Ravrava non Pol lalai ata Rom 9:20 - Hano Niu Testamen

²⁰ Giḡo atat vuroi n̄ano, i atatu non silo sigai be vi vev avoan hudaligi lalai God. Suspeni vwate sihav hudali te avoan hudaligi lalai atatu be ihei haḡea nu lolia, “Huri hano haḡe gom loliau kun geki?”

Ravrava non Pol lalai ata Rom 9:20 ပူးပေါင်းရင်းမြစ်များ

Matiu 20:15

Matu nasav lol te dum hano gin noḡu homu siboku kun nam doron? Huri hano binihimwa mwa hantai huri be inau nam lalaḡo tavuha mai noḡu homu?’ ”

Leo Tavuha gabe Luk nu Ravae 12:14

Haḡe Jisas mwa bwaliua mwa bevea be, “Noḡu buluana, ihei nu lai roron̄o lalaiau be nav vevegi sa nav harabora roson tamamiru lalai kimiru?”

Ravrava non Pol lalai ata Rom 14:4

Gosav vevegi te dum turin rovoga non atatu dolua. Non ratahigi mahaḡea vi vevea be non turi gea mwa lol bavtutu sa sigai. I atatun rovoga non God vi lol vavtutu huribe God mwa buluia mwa lol vavtutu.

Ravrava non Pol lalai ata Rom 2:1

Mandovai gim binibe gomen vevegi atat dolua, kea gam bahala. La mahavana be gom bevegira, kea gom bevegi mulei hantainigo sibomwa, huribe gom lol ginau n̄an kunia be kera ram lolira.

Ravrava non Pol lalai ata Rom 2:3

Gom bevegira be ran vuroga, ta giḡo mulei gon vuroga. Gom binibe gon dadariha be gov vano dagai nin silo vevegi non God?

Ravrava non Pol lalai ata Rom 9:21

Atatu be mwa lol suspeni nin tan malagoba vi lol dum hano be mwa doron be vi lolia. Kea vi lol dum suspeni gin tan malagoba gaituvwa n̄ano i vi lol vwate vi tavuha liu vwate.

Ravrava non Pol lalai ata Rom 9:22

Kea alen̄ gaituvwa n̄ano mai God. Kea mwa doron be vi seserainia lalai atatu gin non lol horo i vi lin̄ atatu rav gita non muramura take bwatuna be kea mwa dogo mai binihiv n̄ava i kea mwa dogo maira be mwa lol horoinira atatu be nu lol vatuvwainira be vi vevegia.

1 Korin 1:20

Atat mataisaoga geki behe? Atat iloute kehibehe? Gaivamaten avoana ata lol ureure kehibehe? God nu lol mataisao ata lol ureure be rav bwaḡelega.

1 Korin 7:16

Tasalai gom hav iloe tehe, bisata gon varahu ahoamwa. I mulei ahoai, gom hav iloe tehe, bisata goi varahu tasalamwa.

1 Timoti 6:5

sinombu kera geki ram bigaigai vataha mahavana. Binihira ran hantai i ram salai mwasigi. Ram binihia be lalaḡova lalai tagaro kea hala be rav rosoga.

2 Timoti 2:20

Lol imwa gaivua aia nu masiri gin beleti mai kasbol. Rituai be nu loliana gin vatan̄oga i vatlegiga, take mulei ginau be nu loliana gin gai i tan merameraga. Ginau rituai nu haḡoana huri raumatan hala, i rituai nu loliana huri rovoga son̄son̄o.

Taetas 2:9

Turi rav binihi marahi nora ratahigi ḡorora, tagaro rav lol ron̄oe be rav lol lolora rav samsamwara i rasav vigaigai te maira.

Jemes 2:20

Kimiu ira daloi! Gom doronbe nai vagahigo be binihimwasigi garagusi mwa hav lol te ginau vwate?