Haḡe Jisas mwa bwaliura be, “Giv lai lalai Ratahigi ginau non Ratahigi i lalai God ginau non God.” Mahavana ram ron̄oe kunia kera ram dan̄an̄a maragai gin Jisas.
Vagahin Silo vwate aia be nu ron̄ vevuriana. Mwa ḡitae be Jisas nu vwaliu tavuhai nora avoan hudaligi, i kea mwa mai vai aben Jisas mai avoan hudaligi mwa bevea be, “Leo horai behe gabe mwa bora muana alolora duluai?”
Jisas mwa ron̄oe be non avoan vwaliu nu tavuha mwa avo gin mataisao haḡe mwa bevea lalainia be, “Gom hav vora te hautu nin ute Ratahigi non God.” Ataguna uhu atatu mwa hav mom hudali te Jisas gin avoan hudaligi.
Haḡe nam doronia be ira bwero bweihe rav lagi, rav bav naturirigi, i rav gitaḡoro imwara sibora. Kunia ivwalu halan nora vi sigai be rav av vai alura.
Ihei be mwa lai silo vagahi dolua be mwa hav dadariha tehe mai silo vagahi non nonda Ratahigi Jisas Kraes i silo vagahi be mwa seserai matan halan rovoga mai God.
Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.