Visirai 1:7 - Hano Niu Testamen

⁷ Gin gitae! Kea mwa mai mai ten lan̄i. Mata duluai rav gitae, vaivotu gabe kera gabe ran wehia. Ira sinombu ata lol ureure rav dei ba dalan̄lan̄a bwatuna kea. Ginau gea vi loli! Amen.

Visirai 1:7 ပူးပေါင်းရင်းမြစ်များ

Matiu 16:27

Inau Nitun Atatu nav mai vainon̄oiha mai noḡu enjel lol ginau sarisari non Tamaḡu. La mahavana gea inau nav tavwe vatvataha atatu hurin nora lalaḡova.

Matiu 16:28

Nam bev mwasigi lalai kimiu be atatu rituai teti rasav mate te radu, vai votu rav gitau, Nitun Atatu, nav mai kun Ratahigi lavoa.”

Matiu 24:30

Haḡe dovon̄a huriau Nitun Atatu vi visirai lol mahao, i varan sinombu duluai lol ureure rav mwaḡuruḡuru i rav gitau Nitun Atatu nav mai alun ten lan̄i mai roron̄o i sarisari gaivua.

Matiu 25:31

“La mahavana be inau Nitun Atatu nav mai mulei kun gabe Ratahigi Lavoa maira enjel duluai bul maiau, inau nav togo alun tanon togotogon lavoa,

Matiu 26:64

Jisas mwa bevea lalainia be, “Gom bevea haḡea. Ta nam bev mwasigi lalai kimiu be, nin kekadogaha giv gitau Nitun Atatu nav togo la mwatuan Mwasin Roron̄o, i nav mai alun ten lan̄i lol ute atamare.”

Leo Tavuha gabe Mak nu Ravae 13:26

Lol mahavan gea inau Nitun Atatu nai visirai lol tenlan̄i mai muramura i sarisari.

Leo Tavuha gabe Mak nu Ravae 14:62

Jisas mwa bwaliua mwa bevea be, “Inau haḡea giv gita, inau nitun atatu nav togo la mwatuan mwasin roron̄o, i nav mai alun ten lan̄i lol ute atamare!”

Leo Tavuha gabe Luk nu Ravae 21:27

Kunia Nitun Atatu vi visirai lol ten lan̄i lol roron̄o gaivua mai sarisari.

Leo Tavuha gabe Jon nu Ravae 19:34

Haḡe atatun bwaloana vwate mwa derai non sari lol ḡaḡaun Jisas, i daga mai wai ram rovo ninia.

Leo Tavuha gabe Jon nu Ravae 19:37

I ravrava Sabuga mulei vwate gabe mwa bevea be, “Sinombu rav gitae be ram saria.”

1 Tesalonaeka 1:10

I gim hohovi huri nitun God be vi mai nin ute atamare, kea be God Tata nu ragasia nin mateana. Kea Jisas, be nu varahu gida nin silo vevegi non God be mwasigi vi mai.

1 Tesalonaeka 4:17

Ataguna gea, gida be tam rahu radu tav mai ute gaituvwa maira lol tenlan̄i tai visogari mai Ratahigi la mahava. I tav togo mai Ratahigi vai tuai.

Hibru 10:29

Ke kun hanigi huri atatu be mwa lai binihiv hantai huri Nitun God? Binihin atatu kera gea mwa hantai huri dagan tatauleo non God be vi lol dum melmeloinira nin vurora? Ram bevea be daga gea kea ginau vuroi n̄ano i ram av hantai vai alun hogoi non Vui Sabuga? Atatu gea non vevegi vi wasi liu!

Hibru 6:6

Take ataguna ran lai tagunai nora binihimwasigi garagusi i ram bano mulei. I kadogaha hala vwate mulei sigai be vi mom lai dabagilui muleinira rai mai bilin̄ai nin vurora. Bwatuna be ran lol hala gea kun be ram boha Nitun God vai la volovolo mulei, ram lol busbusinia lolmatan sinombu.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.

Ravrava nin Jud 1:14

Enok, gaibitun vara ata la Adam, mwa bevea huri atatu kerageki be: “Gitae, Ratahigi mwa mai, mai non ira enjel vasan̄vul vavasi be

Visirai 22:20

Wani gabe nu vev avoan vevsera geki nu vevea be, “Nai mai n̄an darihou!” Uwe, Mwasigi, Ratahigi Jisas, mai darihou!

Visirai 22:4

Kera rav gita lolmatan God i ihana vi ravana la rera duluai.