Taetas 1:10 - Hano Niu Testamen

¹⁰ Atatu ivusi ram lol ginau deḡeteḡe i ram bev ginau deḡeteḡe, huribe ram binhimwasigi non ira Jius.

Taetas 1:10 ပူးပေါင်းရင်းမြစ်များ

Matiu 23:14

“Hahagavi lalai kimiu, ira vagahin Silo maira Varise! Kimiu ira hogoi ḡoro! Gim ḡan bahiru ira bwero aten imwara i gim lol tataro n̄ava be men gitana. Bwatuna geki silo vevegi lalai kimiu vi wasi liu!

Lalaḡova 11:2

I mahavana be Pita mwa bano vai Jerusalem, ira binihimwasigi be ram doron be rav lol tav dovon̄ana alun ira Lolobon̄i ram hun̄ainia ram bevea be,

Lalaḡova 15:1

Haḡe atatu rituai ram mai nin Judia vai Antiok ram bagahi sinombu ram bevea be, “Gisav rahu te dumwi vaivotu be vi tav dovon̄ana alumiu kun gabe silo non Moses mwa bevea.”

Lalaḡova 15:24

Kamai gam ron̄oe be atatu rituai gabe ran matu nin teti ran lol kimiu gim ron̄ mwahantai i binihimiu mwa lalan̄aga gin havanau gabe ran vevea; take gan hav vev te avoana kunia lalainira be ramen matu ba lolia kunia.

Lalaḡova 20:29

Nam iloe be, la mahavana be nai vano, viriu turu rav mai atagumiu ba ḡan n̄oton̄oto sipsip.

Kelesia 2:4

Gam bev ginau vahala geki bwatuna be atat binihimwasigi tentene rituai ran mai dahuligi lol nomai tatan̄ana. Ran mai kun gabe atat gita surai be ramen tul burigai mwasigi lol Kraes Jisas. Ran doron be ramen lol kamai i ira turin rovoga.

Kelesia 3:1

Kimiu ata Kelesia nu vevean melmeloi lalai kimiu huri mateanan Jisas Kraes alun volovolo. Take kimiu ira taltaleana; gim lin̄ atatu vwate mwa ruruhigo.

Ifisas 4:14

I sihav n̄ava tehe gida tas hav mom bora te kun naturigi mulei. Tasav vora te kun waḡa be mwa halahala dadaligi navo mwa bohainia ban mwa mai. Sihav avte lumlum gida gin silo vagahi gara duluai gam ron̄oe non sinombu be ram lol ron̄oe be ramen saruruhi kamai. Ram dari halana i ram lol ron̄ hal saruruhi be men ruruhi sinombu vai alolon halan salana.

1 Timoti 1:4

Vevea lalainira be rasav sabwelei te nora taro alun ira vevuri tentene i alun varavarain iha lol vevuri ata la varara tuai. Ginau kera geki ram lol vigaigaiana n̄ano; ram hav bului tehe huri taritari non God, kea be mwa loliana gin binihimwasigi garagusi.

1 Timoti 1:6

Atatu rituai ran vahal ginau kera geki i ran van huri avoana be mwasina nu sigai.

1 Timoti 1:9

Gam iloe mulei be silo mwa hav vora te huri atat tavuha take hurira be ram du ḡoro silo i hurira be ram hav doron tehe be rav huria. Hurira be ram du ḡoro God, i ran masiri gin bwatigoro, kera be ran hav sabuga tehe i ram hav haḡo te halan binihimwasigi, kera ram wehi ira tamara i ratahira, kera ram wehi surai.

2 Timoti 3:13

Take sinombu be ram hantai i ram ruruhi rituai rav tau bwatuna rav hantai i rav hantai liu. Rav ruruhi rituai, take mulei rav ruruhira sibora.

2 Timoti 4:4

Rasav mom doron tehe be rav roron̄tai huri mwasigi i rav tau bwatuna ba huri silo vagahi tentene.

Taetas 1:6

Tomuai sihav vora te atatu be nu vuroga, tasalana vivora gaituvwa n̄ano, ira nituna atatu binihimwasigi. Take rasav vora te naturigi be ram daha i ram hav bulbulu tehe.

Jemes 1:26

Kimiu gim binibe gim haḡo wasi nomiu binihimwasigi? Batena be gom hav vwalau te tavuhai meamwa, nom binihimwasigi kea ginau vuroi n̄ano, i gim dentene mulei lalai kimiu.

1 Jon 2:18

Ira nituku, mwa abena be ureure men nogo. Gim iloe be ivwalu Kraes men mai kadogaha, ira ivwalu non Kraes ran mai huba. Bwatuna haḡea tam iloe be nogonan ureure mwa abena.

1 Jon 2:4

Take be tas garoinia ba bevea be tam ilo God i tam hav tabea tehe, kunia tam dentene i mwasigi mwa hav togo tehe aloloda.

1 Jon 4:1

Ira noḡu buluana, gisav vinihi te mwasigi kera be ram bevea be ram haḡo Vui Sabuga, take giv haḡo ron̄ora be vui be ram haḡoe mwa mai nin God. Ira atatun vevsera tentene ivusi ram ban lol ureure duluai.

Visirai 2:14

Take ginau ivusi gim lolia be ran hav vavtutu tehe lol mataku. I atatu rituai lol tatan̄an gaituvwa bul mai kimiu, rituai ram huri avoana non atatun vevsera gea Balam tuai. Atatun vevsera gea mwa dogo mwa bagahi halan Ratahigi lavoa Balak be men saruruhi ata Israel huri be ramen hovi lol bwatigoro. I kera ram ḡan bigi gabe ran tataroi ginia huba lalai God dolua, i ran vahala lol halan lagiana mai atat dolua.

Visirai 2:6

Take ginau vwate be kimiu gim lolia be nu tavuha. Kimiu gim hav doron te be giv haroro alolon vatugigi non ira Nikolas. I kimiu gim ban burigainira kunia n̄an mulei be inau nam ban burigainira.”