Taetas 1:16 - Hano Niu Testamen

¹⁶ Ram bevea be ram ilo God, take nora lalaḡova mwa dovon̄ainia be ram hav lai te ḡoḡoe. Kera ram barihai atatu, ram hav roron̄tai tehe, ira atat hahantai huri be rav lol te havanau be nu tavuha.

Taetas 1:16 ပူးပေါင်းရင်းမြစ်များ

Ravrava non Pol lalai ata Rom 1:28

Sinombu ran hav vinihia tehe be mwa du maragai be rav ilo mataisao mwasigi non God. I God mwa bisdagai ninira i mwa mahin̄ainira be rav haḡo nora binihiv taltale sibora i be rav lol ginau be mwa du be rasav lolia tehe.

Ifisas 5:6

Gosav mahin̄a tehe be atatu vi saruruhigo ginia be men vev ginau lalainigo be ram hav vora te mwasigi, bwatuna be ginau kerageki vi lai lolhoro non God vai alura be ram hav tabe te silona.

1 Timoti 1:9

Gam iloe mulei be silo mwa hav vora te huri atat tavuha take hurira be ram du ḡoro silo i hurira be ram hav doron tehe be rav huria. Hurira be ram du ḡoro God, i ran masiri gin bwatigoro, kera be ran hav sabuga tehe i ram hav haḡo te halan binihimwasigi, kera ram wehi ira tamara i ratahira, kera ram wehi surai.

1 Timoti 5:8

Ihei tehe be mwa hav gitaḡoro te rahun ira havana sibona, liuhage ata lol mwasin imwana, kea mwa ban burigai binihimwasigi garagusi i kea nu hantai liu wani be mwa hav binihi te mwasigi God.

2 Timoti 3:17

Haḡo avoan sabuga, atatu be mwa lol rovoga lalai God vi lol dumwia, vi lai duluai hano be mwa doronia be vi lol rovoga tavuha duluai.

Taetas 3:1

Vev serae lalai ira binihimwasigi be rav binihi marahi ira tomuai be ram haḡo roron̄o ira tomuai be ram muai ḡoro vanua, rav roron̄tainira rav lol vatuvwai be rav lalaḡoi tavuha,

Taetas 3:3

Amua radui gida mulei tan dadaloiga. Tan dahadaha, tan lol bahala, i tan vora turi huri ginau ivusi be rebehida ran doronira i ran samsamwara ginira. Tan lin̄ rahuda vai lol vahalana i tam binbinihi hantai. Sinombu ran varihai gida, i gida mulei tan varivarihai gida.

1 Jon 2:4

Take be tas garoinia ba bevea be tam ilo God i tam hav tabea tehe, kunia tam dentene i mwasigi mwa hav togo tehe aloloda.

Ravrava nin Jud 1:4

Atatu len̄len̄aga rituai ran haroro dahuligi vai lol nom tatan̄ana, kera ran avo vai alun God i ran leahi silo vagahin hogoi non nonda God be ram lol dum ginau hahantai, ram barihai didi lai Jisas Kraes vai alolora, nonda Ratahigi i God. Take tuai avoan sabuga mwa bevea be atat len̄len̄aga keragea rav lai silo vevegi.

Visirai 21:27

I havanau hantai mulei sihav mom haroro vai alolon bwatutun vanua gea. I rahuanan bwatigoro mulei sigai aia, sage tenteneana. Ira sinombu n̄an alolon bwatutun vanua vivora kera duluai gabe ihara nu ravana lol buka non Nitui Sipsip huri rahuana.

Visirai 21:8

Take nai vevea lalai kimiu huri havanau be vi loli lalai ihei tehe be ram matmatagu; i lalainira be ram lol salil silo, i lalai ira hei be ram lol alen̄ bibili, sage ram wehiwehi bonogai, sage hovita lol bwatigoro, ira hei gabe ram lalaḡoi mateana i mera, i lalai nira be ram ḡogonai nun vatu dodolua, i lalai ira tenteneana. I vi vohainira gea vai lol numbun wain gabi tabwalue mai salva, geki gairuan mateana.”