Ravrava non Pol lalai ata Rom 9:23 - Hano Niu Testamen

²³ Mwa hohovi mai non binihiv n̄ava huri be vi lol sarisarina lalai sinombu be ran lai non sine hagavi. Kea nu lol vatu vurai non sinombu be rav haḡo sarisarina,

Ravrava non Pol lalai ata Rom 9:23 ပူးပေါင်းရင်းမြစ်များ

Leo Tavuha gabe Luk nu Ravae 1:17

Kea vi van dotomua nin ratahigi, vi masiri gin vui i muramura kun atatun vevsera Elaija. Vi haḡo bul ira tama mai ira naturigi utegaituvwa mulei: i vi dede ira siesiehi rav tabagilu mulei huri alen̄ara vavtutu; be men lol vatuvwai sinombu be rav lalaḡo lalai Ratahigi.”

Lalaḡova 9:15

Ratahigi mwa bevea lalainia be, “Vano, bwatuna be nan uloinia be vi lalaḡo lalaiau, be vi seserai ihaku lalai ira Lolobon̄i i ira ratahigi lavoa i sinombu ira Jius.

Ravrava non Pol lalai ata Rom 2:4

Kea nu tavuha i nu maḡemu lol alen̄ana, mwa hohovigo be gomen leahi, ta gom binihi bahivoi non togonai. Bisata gom hav gita te batoia be God mwa lol tavuhainigo be gomen leahi alen̄amwa i rahumwa.

Ravrava non Pol lalai ata Rom 8:29

God mwa ilora amua vuri mwa siv lol ureure, i mwa bevea be rai vora kun nituna, huribe Jisas vi vora tuagai lol ira huhugaituvwa ivusi.

Ravrava non Pol lalai ata Rom 8:30

God nu lol binbinihi hurira be rai vora kun nituna; i kera gabe nu lolira be rai vora kun nituna, kea mulei nu uloinira; i kea be nu uloinira, mwa lolira mulei ram bavtutu la lolmatana, i kera be nu lolira ram bavtutu, kea mulei mwa lai rahuan tavuha lalai gida.

Ifisas 1:18

Mulei nam dataro be giv lai iloilo gaivua lol sibwenimiu huri be giv ilo binihiva huri doronhohov gabe kea nu uloi gida, i be giv iloe huria be kun hanigi nu rosoga i vatavuha non God gaivua be nu tatauleo lalai non sinombu sabuga.

Ifisas 2:10

God nu loli gida be tav togo haḡea kun geki. Lol Kraes Jisas, God nu lol gida be tav lol rovoga tavuha, gabe God mwa lol daua lol non hogoi huri gida be rahuda vi togo mai nonda lalaḡova.

Ifisas 2:7

bwatuna huri taro vai non̄oiha duluai kea vi seserai mwasin hogoi be gaivua liu lol non lolotabetabe ginia be kea nu tavuha mai gida lol Kraes Jisas.

Ifisas 3:16

Nam hudali Tata lol sarisarina gaivua be vi lai muramura lalainigo be gov muramura lol lolomwa sivi non Vui.

Ifisas 3:8

Inau nam hav vora te lavoa take tiri savele alolon ira sinombu non God, take God nu lai hogoi geki lalaiau be nai vev luae hurira Lolobon̄i, Roroi Tavuha huri roson Kraes.

Kolosi 1:12

I gov samwara ba lai tabeana lalai tata be nu loligo gom haḡo dum houn ginau duluai be nu lol vatuvwainia huri non sinombu lol ute ratahigi huri gigita.

Kolosi 1:27

Taritari non God be vi lol non sinombu rav ilo huri non roso sabuga i ginau dahuligi mutai be mwa haḡoe huri sinombu duluai. Ginau mutai dahuligi gea kea Kraes be mwa dogo alolomwa, doronhohov huri sarisari.

1 Tesalonaeka 5:9

God nu hav gita te lua gida be tav ron̄ ḡagarasi gin non lol horo take be tav lai varahuva sivi nonda Ratahigi Jisas Kraes.

2 Timoti 2:21

Kera be ram lolira sibora ram melmelo nin Setan, rav haḡoana huri raumatan hala. Kera rav sabuga, rai vora huri Ratahigi, rav lol dautau huri lalan̄an rovoga tavuha.