Taetas 3:5 - Hano Niu Testamen

⁵ kea nu varahu gida bwatuna non sine hagavi. Nu hav vora te bwatun be huri rovoga tavuha be tan lolia haḡe tam bavtutu maia. Nu varahu gida sivi bwaga melmeloi gida gi sinombu gara sivi Vui Sabuga.

Taetas 3:5 ပူးပေါင်းရင်းမြစ်များ

Matiu 3:11

Inau nam ḡaruhisabugai kimiu gin wai, bwatuna be gim binihileahi huri vuromiu. Take atatu vwate abena vi mai radu ataguku. Wani gea lavoa liuau, i inau siboku nam hav dadariha tehe be nav haḡo non sus. Wani gea vi garuhisabugai kimiu gin Vui Sabuga i gabi.

Leo Tavuha gabe Luk nu Ravae 1:50

non hagavi mwa do vataha lalan̄a vai tuai aberahei ram ḡogonainia.

Leo Tavuha gabe Luk nu Ravae 1:54

Kea mwa lol haraharai non tatauleo gabe nu vevea lalai ira sibida i mwa bului Israel non atatun rovoga.

Leo Tavuha gabe Luk nu Ravae 1:72

I mwa bevea mulei be vi hagav ira sibida, i be vi binihi radui non tatauleo sabuga.

Leo Tavuha gabe Luk nu Ravae 1:78

Bwatuna be nonda God nu lolo hagavi kea vi hora mai varahu, Nin amare lalai gida vi ḡun alon varahuva mwa domare i mwa sarisari aluda

Ravrava non Pol lalai ata Rom 11:14

Nam binihia be nav lol noḡu atatu siboku rav binbinihi hantai, i hala geki vi bului be nav varahu dum tavalura.

Ravrava non Pol lalai ata Rom 11:6

Kebe vi gita luara nin non hogoi, kea vorate huri ginau be kera ram lolia. Kebe vi loliana be rav vora atat non God gin hano be ran lolia, hogoi non God sihav vora te mwasin hogoi.

Ravrava non Pol lalai ata Rom 12:2

Gosav leahigo te sibomwa be goi vora kun ata lol ureure geki, ta gov leahi la hal gara la halan binbinihi. Vuvuri gov vinihi dum hano be God mwa doronia hurigo, gov iloe be havanau nu tavuha i mwa lol dum binihina i havanau nu tavuha be giv lolia.

Ravrava non Pol lalai ata Rom 3:20

bwatuna be atatu vwat sigai be vi lol vavtutu mai God be vi huri ira silo. Silo ram bagahi gida be tav ilo vuroda.

Ravrava non Pol lalai ata Rom 3:28

Gam bev bavtutuinia be atatu mwa lolian vavtutu mai God sivi binihimwasigi, vora te sivi binihi marahi silo.

Ravrava non Pol lalai ata Rom 4:5

Ta atatu si hav lol te dum rovoga vwate be vi lolira rai vavtutu la lolmatan God. Mwa du maragai be rai binihimwasigi garagusi aluna, be mwa lol atat vuroga ram bavtutu la lolmatana. I God mwa ḡita nora binihimwasigi, i nora binihimwasigi garagusi haḡea mwa lolira ram bavtutu la lolmatan God.

Ravrava non Pol lalai ata Rom 9:11

Take amua ira naturigi atamwani gairua ram siv vora, God nu vevea lalai Rebeka be, “Tuagai vi lol rovoga lalai tihigi.” Geki nu loli amua ira naturirigi ram siv lol dum ginau tavuha sage ginau hantai. God mwa bevea kun geki be kea be nu gita luana bwatuna lol vatuvwai non God sibona. Kea nu gita luara bwatuna be kea haḡe vwate be God nu doron be vi uloinia, vorate huria be nu lol ginau vwate.

Ravrava non Pol lalai ata Rom 9:16

Alen̄a gea mwa hav huri te ginau be atatu mwa doronia, ḡaoḡao sage be atatu mwa lolia gin non voraivina, take mwa huri alen̄ tavuha non God be ḡaoḡao kea mwa ḡita hagav atatu.

Ravrava non Pol lalai ata Rom 9:30

I ke ginau duluai geki binihivanana kun hanigi? Kera be ira Lolobon̄i ran hav lol te ron̄ora be ramen vavtutu lolmatan God, take ran vavtutu lolmatan God bwatun nora binihimwasigi garagusi.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

Kelesia 2:16

Radu, tam iloe be atatu mwa lolian bavtutu mai God vorate huria be mwa huri silo, take be mwa dau binihimwasigi garagusi alun Jisas Kraes. I gida mulei, tan tau nonda binihimwasigi alun Kraes Jisas, huribe tav vavtutu mai God bwatuna be tam binihimwasigi garagusi alun Kraes. Nu hav vora te bwatuna be tam huri silo, bwatuna be atatu vwate si hav vavtutu tehe lolmatan God gabe mwa huri silo.

Ifisas 2:4

Take sine hagavi non God nu liu, i kea mwa dabe maragai gida.

Ifisas 4:23

Take kimiu nu vagahi kimiu be giv lol garai kimiu lol sibwen̄imiu,

Ifisas 5:26

be vi lolia gi bilan God. Kraes mwa avoinia gin avoana be men lol uloilua gim melmelo ginia be mwa bwagae gin wai.

Kolosi 3:10

Gom saga gaisagan rahuan gara, kebe mwa lol garainigo i gom mai kun wani gabe nu loligo. Rahuan gara geki mwa lai lalainigo iloilo nin God.

2 Timoti 1:9

Nu varahu gida i nu lol gida non sinombu sabuga. Kea mwa hav vora te bwatuna be tan lol ginau vwate siboda, take huri taritari i hogoi non God. Hogoi gea nu laia lalai gida sivi Kraes Jisas amua taro mwa siv bwativuga.

Taetas 3:4

Take batena be lolotavuha i lolotabetabe non God varahuda nu seserainia,

Hibru 10:22

I huri ginau geki nu tavuha be tam mai sosori aben God be binihinda vi melmelo i nonda binihimwasigi garagusi ran wasi. Amua binihinda ran bibili gin vuroda, mwa melmelo be tam ḡagaru lol wai melmelo.

Hibru 4:16

Bwatuna gea tav tau nonda binihimwasigi aluna, i tav mai la lolmatan God bwatun non hogoi vataha mahavana. Aia tav lai sine hagavi i tav habwe hogoi be vi bului gida lol taro ririhai.

Hibru 6:6

Take ataguna ran lai tagunai nora binihimwasigi garagusi i ram bano mulei. I kadogaha hala vwate mulei sigai be vi mom lai dabagilui muleinira rai mai bilin̄ai nin vurora. Bwatuna be ran lol hala gea kun be ram boha Nitun God vai la volovolo mulei, ram lol busbusinia lolmatan sinombu.

1 Pita 1:3

Uloi roroai lalai God i Tata non nonda Ratahigi Jisas Kraes. Lol ihan God lavoa sine hagavi kea nu lolia be tav vora mulei vai lol doronhohov lol rahuan n̄ava, bwatuna be Jisas Kraes nu tomare nin mateana.

1 Pita 2:10

Tuai kimiu gin hav vorate atatu, take kadogaha kimiu haḡea atat non God. Tuai kimiu gin hav lai te sine hagavi, take kadogaha gim lai sine hagavi non God.

1 Pita 3:21

I wai gea nu ḡun garuhisabuga be kadogaha mwa barahugo, i nu hav bwaga te dagai han̄ora nin rebehi, take tatauleo be nu loliana lalai God nin binihiv tavuha. I geki huribe Jisas Kraes nu tomare nin mateana.