Visirai 1:18 - Hano Niu Testamen

¹⁸ Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.

Visirai 1:18 ပူးပေါင်းရင်းမြစ်များ

Matiu 11:23

I kimiu mulei ata Kapanium! Gin doron be giv hagai kimiu sibomiu vai lol ute atamare. Ta vi vohai kimiu vai lol mateana! Huri be lalaḡova muramura be non lolira la vanuamiu daga be atatu vwate si lolia kunia lol Sodom tuai, kunia Sodom si to radu garigi.

Matiu 16:19

Nav lai lalainigo gai havan̄i huri Ute Lavoa atamare. Ginau gabe goi visigai ginia lol ureure geki, vi visigai ginia mulei lol ute atamare. I ginau gabe goi mahin̄ainia lol ureure, vi mahin̄ainia mulei lol ute atamare.”

Leo Tavuha gabe Luk nu Ravae 24:5

Kera ram matagu maragai, ram dai bwatura vai la tano, mahavana atatu gairua ramuru bevea lalainira be: “Hurihano gim hiḡe wani gabe mwa rahu abera atatmate?

Leo Tavuha gabe Jon nu Ravae 11:25

Jisas mwa bevea lalainia be, “Inau tomarean mulei i rahuana. Ihei mwa binihimwasigiau vi rahu, gaituvwa n̄an be mwa mate;

Leo Tavuha gabe Jon nu Ravae 14:19

Tiri ḡalia n̄an ureure sihav mom ḡitau tehe, take kimiu giv gitau; i bwatuna be nam rahu kimiu mulei giv rahu.

Ravrava non Pol lalai ata Rom 6:9

Varahuda nu tomare nin mateana, i tam iloe be si hav mom mate te mulei. Mateana nu hav muramura te ḡoroe kadogaha.

2 Korin 13:4

Kea mwasigi be nu mandamanda batena be nu mate alun volovolo, take mwa rahu kadogaha gin muramura non God. Kea mwasigi be kamai gam mandamanda lol Kraes, take huri kimiu kamai gam rahu alolon Kraes gin muramura non God.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Kolosi 3:3

Nom lolian vuroga sibomwa nu mate, i rahumwa gabe ginau gara mwa dogo mai Kraes lol God sibona.

Hibru 1:3

I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

Hibru 12:2

Matada vi tutu alun Jisas vataha mahavana, huria be alen̄an nonda binihimwasigi garagusi nu mwalue n̄an ninia, i nu bwativuga la vavorana vai votui nogonana. Mahavana be nu hae be men mate la volovolo, nu hav derai te dagai hala gea. Nu gita batoia, be kea vi ron̄ mwa davuha nu hav mom binihia tehe be non duleana la volovolo gea vain busbusiana lalainia, kea nu samsamwara n̄ano. I kadogaha, kea mwa dogo lol ute ata amare la mwatuan Tanon togotogon Ratahigi God.

Hibru 7:16

Kea mwa hav haḡo te rovoga non lalaḡo huri silo gea be mwa dovon̄ainia be varan ira tataroi. Kea mwa haḡo rovoga non lalaḡo huri muramuran rahuna gea be sihav nogo te dumwi.

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

Visirai 10:6

i mwa datauleo ḡaragara la ihan God, gabe mwa dogo vai tuai vai tuai, gabe nu tau amare i ataa lol ureure, i tahi, i ginau duluai gabe ram du alolora. Haḡe enjel mwa bevea be, “Sihav mom n̄ava tehe!

Visirai 15:7

Haḡe vwate alolon ginau rahu gaivasi gea mwa hagai kasbol an̄oga gaibitu gabe ran masiri gin lol horo non God, be mwa dogo tuai vai tuai lalai ira enjel gaibitu.

Visirai 2:8

Gov rav noḡu avoana vi vano lalai enjel lol uloilua Smana ba bevea be, “Geki roroi nin wani be kea muana i nogonana, i gabe nu mate i mwa rahu mulei.

Visirai 20:13

I atatu duluai gabe ran mate lol tahi ram mwalue duluai. I atatmate dodolua mulei ram mai. Bwatuna mateana sihav tu te ḡorora. Haḡe wani gea mwa bevegira huri nora lalaḡova be ran lolia tuai.

Visirai 20:14

Atagun vevegi, haḡe enjel mwa bohai kaburai mateana lol tanon mateana vai lol numbun wain gabi tabwalue. (Numbun wain gabi tabwalue geki kea gairuan mateana.)

Visirai 3:7

Gov rava noḡu avoana vi vano lalai enjel lol uloilua Viladelvia ba bevea be, “Geki roroi nin wani gabe nu sabuga i nu mwasigi. Kea nu haḡo gaihavan̄i be non Deved, i mahavana gabe mwa havan̄ gatava gea, atatu vwate sihav goro te dumwia, i mahavana be mwa ḡoroe, atatu vwate sihav havan̄ te dumwia.

Visirai 4:9

Haḡe ginau rahu gaivasi ram lol iboin avkari i sabuga i lol roroai lalainia gabe mwa dogo la tanon togotogon ratahigi, gabe mwa dogo tuai vai tuai. I mahavana be ram lolia kunia,

Visirai 5:14

Haḡe ginau rahu gaivasi ram bwaliua be, “Amen!” Haḡe ira bwatmetua ram hovi vai ataa ram ḡogonainira.

Visirai 6:8

Nam ḡarere, i nam ḡita hos vwate mulei mwa bisirai gulina nu vano huba kun gabe nu mate huba. I atatu be mwa dogo aluna, ihana mateana, i atatu vwate mulei be mwa huria, ihana be, Tanon Mateana. I God mwa lai muramura lalainira be raru vi wehi bamat udun sinombu be mwa dogo lol ureure, gin maro mai harova i ira ginau turu.

Visirai 9:1

Haḡe gailiman enjel mwa uv bilan taiva. I nam ḡita visiu be mwa hovi nin mahao vai lol ureure, i mwa lai gaihavan̄i huri matgatavan banoi roro.