Visirai 1:16 - Hano Niu Testamen

¹⁶ Kea mwa haḡo visiu gaibitu lol bwabwaran̄ona gin mwatuana, i buan bwaloana mata daldali mwa mwalue nin bwan̄ona. Lolmatana nu gigita kun alo ata la abobon alo.

Visirai 1:16 ပူးပေါင်းရင်းမြစ်များ

Matiu 17:2

La mahavana be ram dol ḡarere, ram dol ḡitae be rebehin Jisas mwa dori. Lolmatana mwa legiga kun alo, i gaisagana ram abwaga kun be dodo maita.

Lalaḡova 26:13

Ratahigi Lavoa Akiriba, ginau geki nu loli la hal gaivua vai Damaskas, nan gita sarisari gaivua nu sarisari liu sarisarin alo, mwa himai nin mahao mwa sarisari dalisiau maira be ram huriau.

Ifisas 6:17

Gov damei varahuva non God kun gabe gaisagan bwatumwa, i gov lai gaisarin Vui Sabuga gabe avoana non God.

Hibru 4:12

Avoana non God ginau rahu, i mwa lol rovoga, kun gabe bua mamagani, take liu nin buan bwaloana gabe mata daldali. I vi van sivigi dum lol ute be binihin atatu mai rahuna mwa bulu aia, kun gabe buan bwaloana mwa ban sivigi lol ute bulbulun hui alolon wain hui. Avoana non God vi lol bavtutui dum ginau n̄oto lol binihin atatu i ginau be atatu mwa doronia.

Visirai 1:20

I nai vev melmeloi binihivanan ira visiu gaibitu be gom gitae la mwatuaku i gaihaḡon bulu gaibitu be ram du. Ira visiu gaibitu vatan̄oga ram du lol Tanora. Ira visiu gaibitu, kea ira enjel huri ira uloilua gaibitu, i gaihaḡon bulu gaibitu kea ira uloilua gaibitu.”

Visirai 10:1

Haḡe nam ḡita enjel muramura vwate mwa himai nin amare vai ataa. Kea mwa bisirai lol dodo, i taban̄ao mwa dalisi la bwatuna; lolmatana nu gigita kun alo, i bwalagena ran ḡun gabi tabwalue.

Visirai 12:1

Haḡe nam ḡita dovon̄a vwate lol mahao kun gabe dovon̄an ginau gaivua vwate be tam len̄ai binihivanana. Haḡe vavine vwate mwa dogo gaisagana kun alo, i mwa dari vula aten bwalagena, i gai sosorin bwatuna visiu han̄vul domwan gairua.

Visirai 19:15

I buan bwaloana mamagani la bwan̄ona mwa ban dotomua be vi bwalo mai varan sinombu. Kea vi tomuainira gin bwata be mwa loliana gin aean, i vi seserai lolhoro wasi non God muramuraga be vi varahi kaburai vwain gaon taligaon waen vai lol lulroro gaivua aia be ran lol hun gaon taligaon waen aia.

Visirai 19:21

Take atatun bwaloana duluai ram bwalo alun buan bwaloana mamagani be mwa du la bwan̄ona be mwa rovo la hos. Buan bwaloana gea mwa wehi bamat ira atatun bwaloana. I ira manu ram ḡan kaburai ginau duluai ata la rebehira.

Visirai 2:1

Gov rav noḡu avoana vi vano lalai enjel lol uloilua Ivisas ba bevea be: “Geki noḡu avoana haḡea be nam haḡo visiu gaibitu la mwatuaku, i nam lago lol davolan gaihaḡon bulu gaibitu be gulina kun vatan̄oga.

Visirai 2:12

Gov rav noḡu avoana vi vano lalai enjel lol uloilua Pekamam ba bevea be, “Geki roroi nin wani be non buan bwaloana mamagani be mata daldali.

Visirai 2:16

Giv van burigai nin vuromiu duluai! Be gisav vinihi te leahi, sihav n̄ava tehe, nai mai mulei huri kimiu i nai bwalo mai sinombu kera gea gin buan bwaloana gabe mwa mwalue nin lolvwaku.”

Visirai 3:1

Gov rav noḡu avoana vi vano lalai enjel lol uloilua Sadis ba bevea be, “Geki roroi niniau gabe Vui gaibitu be ram mai nin God mai visiu gaibitu. Nam ilo hano be gim lolia; nam iloe be atatu ram bevea be gim rahu, take gin mate!