavoa ata lol ureure, be rav laira vai ute gaituvwa huri bwaloana la gubwen̄in tomareana non Ratahigi God mwasin Roron̄o.

Visirai 18:2

Enjel mwa bato amare mwa bevea be, “Hovita! Babilon muramura nu hovi i kadogaha vanuan ira vui hantai. Kea lulun ira vui ginau rahu bibili hantai i mai ira manu bibili duluai, i mai ira ginau rahu bibili varihaiana duluai.

Visirai 18:23

Here sihav mom ḡigita te mulei halabehe lol vanua Babilon, i ira atat rasav mom bev te mulei tatauleon lagiana. Kera duluai be non atatun salsalei i volvoligi lol ureure, i gin non muramura hahantai kea mwa saruruhi varan sinombu duluai.”

Visirai 19:20

Take ginau rahu gea ram laia gi atat vauvauhi bul mai atatun vevsera tentene. (Geki atatun vevsera n̄an haḡe gea be nu lol ira ginau dan̄an̄a la ihan ginau rahu, huria be kea vi vataltale kera dolua be dovon̄a non ginau rahu mwa en alura, i ram ḡogonai nunu vatu.) Mwa bohai rahui ginau rahu mai atatun vevsera tentene vai ata lol numbun wain gabi tabwalue mai salva.

Visirai 2:13

Inau nam ilo tanomiu huba gea lol vanua Pekamam, gabe Setan mwa lolia kun gabe kea ratahigi lavoa ḡoroe huba. Kimiu gim haḡo wasi ihaku radu, i mahavana be kera ram wehi mwasin gaituraku Antibas, mwa mate la bwatutun vanuamiu, gabe Setan mwa domua ḡoroe huba, take alen̄amiu huri binihimwasigi garagusi gisav tahuli te dumwia giniau.

Visirai 2:24

“Take kimiu duluai lol vanua Taeatira gim hav huri te silo vagahi bahala geki; kimiu gim hav huri te vahalana gea gabe ram uloinia be mwasin avoan tavuha non Setan be binihivanana mwa du dahuligi, i inau nam haḡo nomiu avoana mulei. Nam doron be nav tau ginau marahi rituai mulei la isibwamiu,

Visirai 2:9

Nam ilo nomiu vahalana huba la vanua Smana. Nam iloe be kimiu gim hiruga, take mwasigi be kimiu ira ratahigin roso. I nam ilo nora avoan hahantai gea be ram avo vai alumiu. Ram bevera be kera ira Jius, take ram la ram dentene. Nora imwa tataro imwan Setan tavuhai haḡea.

Visirai 20:10

Haḡe atmate be mwa ruruhira vi vohai kaburainia vai lol numbun wain gabi tabwalue mai salva. I Kea vi togo aia maira ginau rahu turu i ira atatun vevsera tentene, i rav ron̄ḡagarasi bon̄i i rani mosmosianana sigai.

Visirai 20:8

Kea vi vano lol ute duluai be men ruruhi varan sinombu duluai ata lol ureure i non Kok mai Makok, i vi hara ḡoḡo sinombu duluai ata lol ureure be rav bwalo mai atatu non God, i non sinombu gea rav ivusi kun one huri tahi.

Visirai 3:9

Giv roron̄tai! Huri tatan̄ana gea be bilan Setan, ira atat tentene gea be ram bevera be kera ira Jius, take ram dentene, inau nav lolira rav mai ba hiv bwaubwau lol bwalagemwa. I kera duluai rav iloe be, inau nam dabego.

Visirai 9:1

Haḡe gailiman enjel mwa uv bilan taiva. I nam ḡita visiu be mwa hovi nin mahao vai lol ureure, i mwa lai gaihavan̄i huri matgatavan banoi roro.

Visirai 9:20

I sinombu duluai maira duluai gabe nu hav wehira tehe huri harova geki, ram hav van te burigai nin vahalana gabe kera sibora ran lolia. I kera ram ḡogonai radui vui son̄son̄o, sage nun vatan̄oga mai vatlegiga, i vatmerameraga, vatu i gai gabe ram hav lago te dumwi, sage roron̄tai, sage ram hav gita te dum ute.