Visirai 1:3 - Hano Niu Testamen

³ Samwarana lalai ihei be mwa basogo buka geki i vatavuhai ira hei dodolua sage ram roron̄tainia i ram dabea. Tarona mwa sosori be ginau duluai geki vi loli.

Visirai 1:3 ပူးပေါင်းရင်းမြစ်များ

Matiu 24:15

“Haḡe giv gita ginau bovonos hantai be vi tu lol ute sabuga kun gabe atatun vevsera Daniel nu vevea tuai.” (Ihei mwa basogo ginau geki vi ilo hano nam bevea!)

Leo Tavuha gabe Luk nu Ravae 11:28

Take Jisas mwa bwaliua, “Sigai ta irahei gabe ram ron̄ avoana non God i ram ḡoḡoi ḡoroe rav ron̄ mwandavuha.”

Ravrava non Pol lalai ata Rom 13:11

Giv lol ginau kera geki bwatun be gim ilo didini taro haḡe geki be tam dogo alolona. Kadogaha taro vwate huri kimiu be giv mamata nin nomiu maturuva, bwatuna be kadogaha tarona be God vi varahu gida mwa sosori nin taro be gida tan siv binihimwasigi.

Ravrava non Pol lalai ata Rom 13:12

“Bon̄i” mwa bwelvwel gim nogo, “Rani” mwa sosori gin gida. I gida tav lin̄ ginau ata lol ute meto i tas lai vatahanan bwaloana ata lol gigita.

1 Pita 4:7

Taro vi sosori be ginau duluai vi nogo. Giv binbinihi tavuha i giv vwalau rebehimiu sibomiu i kimiu giv lol dumwia be giv tataro.

2 Pita 3:8

Take gisav vinihi te malioi ginau gaituvwa geki ira tuaku. Lalai Ratahigi gubwen̄ gaituvwa nu ḡun taul vasan̄vulu, i taul vasan̄vulu nu ḡun gubwen̄ gaituvwa n̄an.

Visirai 22:10

I kea mwa bevea lalaiau be, “Gisav tu te ḡoro avoan vevsera ata lol buka geki. Tarona mwa abena huri ginau geki be rav loli.

Visirai 22:12

Nam ron̄ avoana geki mwa bevea be, “Gitae nam mai vilvilehi maragai. I mahavana be nai mai mulei ba lai tavwe lalai ira hei duluai huri nora lalaḡov tavuha.

Visirai 22:20

Wani gabe nu vev avoan vevsera geki nu vevea be, “Nai mai n̄an darihou!” Uwe, Mwasigi, Ratahigi Jisas, mai darihou!

Visirai 3:11

Nai mai mulei vilvilehi, giv gitaḡoro tavuhai havanau tehe gabe, gin laia huba, huria be atatu vwate sihav surainigo tehe alun tavwen nom rihu maragai.