Visirai 11:8 - Hano Niu Testamen

⁸ i rebehira raru vi la hal gaivua lol bwatutun vanua gaivua, aia gabe ran voha bolvolo Jisas aia. I nunun bwatun vanua gea haḡea Sodom sage Ijip.

Visirai 11:8 ပူးပေါင်းရင်းမြစ်များ

Matiu 10:15

Nam bev mwasigi lalai kimiu be, lol gubwen̄ vevegi God vi gita hagav sinombu ata Sodom i Komora liu nin sinombu ata la bwatutun vanua gea.

Lalaḡova 9:4

Kea mwa hovi vai lol tano i mwa ron̄ silo mwa bevea lalainia be, “Sol, Sol! Hurihano gom lol hantai lalaiau kunia?”

Hibru 13:12

Jisas mulei mwa mate avare dagai nin bwatutun vanua. Bwatun ginau geki dagana mwa lol melmeloi atatu nin vurora.

Hibru 6:6

Take ataguna ran lai tagunai nora binihimwasigi garagusi i ram bano mulei. I kadogaha hala vwate mulei sigai be vi mom lai dabagilui muleinira rai mai bilin̄ai nin vurora. Bwatuna be ran lol hala gea kun be ram boha Nitun God vai la volovolo mulei, ram lol busbusinia lolmatan sinombu.

2 Pita 2:6

I mulei God nu lol bwarebware ira bwatun vanua hantai Sodom i Komora, Ginia be nu tunura vaivotu be ran bebega. Nu lol ira bwatun vanua kera geki ram bora malele huri havanau be vi loli lalainira be ram avo vai alun God.

Ravrava nin Jud 1:7

Mulei giv vinihi dum ira bwatutun Vanua Sodom i Komora i ira bwatutun vanua dodolua dalisira, ira atatuna ran lolia kun ira enjel kerageki be ram lol alen̄ hahantai lol davolan vavine i atamwani: vevegin gabi be ran van sivinia mwa bora malele lalai gida duluai be tav gitae.

Visirai 11:13

Haḡe lol mahavan taro tiri gea haḡea; mwa sogai rava; i udun bwatutun vanua mwa masalan̄ai, i mwa wehi sinombu vasan̄vul vabitu. Atatu be ram rahu ram matagu maragai, i ram uloi roroai ihan God be mwa dogo lol ute atamare.

Visirai 11:9

Haḡe sinombu lol ute duluai, i vataha vara duluai mai lalan̄an avoana, i lalan̄an guli rav gitara raru vi en kunia huri gubwen̄ gaitolu i udui rasav tavinira tehe.

Visirai 14:20

Haḡe vwain gaon taligaon waen mwa ramana alun tanona, atagun bwatutun vanua, i daga mwa rov lua rama huri vwain gaon taligaon waen kun wailuluvi be mael gaituvwa i udui, i nu roro kun n̄avan gaituvwa.

Visirai 14:8

Haḡe gairuan enjel mwa huria be mwa domua, mwa bevea be, “Kun vavine be nu hovi! Bwatutun vanua Babilon nu hovi! Nu lol non sinombu duluai ram mwin non waen wasi huri bwatigoro!”

Visirai 16:19

Haḡe bwatutun vanua gaivua mwa hara bora gi tavihen gaitolu, i ira bwatutun vanua ata lol tatan̄an vanua duluai ram masalan̄ai. God mwa binihi dum bwatutun vanua gaivua Babilon i mwa lolia mwa mwin waen alolon non laha, waen ata alun non lolhoro.

Visirai 17:1

Haḡe vwate alolora enjel gaibitu be ram haḡo disi gaibitu mwa hamai abeku mwa bevea be, “Hamai, i nai vagahigo huria be kun hanigi vavin rovrovoi homu vi lai silo vevegi, nu dadariha mai bwatutun vanua gaivua gea be nu tomareana lol davolan wai rov lalavoa ivusi.

Visirai 17:18

“Vavine be gom ḡitae kea bwatutun vanua gabe mwa domuai ḡoro ira ratahigi lavoa duluai ata lol ureure.”

Visirai 17:5

Iha vwate nu ravana la bwatuna binihivanana mwa hili, i mwa bevea be: “Inau bwatutun vanua Babilon, ratahin bwatigoro duluai mai ginau hantai ata lol ureure.”

Visirai 18:10

Non gagarasi vi lai mataguana lalainira, i rav tu banvano hautu ba bevea be, “Hagavi bwatutun vanua gaivua muramuraga gea! Hahagavi Babilon! Lol mahavan alo n̄an gaituvwa non silo vevegi vi mai.”

Visirai 18:18

Mahavana be ran gita ginau rahu be mwa mwalue nin non gabi, ram haharigi amare be, “bwatutun vanua gaivua haḡea geki be vanua vwate sigai kunia!”

Visirai 18:2

Enjel mwa bato amare mwa bevea be, “Hovita! Babilon muramura nu hovi i kadogaha vanuan ira vui hantai. Kea lulun ira vui ginau rahu bibili hantai i mai ira manu bibili duluai, i mai ira ginau rahu bibili varihaiana duluai.

Visirai 18:21

Haḡe enjel muramura vwate mwa domarei vat gaivutalele vwate i mwa bohainia vai lol tahi. Enjel mwa bevea be, “Geki haḡea hala be vi vohai bwatutun vanua Babilon vai ataa, i rasav mom ḡitae te mulei.”

Visirai 18:24

Silo vevegi mwa mai la babilon huribe dagan atatun vevsera mai sinombu duluai mwa dogo aia. Uwe, dagan kera duluai be ram mate lol ureure.