Ravrava non Pol lalai ata Rom 9:32 - Hano Niu Testamen

³² Take huri hano? Huribe ram lol ron̄oe take huribe ram hav binihi te mwasigi alun Kraes, ram lol ron̄oe n̄ano be ramen lol alen̄ tavuha. Kera ram daturai la vatu.

Ravrava non Pol lalai ata Rom 9:32 ပူးပေါင်းရင်းမြစ်များ

Matiu 13:57

I kera duluai ram daturai lol binihira huria, i ram barihainia. Haḡe Jisas mwa bevea abera be, “Atatun vevsera mwa binihi marahiana lol ute dodolua, ta la mwasin vanuana i maton ira havana sigai.”

Leo Tavuha gabe Luk nu Ravae 2:34

Simion mwa batavuhainira i mwa bevea lalai Mere ratahin naturigi be, “Naturigi geki God mwa ḡita luae be sinombu ivusi ata Israel rav hovi ta rav lai varahuva bwatuna kea. Kea vivora dovon̄ana nin God gabe sinombu ivusi rav ivwaluinia gin nora avoana,

Leo Tavuha gabe Luk nu Ravae 7:23

Samwarana gaivua lalai ira hei gabe ram hav vinihi te gairuruai aluku!”

Ravrava non Pol lalai ata Rom 10:3

Huribe ram hav ilo te halana be God mwa lol atatu ram bavtutu maia, ram lol ron̄oe be ramen lolira sibora ram bavtutu la nora hala. I ram hav dara tehe alun hala be God mwa lol atatu ram bavtutu.

Ravrava non Pol lalai ata Rom 11:11

Nam hudali avoan hudaligi mulei vwate be: Lol taro be ira Jius ran hovi, nora hovita gea nu salan̄ainira? Sigai! Take huribe ram hovi, varahuva mwa mai lalai ira Lolobon̄i, huribe rav lol ira Jius rav lai binbinihi hantai vai alura.

Ravrava non Pol lalai ata Rom 4:16

Atatu ram lai tatauleo non God be nora binihimwasigi garagusi abena. Geki mwa loli huribe tatauleo vi vora ginau be vi laiana vuroi n̄ano. I ira nitun Ebraham duluai rav haḡo tatauleo geki. Mwa hav vora te hurira n̄ano be ram dogo halaten silo non Moses, ta huri ihei tehe be mwa dogo mai binihimwasigi kun Ebraham, gabe tamanda duluai.

1 Korin 1:23

Take gam doretore alun Kraes be nu voha bolvoloe. I geki mwa bora ginau vahala be gaivua lalai ira Jius, i ira Lolobon̄i ivusi ram binihia be ginau bwaḡelega.

1 Pita 2:6

Ravrava sabuga mwa bevea be: “Nav tau vatu vwate lol tano Jerusalem. Ginau duluai vi loliana lol raumatan vatu geki. Ihei tehe be mwa binihimwasigi nia sihav matagu te dumwi.”

1 Pita 2:8

Mulei, Kea haḡea, “Vatu be mwa lol atatu ram daturai, Vatu be mwa lolira ram hovi.” Ram daturai bwatuna be ram hav tabe te havana be God mwa bevea, Kea haḡea havanau be God nu lol vatuvwai nira be vi loli lalai nira.