Taetas 3:2 - Hano Niu Testamen

² rasav vev te ginau hantai lalai ihei tehe, rav togo lol tamwata, i rav maḡemu i rav lol alen̄ vavtutu lalai sinombu duluai.

Taetas 3:2 ပူးပေါင်းရင်းမြစ်များ

Matiu 11:29

Giv haḡo lua noḡu gai tatauleo vai la isibwamiu, i giv huhui ginau niniau, bwatuna inau nam maḡemu i nam do tirigi lol binihiva. I giv habwe mabuana.

Lalaḡova 23:5

Pol mwa bwaliua mwa bevea be, “Ira tua ata Israel, nam hav iloe te n̄an haḡea be kea Muai Tataroi. Bwatuna rav rava sabuga mwa bevea be, gosav lai te avoan hantai lalai tomuai huri nom sinombu.”

1 Korin 6:10

i kera gabe ram bugura i ram sura, i ram mwin wai taltale, i ram duli tenteneana vai la atat dodolua, sage ram sura atatu kera geki rasav haḡo te dum houn ute Ratahigi non God.

1 Korin 9:19

Inau atat maribwesi i nam hav vora te turin rovoga huri atatu vwate. Take nam loliau kun gabe turin rovoga lalai atatu duluai be nav rav dum sinombu.

2 Korin 10:1

Inau, Pol, nam hudali kimiu gin alen̄ maḡemu i alen̄ tavuha non Kraes. Atatu rituai ram bevea be nam lolia mwa maron̄ron̄o alumiu batena be inau mai kimiu i nam lol alen̄ wasi baten be nam do dagai.

2 Korin 12:20

Nam binihi gairuruai be batena be nai mai, berevai gim hav vora te kunia be nam binihia be vi vora kunia, i inau nasav vora te atatu kunia be gin doroniau be nai vora kunia. Nam hen binihi gairuruai alolomiu be sigai ta vigaigaiana, binbinihi hantai, lolhoro, bwaloana, bugurana, avoan bibili, hun̄ahun̄a, binihiv sage, i vi len̄len̄aga.

Kelesia 5:22

Take Vui mwa baivusi vwain lolotabetabe, samwarana, tamwata, ron̄ mwan̄ava, lolotavuha, tavuha, binihimarahi,

Kelesia 6:1

Ira tuaku, be atatu vwate lol nomiu tatan̄ana mwa lol ginau vahala, giḡo gabe gom dogo lol Vui gos vano aben wani gea ba buluia ba lol bavtutu muleinia. Take giv gitaḡoro, bere gim ḡal kimiu vai lol vuro mulei.

Kelesia 6:10

Lol taro be nonda rovoga be tav bului atatu, mwa du be tas lolia. Take tas lai nonda mwasin loliana lalainira gabe ram dogo lol tatan̄an binihimwasigi garagusi.

Ifisas 4:2

Giv lin̄ maḡemu vataha mahavana i giv togo ḡoḡonai, i giv ron̄ mwa n̄ava, i giv dame ḡoro vatvataha kimiu lol lolotabetabe.

Ifisas 4:31

Gosav hantai tehe sa lololhoroga n̄an haḡea, sage gosav vev te ginau be vi lol ḡagaras atat dodolua. Gosav lol te bwatigoro hahantai.

Filipae 4:5

Giv lin̄ kimiu duluai rav gitae be kimiu atat maḡemu i sine tavuha. Ratahigi vi himai sihav vora te n̄ava.

1 Tesalonaeka 2:7

gaituvwa be ira hala non Kraes, gas haḡo dum nomai roron̄o ḡoro kimiu. Take gam maḡemu mai kimiu, kun ratahi be mwa ḡitaḡoro ira nituna be ririgi radu.

1 Timoti 3:11

La hala n̄an gea, ira vavine mwa du be atatu rav binihi marahinira. Kera rasav vev te bwarebware atat dodolua. Rav vwalaunira sibora, i rav binihimwasiginira lol ginau duluai.

1 Timoti 3:3

Sihav mwin te lavoai waen sage si hav taltale tehe be men bwalo, take mwa du be vi maḡemu i vi lol dum tamwata, mwa hav dorodoron te homu.

Jemes 3:17

Take mataisao be mwa mai nin God kea muan ginau be nu melmelo. Ataguna tamwata, silo gogonai, i nu maron̄ron̄o be vi ron̄ mwahantai. Mataisao geki mwa lol vatuvwai be vi bului kera be ram dogo ririhai i vi lol tavuha lalai kera dodolua. Kea nu vavtutu i nu mwasigi.

Jemes 4:11

Ira tuaku duluai, gosav vev te ginau hahantai vai alun atat dolua. Kebe gov avo vai alun ira binihimwasigi dodolua sage gov vevegira, giḡo gom bevegi i gom avo vai alun Silo. Batena be gom bevegi Silo, giḡo gom hav mom borate horata non Silo, take gom mai gi harahara.

1 Pita 2:1

Mulei, giv togo dagai nin ginau hahantai duluai, tenteneana duluai, bugurana, binihiv hahantai, i avoan hahantai.

1 Pita 3:10

Ravrava Sabuga mwa bevea be, “Atatu mwa du maragai be vi lol ginau kera geki rav ron̄ mwandavuha i rav togo lol gubwen̄ ron̄ mwandavuha ivusi. Kea sihav vev te avoan hantai, i kea sihav tentene tehe.

1 Pita 3:8

Nogonana, kimiu duluai gis togo lol dameana, giv ilo kimiu gaitutuvwai, giv tabetabe kimiu kun abe ata lol imwa gaituvwa, giv maḡemu i giv tavuha.

1 Pita 4:4

Ira len̄len̄aga ram binihia be geki ginau dan̄an̄a be kimiu gim hav lol te ginau hahantai be ram lolia, i kera ram bev avoan hahantai huri kimiu.

2 Pita 2:10

Silo Vevegi gea liuhage lalainira be ram dogo ram lol bwatigoro lol rebehira sibora ram doronia i ram hav doron te roron̄o. Ira Vagahi tentene kera geki ran wasi i ram lol havanau be ram doronia. Ram hav matagu tehe be rav avo vai alun ira enjel.

Ravrava nin Jud 1:10

Take atatu kerageki ram avo la ginau be ram hav iloe tehe. I ginau be ram iloe, gin nora ron̄ova, kun ginau rahu buhiga be ram ilo ginau, kea haḡea ginau be mwa lol bwarebwarera.

Ravrava nin Jud 1:8

Atatu be nam bevera ram lol ginau kun atatu be ram ḡita maturubore i mwa lolira sibora ram masiri gin vuro. Ram hav doron te didi ron̄ ira lavoa ḡoro non God i ram avo vai alun ira enjel.