Visirai 1:4 - Hano Niu Testamen

⁴ Roroi nin Jon vai lol uloilua gaibitu lol vanua Esia. Nam dataro hogoi i tamwata nin God be mwa dogo tuai, i garigi i be vi mai i nin ira vui gaibitu la lolmatan tanon God.

Visirai 1:4 ပူးပေါင်းရင်းမြစ်များ

Leo Tavuha gabe Jon nu Ravae 1:1

Amua nin bwatun ureure, Avoana nu togo huba, kea nu togo mai God, i kea kun God.

Lalaḡova 19:10

Haḡe mwa loli kungeki huri taul gairua, huri be atatu duluai be ram dogo lol vanua a Esia, ira Jius mai ira Lolobon̄i duluai ram ron̄ avoana non Ratahigi.

Lalaḡova 2:9

Gida ata Patia, Media mai Elam, nin Mesopotamia, Judia, Kapadosia, nin Pontus mai Esia,

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

1 Korin 1:3

Nam dataro be hogoi i tamwata lalai kimiu, non God tamanda i Ratahigi Jisas Kraes.

2 Korin 1:2

Hogoi i tamwata lalai kimiu, nin God tamanda i ratahigi Jisas Kraes.

Hibru 13:8

Jisas Kraes mwa hav leahi te dumwi, alen̄ana kunia n̄an haḡea be tuai mwa botu ninovi, i garigi, i vaigogo mwa bano vai tuai.

Jemes 1:17

Lalaḡov tavuha duluai i hogoi tavuha duluai ram mai nin God. Ginau tavtavuha keragea ram mai nin God be nu lol alo, vula, ira visiu, i kea mwa hav leahi tehe kun gigitan ginau keragea be ram leahi.

Visirai 1:1

Geki hano be Jon nu ravae huri Jisas Kraes be God nu laia lalainia, be vi seserainia lalai ira non atatun rovoga huri havanau be vi loli. I Jisas mwa hora non enjel be rav seserainia lalai non atatun rovoga Jon,

Visirai 1:11

Silo mwa bevea be, “Rava havanau be gom ḡitae alolon buka. I gov horae vai lol uloilua gaibitu kera geki kun Ivisas, Smana, Pekamam, Taeatira, Sadis, Viladelvia i Laodisia.”

Visirai 1:17

Mahavana be nam ḡitae nam hovi vai lol bwalagena kun atat mate. Take mwa dau mwatuana aluku mwa bevea be: “Gosav matagu tehe! Inau muana, i nogonana.

Visirai 1:20

I nai vev melmeloi binihivanan ira visiu gaibitu be gom gitae la mwatuaku i gaihaḡon bulu gaibitu be ram du. Ira visiu gaibitu vatan̄oga ram du lol Tanora. Ira visiu gaibitu, kea ira enjel huri ira uloilua gaibitu, i gaihaḡon bulu gaibitu kea ira uloilua gaibitu.”

Visirai 1:8

Ratahigi God mwa bevea be, “Inau muana i nogonana, inau Alva i Omeka, gabe mwa dogo mwa rahu i mwa mai. Inau God muramura duluai.”

Visirai 1:9

Inau Jon, inau tuamiu i roron̄tai vwate non Jisas. Nam bulu mai kimiu lol ira ginau hahantai be ram dum kimiu n̄oto be mwa mai alura n̄oto be ḡogonai Jisas be Ratahigi Lavoa. Ram dau inau la vanua kolo Patmos, huribe nam bev lua avoana non God gin mwasigi be Jisas nu seserai luae.

Visirai 16:5

I nam ron̄ enjel gabe mwa muai ḡoro ira wai mwa bevea be, “Silo vevegi be gom laia nu vavtutu, Giḡo n̄an gon Sabuga, gom dogo kadogaha, i vai tuai!

Visirai 2:12

Gov rav noḡu avoana vi vano lalai enjel lol uloilua Pekamam ba bevea be, “Geki roroi nin wani be non buan bwaloana mamagani be mata daldali.

Visirai 2:18

Gov rav noḡu avoana vi vano lalai enjel lol uloilua Taeatira ba bevea be, “Geki roroi nin Nitun God, gabe matana nu ḡun gabi oda, be bwalagena ataa ran gigita ḡun vatmerameraga be ram man̄ia gin bolis mwa legiga.

Visirai 2:8

Gov rav noḡu avoana vi vano lalai enjel lol uloilua Smana ba bevea be, “Geki roroi nin wani be kea muana i nogonana, i gabe nu mate i mwa rahu mulei.

Visirai 22:16

Inau haḡea, Jisas. Nan hora noḡu enjel be vi vev ginau duluai geki lalainigo i mwa bano lalai ira uloilua. Inau haḡea mwasin varan Deved. Inau visiu sarisari huri mabon̄i.

Visirai 22:8

Inau Jon, i inau haḡea atatu gabe nan ron̄ ginau kera geki i nan gitae. I ataguna be nan gita ginau kera geki i nan gitara, nan sisiabwau gin gogonaiana lol bwalagen enjel gabe nu vagahiau ginia.

Visirai 3:1

Gov rav noḡu avoana vi vano lalai enjel lol uloilua Sadis ba bevea be, “Geki roroi niniau gabe Vui gaibitu be ram mai nin God mai visiu gaibitu. Nam ilo hano be gim lolia; nam iloe be atatu ram bevea be gim rahu, take gin mate!

Visirai 3:14

Kea mwa bevea be, gov rava noḡu avoana lalai vanua Laodisia ba bevea be, “Geki noḡu avoana, gabe nam bev Amen lol tatauleo non God. Inau non gaitura vwate gabe nan mwasigi, i nam hav tul te burigai noḡu avoana. Inau bwatun ginau tau non God duluai.

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.

Visirai 4:5

Haḡe mwa bilehi ḡao nin tanon togotogon ratahigi, i mwa maragabaga, i mwa bwahilo. I la lolmatan tanon togotogon ratahigi here gaibitu ram onda ram du ram bula, i geki ira Vui gaibitu be ram mai nin God.

Visirai 4:8

Ginau rahu gaivasi gabaura gaiononoi vatvatahara. I matara ivusi vatvatahara, alolora i avare mulei. I ram hav mambumambu tehe, ram lol iboi, rani i bon̄i, ram bevea be: “Sabuga, sabuga, sabuga, Ratahigi God Holomare Hae, gom dogo tuai huba, i garigi, i vi mai radu.”

Visirai 5:6

Haḡe nam ḡita nitui sipsip mwa du boralolon tanon togotogon ratahigi, haḡe ginau rahu gaivasi ran dalisia mwa bulu mai ira bwatmetua. Haḡe nitui sipsip mwa bisirai kun be nu wehiana huba. I mauana i matana gaibibitui, i geki ira Vui non God gaibitu, gabe nu horana vai lol ureure duluai.

Visirai 8:2

I nam ḡita ira enjel gaibitu gabe ram du la lolmatan God, i ram haḡo taiva gaibitu.