Taetas 2:15 - Hano Niu Testamen

¹⁵ Vev ginau kera geki i av dura sinombu i vev lua havanau be ran vahala lol rahura, vevea gin roron̄o. Gosav lin̄ te ihei be vi gitago kun be giḡo gom hav vora te atat binihi marahi.

Taetas 2:15 ပူးပေါင်းရင်းမြစ်များ

Matiu 7:29

Bwatuna be avoana non Jisas nu roron̄o, take mwa hav vora te kun avoana non ira atatun vagahin Silo.

Leo Tavuha gabe Mak nu Ravae 1:22

Kera duluai ram dan̄an̄a gin non silo vagahi. Bwatuna mwa avo gin roron̄o, mwa hav vora te kun ira vagahin Silo.

Leo Tavuha gabe Mak nu Ravae 1:27

Sinombu duluai ram dan̄an̄a ram bevea mau ginira be, “Havanau uhu? Silo vagahi gara? Atatu uhu mwa haḡo roron̄o be vi avo lalai vui hantai, i ram ron̄oe!”

Leo Tavuha gabe Luk nu Ravae 4:36

Haḡe sinombu ram dan̄an̄a ram avo ginginira be, “Hava avoana kera geki? Gin roron̄o mai muramura atatu geki mwa hora lua ira vui hantai, i ram mwalue!”

1 Korin 16:11

Vwate alolomiu si hav gita te bahivoi Timoti, take giv buluia la halana lol tamwata huribe vi mai mulei vai abeku. Nam binihia be vi mai mai ira tuana.

1 Timoti 5:20

Giv vevea lalainira be ram dogo lol bwatigoro be ram bahala. Vevea kunia lolmatan sinombu duluai lol uloilua huria be vi mamatara rituai mulei.

2 Timoti 4:2

Inau nam hudalinigo be gov toretore huri Leo Tavuha. Lol vatuvwai vataha taro, i vevea lalai sinombu havanau be mwa du be rav lolia. Vevea lalainira lol taro be ram bahala. Av durara gin sine maḡemu gaivua, i silo vagahi vavtutu.

Taetas 1:13

Avoana be atatun vevsera nu vevea kera mwasigi. Haḡe goi vev wasinia lalainira be kea ram bahala, be rai mai gi atat wasi lol binihimwasigi garagusi,

1 Pita 4:11

Ihei tehe be vi avo ta mwa du be si vev avoana nin God. Ihei tehe be vi bului tuana ta mwa du be vi bului mai muramura be God nu laia bwatuna be lol ginau duluai God vi uloi roroai sivi Jisas Kraes. Muramura i ute roroai nona vai tuai i tuai. Amen.