Visirai 1:13 - Hano Niu Testamen

¹³ I aia mai gaihaḡon bulu gaibitu be ram du kun atatu vwate gitavanana kun gabe Nitun Atatu. Kea mwa saga gaisaga n̄ava mwa hivo mwa botu lol bwalagena ataa, i gaisaga vatan̄oga mwa haravui bwabwana duluai.

Visirai 1:13 ပူးပေါင်းရင်းမြစ်များ

Hibru 4:15

Nonda Muai Tataroi, nu hav vora te kun ira muai tataroi dodolua be mahavana be gida nonda muramura sigai, i gida tam hovi lol bwatigoro, take rasav hagav te dum gida. Take nonda Muai Tataroi gea mwa hagav maragai gida, huria be ginau kera gea be ram ḡal gida atagu take rav ḡalia muana. Kea haḡea dolua i vurona sigai.

Visirai 14:14

Haḡe nam ḡarere, i nam ḡita dum dodo maita, i ginau mwa dogo alun dodo maita, gitanana nuḡun atatu, mai gai sosorin bwatu alun bwatuna vatan̄oga, i bua teḡe mamagani lol limana.

Visirai 15:6

Haḡe ira enjel gaibitu mai lalan̄an harova gaibitu, ram mwalue nin imwa tataro, i ram sagasagae gaisaga maita abwaga, i gao weswesin bwabwara kun vatan̄oga.

Visirai 2:1

Gov rav noḡu avoana vi vano lalai enjel lol uloilua Ivisas ba bevea be: “Geki noḡu avoana haḡea be nam haḡo visiu gaibitu la mwatuaku, i nam lago lol davolan gaihaḡon bulu gaibitu be gulina kun vatan̄oga.