Taetas 2:14 - Hano Niu Testamen

¹⁴ Nu lin̄ia sibona huri gida be vi lol tavwe be vi ribwes gida nin ginau hantai duluai i be vi lol gida tai vora sinombu melmelo be tai vora bilana n̄an gahena. Sinombu be tagaro tam doron be tav lol lalaḡov tavuha.

Taetas 2:14 ပူးပေါင်းရင်းမြစ်များ

Matiu 1:21

Mere vi haḡo nituna atamwani. Gov huri ihana gi Jisas, bwatuna be kea vi varahu non sinombu nin vurora.”

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Matiu 3:12

I mulei mwa haḡo non gai gosi lol limana kun atatu mwa ḡos niu, mwa lai lua mwasina nin bwalana, i mwa hara ḡoḡo mwasina vai la mwasin batana, take mwa bohai kaburai tabwelahana vai lol gabi gabe mwa oda, mosmosianana sigai.

Leo Tavuha gabe Jon nu Ravae 6:51

Inau haḡea bereti rahu gabe mwa himai nin lol ute atamare. Be ihei tehe be mwa ḡan bereti geki kea vi rahu vai tuai. Bereti gabe nav laia lalainia gabe vigohoku, gabe nam laia be ureure vi rahu ginia.”

Lalaḡova 15:14

Saimon mwa siv tugu halana lalai gida kunhanigi God mwa bisirai muana lalai ira Lolobon̄i be men lai dagai tatan̄ana vwate huria sibona.

Lalaḡova 15:9

Nu lolia la hala gea nuhav dolua tehe nin kamai; Kea nu binihi kaburai vurora bwatuna gabe ran binihimwasigi.

Lalaḡova 20:28

Giv gita ḡoro kimiu sibomiu, i giv gita ḡorora gabe Vui Sabuga nu taura la limamiu. Kimiu giv vora radaiḡoro huri uloilua non God, gabe kea nu lolia huria sibona sivi mateanan Nituna.

Lalaḡova 9:36

Lol vanua Jopa vavine vwate ihana Tabita, kea binihimwasigi vwate (Ihana la avoana ata Krik be Dokas, binihiva be Dia). Lol mahavan rahuna duluai nu lalaḡo tavuha i mwa bului ira hiru.

Kelesia 1:4

Jisas mwa laia sibona huri vuroda be men lai lua gida nin ureure vuroga geki be tam dogo alolona, kunia be God tamanda nu lol vatuvwainia.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Kelesia 3:13

Kraes nu lai dagai silo vevegi be silo nu taua aluda. Mwa leahi ute mai gida i mwa daua sibona halaten vevegi gea. Mwa ravana lol ravrava sabuga be, “Ihei tehe be rebehina mwa seserainia la bwatungai kea vi lai vevegi.”

Ifisas 1:11

Lol Kraes mwa gita lua gida be tai vora sinombu non God, bwatuna be la bwativuna radui, God nu tari halana geki gin non taritari. I kea haḡea atatu gaituvwa be nu lol ginau duluai mwa dame alun ginau be kea nu vinihia i nu doronia.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

1 Timoti 1:15

Havanau be nam bevea kea mwasigi, i mwa du be gov lai ḡoḡo duluainia: Kraes Jisas nu himai vai lol ureure be vi varahura atat bwatigoro, alolora inau nan hantai liura.

1 Timoti 2:10

Leahia gea, rav lol lalaḡov gin sine tavuha, kea be nu vavtutu huri ira vavine kera be ram bevea be ram ḡogonai God.

1 Timoti 2:6

Nu mahin̄ainia sibona be vi vora varahun sinombu. Geki mwa lol ḡigilainia la mwasin tarona be God mwa doron atatu duluai be rav rahu.

1 Timoti 6:18

Goi vevea lalai sinombu rosoga be rav lol lalaḡov tavuha, be rav rosoga be rasav bugura tehe, i rav lol vatuvwai be rav hogohogo lalai atat dodolua.

Taetas 2:7

Lol hala duluai gov vora malele huri lalaḡov tavuha duluai. Batena be gom bagahi, gov vagahi gin vavtutu i binihi marahi.

Taetas 3:8

Silo vagahi geki mwasigi, i nam doronia be giv ilo tavuhainia huri be sinombu rav ilo tavuhai halan ginau kera geki. Vuvuri kera be ram binihimwasigi alun God rav gitaḡoro be rahura rav lalaḡoi ginau tavuha. Ginau kera geki ran tavuha i rav bului atatu duluai.

Hibru 1:3

I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

Hibru 10:24

Nu tavuha be tav binbinihi huri gida gaitutuvwai be tav bulubului gida be vi lol gida tav wasi be tav bului atatu i be tav lol alen̄ tavuha.

Hibru 9:14

Take dagan Kraes vi lol rovoga wasi maragai. Kraes nu kun ginau rahu be ginau vwate nu hav hantai tehe lol rebehina be ram wehia huribe men lai dagai vuron atatu. Gin muramura non Vui Sabuga be mwa dogo vataha mahavana mwa lai rahun Kraes vai aben God. Dagana mwa lol binihinda mwa melmelo lol ginau duluai be tam lolia, huria be tav lol dum rovoga non God be mwa rahu.

Jemes 4:8

Mai sosori vai aben God, i God vi mai sosorigo. Giv bwaga limamiu ira atat vuroga! Giv lol melmeloi irubwimiu, kimiu ira hoḡoiḡoro!

1 Pita 1:18

Gim iloe be amua gin togo lol rahuan garagusi, la hala be mwa rovo atagu nin atatu be ran togo amua ninigo. Take gin rahu nin rahuan hantai. Nu vol kimiu, kun ginau be vi nogonogo dumwi kun vatlegiga, i vatan̄oga,

1 Pita 1:22

Kadogaha be gin lol rahumiu ram melmelo ginia be gim dabe mwasigi, gov haḡo dum tabean mwasigi huri ira tuamwa atamwani i vavine lol Kraes. Giv tabe kimiu gaitutuvwai liu mai lolomiu duluai.

1 Pita 2:12

Ira len̄len̄aga ran masiri i ram dogo dalis kimiu i rav vev dumwia be kimiu gim lol ginau hantai. Giv togo lol togoana tavuha huribe rav gita ginau tavuha be gim lolia i vi lai roroai lalai God lol taro be Kraes vi mai mulei. Ron̄ maḡemu huri roron̄o non atatu duluai.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Jon 1:7

Take be tas togo lol gigita, kun gabe God mwa dogo lol gigita, kea gin binihiva be gida duluai tam bora vatugi gaituvwa n̄an maia. I dagan Jisas nitun God vi bwaga melmeloi gida nin nonda bwatigoro.

1 Jon 1:9

Be tas seserai lua vuroda lalai God, gida tai vinihi mwasigi be kea vi binihi kaburai vuroda.

1 Jon 3:2

Ira noḡu buluana, gida ira nitun God, take huria be tai vora atatu kun hanigi, kea mwa hav melmelo tehe lalai gida radu. Take tam iloe be mahavana be Kraes vi mai mulei, gida tai vora kunia, be tav gitae be kea mwasigi.

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 5:9

Ram lol iboi gara ram bevea be: “Giḡo gon dadariha be gov lai buk lulun̄i i gov roto tigoro huri buka be vi mavugeri. Huri be giḡo gon bwalo, i gin mateanan gin mateanan nom ron̄ ḡagarasi mwa boligo huri sinombu non God alun varan sinombu duluai, lalan̄an avoana, i lalan̄an vanua mai lalan̄an atatu be gulira dodolua.