Visirai 12:3 - Hano Niu Testamen

³ I nam ḡita dovon̄a dolua vwate mulei mwa bisirai lol mahao. I aia drakon memea gaivu talele vwate, mai bwatuna gaibitu i mauana han̄vulu, i gai sosorin bwatu vatvataha bwatu.

Visirai 12:3 ပူးပေါင်းရင်းမြစ်များ

Visirai 12:1

Haḡe nam ḡita dovon̄a vwate lol mahao kun gabe dovon̄an ginau gaivua vwate be tam len̄ai binihivanana. Haḡe vavine vwate mwa dogo gaisagana kun alo, i mwa dari vula aten bwalagena, i gai sosorin bwatuna visiu han̄vul domwan gairua.

Visirai 12:13

Haḡe drakon mwa ilo be kea mwa bohaiana vai lol ureure ataa, kea mwa dau bwatuna be mwa mwaloi vavine gabe men bava naturigi atamwani.

Visirai 12:17

Haḡe drakon mwa lolhoroi maragai vavine gea, i mwa domare be men bwalo mai ira varana duluai lol ureure, kera gabe ram dabe silo non God duluai i ram lalaḡo bavtutu huri mwasigi be Jisas mwa seserainia.

Visirai 12:4

I mwa wehi dul tul tavalun visiu nin mahao vai lol ureure geki. Haḡe drakon mwa du la lolmatan vavine huri be nituna vi vora gim ḡan darihounia.

Visirai 12:7

Haḡe bwaloana mwa du lol ute ata amare. Maikol mai non enjel ram bwalo mai drakon, bul mai nom enjel;

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 13:1

Haḡe nam ḡita ginau rahu turu be mwa mwalue nin tahi. I bwatuna gaibitu i mauana han̄vulu; i bataha mauana duluai gaisosorin bwatu duluai batvatahara, i alun bwatu duluai iha nu ravana alura i mwa av hantai vai alun God.

Visirai 13:2

Haḡe ginau rahu gabe gitanana nu ḡun lepad, i bwalagena la gitanana nu ḡun bea, i bwan̄ona kun laion. Haḡe drakon mwa lin̄ non muramura sibona lalai ginau rahu gea, i non tanon togotogon ratahigi, i non tomuai.

Visirai 13:4

I sinombu duluai ram ḡogonai drakon gea bwatuna be nu lai tanon tomuai i muramura lalai ginau rahu gea. Ram ḡogonai ginau rahu mulei ram bevea be, “Ihei haḡea kun ginau rahu geki? Ihei vi bwalo dum maia?”

Visirai 15:1

Haḡe nam ḡarere vai lol mahao i nam ḡita ginau dan̄an̄a vwate be enjel gaibitu be nu gitanana nu matmatagui, mai lalan̄an harova gaibitu be gosav tov te dumwia, geki nogonana, bwatuna be kea haḡea nogonan hala gabe mwa dogo alun lolhoro non God.

Visirai 16:13

Haḡe nam ḡita vui hantai gaitolu be la gitavanara ḡun vorok. Kera ram mwalue nin lolvwan drakon, mai lolvwan ginau rahu turu, i lolvwan atatun vevsera tentene.

Visirai 17:12

Haḡe mauana han̄vulu be gon gitae, kea ratahigi lavoa mulei gaibitu, be ram hav lai te tanora radu lol tanon tomuai, i rav tomua mai ginau rahu huri mahavan vwelvwele.

Visirai 17:16

Haḡe mauana han̄vulu mai ginau rahu rav tau bwatuna ba barihai vavinen rovrovoi homu. Rav tagahi kaburai gaisagana ba derainia vuroi. I ran gan rebehina la mavuvuna duluai i ram bohainia vai lol gabi.

Visirai 17:7

i enjel mwa bevea be: “Hurihano gom dan̄an̄a maragai? Nai vev melmeloinia huri halana be mwa du dahuligi huri vavine geki i huri ginau rahu be kea mwa dogo aluna mai bwatuna gaibitu i mauana han̄vulu.

Visirai 19:12

Matana ran ḡun gabi tabwalue, i mwa dari gai sosorin bwatu ivusi. I mwa rav ihana aluna, take kea gaituvwa n̄an mwa ilo binihiva nan iha gea.”

Visirai 20:2

Kea gabe drakon ata tuai gea, be mwa iloana mulei be atmate mai Setan.