Visirai 11:3 - Hano Niu Testamen

³ I nav hora noḡu gaitura gairua be gaisagara nu lolian vatuvwai gin bakin kavura boboga i raru vi seserai lua roroi non God huri gubwen̄i vasan̄vul vatuvwa vudolu varua vena n̄avul gaiono.”

Visirai 11:3 ပူးပေါင်းရင်းမြစ်များ

Matiu 11:21

mwa bevea be, “E, kimiu ata Korasin, nam hagav maragai kimiu! I kimiu mulei ata Betsaeda, nam hagav maragai kimiu. Huri be lalaḡova muramura be nan lolira lol tanomiu daga be atatu vwate si lolia kunia la vanuara Taea mai Saidon, tuai mau sinombu aia ras sagasagai gav buburasiga, i rai bwasa rebehira gin taniavu, huri be men lol seserainia be ram binihileahi nin vurora.

Matiu 18:16

Ta be mwa hav ron̄ogo tehe, gov lai atatu gaituvwa sa gairua maigo, be rav tura nom avoana. Geki kun Ravrava Sabuga mwa bevea be ‘Avoan ivwalui duluai rav tu gin avoana non nom atat gaitura gairua sage gaitolu.’

Leo Tavuha gabe Luk nu Ravae 10:13

“E, kimiu ata Korasin, nam hagav maragai kimiu! I kimiu mulei ata Betsaeda, nam hagav maragai kimiu! Huribe lalaḡova muramura gabe nu lolira lol tanomiu daga be atatu vwate si lolia kunia la vanuara Taea mai Saidon, tuai mau sinombu aia ras sagasagai gav buburasiga, i ras bwasai rebehira gin taniavu, huribe men lol seserainia be ram binihi leahi nin vurora.

Leo Tavuha gabe Luk nu Ravae 24:48

Kimiu haḡea turatura huri ginau kera geki.

Leo Tavuha gabe Jon nu Ravae 15:27

I kimiu mulei giv avo huriau, bwatuna gin togo maiau la bwativuna radui.”

Leo Tavuha gabe Jon nu Ravae 3:27

Haḡe Jon mwa bwaliura mwa bevea be, “Ihei si hav haḡo te dum hano tehe vaivotu God vi laia lalainia.

Lalaḡova 1:8

Take giv masiri gin muramura mahavana be Vui Sabuga vi himai alumiu, i kimiu giv vora gaituraku lol vanua Jerusalem, i lol vanua Judia duluai mai Samaria vava vi votui nogonan ureure.”

Lalaḡova 13:31

i kea mwa bisirai vaivusi lalainira gabe ran lago bulu nin Kalili vai jerusalem. I kera geki haḡea kadogaha ram bora gaitura huri non tomarean mulei lalai sinombu ira Jius.

Lalaḡova 2:32

God nu lol barahu wani gea Jisas huba nin mateana, i kamai duluai haḡe gam seserai luae huri ginau gea.

Lalaḡova 3:15

Haḡe kunia gim wehi atatu gabe mwa domua huri rahuana, take God mwa lol domareinia atagun mateana, i kamai haḡea gaitura huri ginau geki.

1 Korin 12:28

Lol uloilua, God nu lai tanoi lalai atatu n̄oto, muana lalai ira hala, i gairuana lalai ira atatun vevsera, i gaitoluna lalai ira vagahi. I God nu lai ute lalainira be ram lol ginau dan̄an̄a, kera gabe ram barahu, kera be ram bului dum atat dolua, kera gabe ram ḡitaḡoro atat dodolua, i kera be ram avo dum la avoan dodolua. N̄oto vorate ira hala.

2 Korin 13:1

Nai mai vai abemiu vatoluna. “Ginau duluai be vi avoiana take mwa du be vi vora dovon̄ana be vi vora mat gita gairuruai sa gaitolu.”

Ifisas 4:11

I Kraes nu lai hogoi lalai sinombu nu lol rituai be rai vora hala, i rituai rav vora atatun vevsera, i rituai be rai vora ira toretore, i rituai be rav haḡo rovoga be ramen haḡoe ba gitaḡoro tavuhai i ba bagahi sinombu non God.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 11:2

Take aran imwaḡu huri imwa tataro halavare gosav tovoe tehe, bwatuna be nu laiana lalai ira len̄len̄aga, i rav varahi kaburai Bwatutun Vanua Sabuga huri vula n̄avul gaivasi domwan gairua.

Visirai 11:6

Nora muramura abena be raru vi goro gatavan mahao huri be sihav mom uhe tehe lol mahavana be raru vi toretore huri roroi non God. I nora muramura mulei ḡoro mata vuravuran wai rovo duluai, be vi lolia rai vogi gi daga; i nora muramura mulei ḡoro ureure be raru vi wehi bagoe ureure gin lalan̄an harova lol hava taro tehe gabe ramuru binihia.

Visirai 12:6

Haḡe vavine mwa rov maragai vai la vanua vuroi, lol ute be God nu lol vatuvwainia huria, i vi gitan ḡoro aia huri gubwen̄ vasan̄vul vatuvwa, vudolua varua vena n̄avul gaiono.

Visirai 13:5

Ginau rahu gea nu muramuraga huri vula n̄avul gaivasi domwan gairua. Ginau rahu gea mwa av dum ravravwega i mwa av hantai lalai God.

Visirai 19:10

Nan sisiabwau lol bwalagen enjel i nam dau bwatuna nam ḡogonainia. Take enjel mwa bevea lalaiau be, “Gosav lolia te kunia! Inau atatun rovoga vuroi, kunigo mai atat dodolua gabe ram bevea huri Jisas. Gosav gogonai te atatu dolua take God!” Huribe mwasigi be nu seseraiana sivi Jisas, kea haḡea nu rihui ira atatun vevsera.

Visirai 20:4

I nan gita ira tanon togotogon ratahigi, i alun tanon togotogon ratahigi gea kera gabe nu tarira gi ira harahara. I nan gita vuin sinombu gabe ran wehira huribe ran toretore huri roroi non God. Kera geki haḡea atatu gabe ran hav gogonai te ginau rahu mai nun vatu, i ran hav mahin̄a tehe be vi tauana na nora dovon̄a non ginau rahu sage ginau rahu alun limara, sage alun rera. Kera geki rav rahu, i rav tomua mai Kraes huri taul vasan̄vulu.