Taetas 1:4 - Hano Niu Testamen

⁴ Lalai Taetus, mwasin nituku lol binihimwasigi be gam betea. Hogoi tavuhai i tamwata nin God Tata i Kraes Jisas varahuda.

Taetas 1:4 ပူးပေါင်းရင်းမြစ်များ

Leo Tavuha gabe Luk nu Ravae 2:11

Huri Varahu mwa bora lalai kimiu garigi bon̄i la vanuan Deved, kea haḡea Kraes gabe wani Vurai i Ratahigi!

Leo Tavuha gabe Jon nu Ravae 4:42

“Kamai gam binihimwasigi kekadogaha, mwa hav vora te huri hano n̄an be gon vevea, take bwatuna be kamai gan ron̄oe sibomai, i gam iloe be kea mwasigi Varahun Ureure.”

Ravrava non Pol lalai ata Rom 1:12

Nam binihia be, nam doron be tav bului gida mai binihimwasigi garagusi be tam do maia. Nomiu binihimwasigi garagusi vi buluiau, i noḡu binihimwasigi garagusi vi bului kimiu.

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

2 Korin 12:18

Nan hora Taetus be vi mai vai abemiu, i nan hora tuamai maia. Taetus kea nu hav ruruhi te kimiu, sa nu ruruhi kimiu? Gim iloe be Taetus i inau binihimaru gaituvwa n̄ano i alen̄amaru gaituvwa n̄ano?

2 Korin 2:13

Take nan hav togo te lol tamwata, huri be nam habwe tuaku Taetus. Nan vev avoan vitulei lalainira aia Troas i nam ban vai Masedonia.

2 Korin 4:13

Nu ravana lol ravrav sabuga be, “Nam binihimwasigi, i kunia nam bevea.” Nonda binihimwasigi garagusi kunia mulei. Gam binihimwasigi, i kunia gam bevea.

2 Korin 7:6

Take God, be nu lol maḡomaḡora be ran habwe taro ririhai, kea nu lol maḡomaḡo kamai baten be Taetus nu mai.

2 Korin 8:16

Nam avkari God bwatun be nu hagai lalai Taetus tabeana kunia be nu laia lalaiau.

2 Korin 8:23

Kadogaha huri Taetus kea vwaliuku, kea mwa lol rovoga bul maia be vi bului kimiu. I huri ira tuada rituai ram matu nin ira binihimwasigi, i ram lai sarisari lalai Kraes.

2 Korin 8:6

Gan hudali Taetus be vi bului kimiu be giv nogoi raumatan rovoga huri vatavuha be kea nu bwativugainia.

Kelesia 2:3

Taetus nu togo maiau take nu hav garoiana tehe be vi lai tav dovon̄ana, kunia be kea ata Krik.

Kelesia 3:26

Kimiu n̄oto gin garuhisabuga lol Kraes, i gin saga kimiu gin Kraes. Geki gin binihiva be kimiu duluai ira nitun God sivi binihimwasigi garagusi lol Kraes Jisas.

Kelesia 3:28

Lol Kraes nu hav vora te dolua lol davolan ira varan ira Jius mai ira Lolobon̄i, atat vauhi i atat maribwesi, atamwani i vavine, kimiu n̄oto gin dadariha lol Kraes Jisas.

Ifisas 1:2

Hogoi i tamwata lalai kimiu nin God Tamanda i nonda Ratahigi Jisas Kraes.

Kolosi 1:2

Lalai ira tuada atat binihimwasigi duluai lol Kraes be ram dogo Kolosi, hogoi i tamwata lalai kimiu nin God tamanda.

1 Timoti 1:12

Nam avkari Kraes Jisas nonda Ratahigi, kea nu lai hui wasi lalaiau, bwatuna be kea mwa butu aluku i nu lai rovoga lalaiau be nav lol rovoga lalainia.

2 Timoti 1:1

Nin Pol, hala non Kraes Jisas hurin doroniva non God. God nu horau be nai vevea huri tatauleon rahuana kea be lol Kraes Jisas.

2 Timoti 1:2

Lalai Timoti, kea naturigi tabe lalaiau: Hogoi, sine hahagavi i tamwata lalainigo nin God Tata i Kraes Jisas nonda Ratahigi.

2 Timoti 4:10

Bwatuna be Dimas, be nu tabe maragai ureure uhu, nu lin̄iau mwa ban vai Tesalonaeka. Kresens kea nu van vai Kelesia, i Taetus nu van vai Dalmatia.

Taetas 1:3

La mwasin tarona be nu vavtutu, God mwa lin̄ ureure be vi iloe huri rahuana gea sivi toretore. Nu tau rovoga gea aluku i nan toretore gin avoan ḡaragara non God varahuda.

Taetas 2:13

Mwa du be tav togo kunia lol taro be tav hohovi huri be nonda doronhohovi gaivua liu i huri maiana lol sarisari non nonda God holomare hae i varahu Jisas Kraes.

2 Pita 1:1

Nin Saimon Pita, atatun rovoga i hala non Jisas Kraes. Lalai Kimiu be gin lai binihimwasigi garagusi kun kamai, bwatuna be nonda God i Varahuda Jisas Kraes, mwa lol havanau be nu vavtutu.

2 Pita 1:11

I kimiu giv lai laiḡoḡo gaivua vai alolon ute ratahigi non nonda Ratahigi i varahuda Jisas Kraes vai tuai i tuai.

2 Pita 2:20

Kera ram maribwesi huba nin bwatigoro lol ureure i ram ilo non Ratahigi i varahuda Jisas Kraes. Take kebe rav tabagilu lol bwatigoro i ginau kera gea rav tomuai nira, i ginau geki vi hantai vi liu ninia amua.

2 Pita 3:18

Take giv mauri lol hogoi i mataisao non nonda Ratahigi varahuda Jisas Kraes. Sarisari lalainia Kadogaha i vai tuai! Amen.

2 Pita 3:2

Nam doron be giv vinihi dum ira avoana be ira atatun vevsera sabuga ran avoinia tuai, i giv vinihi dum avoan wasi be nonda Ratahigi i varahu nu laia sivi ira hala.

1 Jon 5:14

Mahavana be tam dataro, tav tataro lalai God gin binihiv wasi. Tam iloe be God vi vwaliu nonda tataro mahavana be tam hudaligi huri ginau be God mwa samsamwara ginia.

Ravrava nin Jud 1:3

Ira tuaku, nam doron maragai be nav ravae lalai kimiu huri varahuva be tam dogo alolona lol God. Take nav ravae i nav hudali kimiu be giv bwalo mwasigi huri binihimwasigi garagusi be God nu laia lalai non atatu.