Taetas 3:3 - Hano Niu Testamen

³ Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

Taetas 3:3 ပူးပေါင်းရင်းမြစ်များ

Matiu 21:29

Haḡe nituna mwa bwaliua be, ‘Nam barihai.’ Itake ataguna mwa leahi binihina, i mwa bano.

Leo Tavuha gabe Luk nu Ravae 21:8

Haḡe Jisas mwa bwaliura mwa bevea be, “Giv gitaḡoro; nin ruruhiana. Bwatuna atatu ivusi rav mai lol ihaku rav vevea be, ‘Inau haḡea! Mahavana mwa mai haḡea!’ Take gisav hurira tehe.

Leo Tavuha gabe Jon nu Ravae 8:34

Jisas mwa bevea lalainira be, “Nam bev mwasigi lalai kimiu be, atatu duluai gabe ram buroga ram bora turin rovoga non vuro.

Ravrava non Pol lalai ata Rom 11:30

Lol gubwen̄i vwate kimiu ira Lolobon̄i ran varihai didi ron̄ God, take kadogaha giḡo gon lai sine hagavi, bwatuna be sinombu kera gea ran varihai didi roron̄tai.

Ravrava non Pol lalai ata Rom 6:12

Gosav lin̄ te vuro vi muraga lol rahumwa teti lol ureure, be gov lol ginau gabe vuromwa sibomwa mwa loligo be gomen lolia.

Ravrava non Pol lalai ata Rom 6:17

Amua gon vora turin vuro, i vuro nu haḡo rahumwa. Ta gov avkari God, gom dabe mwasigi ginau gabe gon lai silo vagahi huria.

Ravrava non Pol lalai ata Rom 6:22

Ta kadogaha gom du dagai nin vuro i gom mai gi turi non God. Geki mwa lai rahuana lalainigo huri God n̄ano, i geki mwa lai rahuana lalainigo vai tuai.

Ravrava non Pol lalai ata Rom 6:6

Tam iloe be rahuda ata amua nu mate mai Jisas alun volovolo, huribe vuroda gaitutuvwai si hav muramura tehe ḡoro gida i gida ta sav vora te turin vuro.

2 Korin 12:20

Nam binihi gairuruai be batena be nai mai, berevai gim hav vora te kunia be nam binihia be vi vora kunia, i inau nasav vora te atatu kunia be gin doroniau be nai vora kunia. Nam hen binihi gairuruai alolomiu be sigai ta vigaigaiana, binbinihi hantai, lolhoro, bwaloana, bugurana, avoan bibili, hun̄ahun̄a, binihiv sage, i vi len̄len̄aga.

Kelesia 6:3

Be atatu vwate mwa binibe kea liu be mwa hav vora te kunia, kea mwa lol mulei daltaleinia sibona.

Kolosi 1:21

Lol taro vwate gon togo dagai nin God. Gon vora non ivwalu lol nomiu binbinihi, i ginau lete be gin lolia vai alun God.

Kolosi 3:7

Amua lol rahumwa gabe rahuan lete gon lol ginau haḡe kerageki.

2 Timoti 3:13

Take sinombu be ram hantai i ram ruruhi rituai rav tau bwatuna rav hantai i rav hantai liu. Rav ruruhi rituai, take mulei rav ruruhira sibora.

2 Timoti 3:6

Rituai alolora ram haroro alolon imwa rituai be ira vavin mandamanda, be ran masiri gin lalan̄an bwatigoro i ram doron maragai lalan̄an ginau hahantai.

Taetas 1:16

Ram bevea be ram ilo God, take nora lalaḡova mwa dovon̄ainia be ram hav lai te ḡoḡoe. Kera ram barihai atatu, ram hav roron̄tai tehe, ira atat hahantai huri be rav lol te havanau be nu tavuha.

Taetas 2:12

Mwa bagahi gida be tasav van te burigai God sa tasav lol te ginau hahantai be ureure mwa doronia. Take, hogoi non God mwa bagahi gida be kadogaha tav togo gin mataisao i lol hal vavtutu i lol hala kea be mwa seserainia be tam lol lalaḡova non God.

Jemes 1:26

Kimiu gim binibe gim haḡo wasi nomiu binihimwasigi? Batena be gom hav vwalau te tavuhai meamwa, nom binihimwasigi kea ginau vuroi n̄ano, i gim dentene mulei lalai kimiu.

1 Pita 1:14

Kadogaha be gim bora naturirigi tavuha non God gisav mom dogo tehe kunia be gin togo tuai Gin hav ron̄ te batoia, i gin lol ginau hahantai be gin doronia.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 13:14

Haḡe mwa ruruhi sinombu duluai be mwa dogo lol ureure, ginia be God mwa mahin̄ainia mwa lol ginau dan̄an̄a i tagaro la lolmatan muan ginau rahu gea. I kea mwa bevea lalainira be rav tai nunu vwate gabe nunun muan ginau rahu gabe ran saria gin buan bwaloana take mwa rahu mwa dogo radu, be kera rav gogonainia.

Visirai 18:2

Enjel mwa bato amare mwa bevea be, “Hovita! Babilon muramura nu hovi i kadogaha vanuan ira vui hantai. Kea lulun ira vui ginau rahu bibili hantai i mai ira manu bibili duluai, i mai ira ginau rahu bibili varihaiana duluai.