Ravrava non Pol lalai ata Rom 8:39 - Hano Niu Testamen

³⁹ ginau sigai amare la uluda, ginau sigai abeda ata, sa ginau sigai lol ureure duluai be vi harabora dum gida nin lolotabetabe non God be mwa do alolon Kraes Jisas nonda God.

Ravrava non Pol lalai ata Rom 8:39 ပူးပေါင်းရင်းမြစ်များ

Matiu 24:24

Bwatuna Kraes tentene i atatun vevsera tentene rai visirai i rav lol dovon̄a i taro ririhai be ramen salainira gabe God nu gita luara, be si dum.

Leo Tavuha gabe Jon nu Ravae 16:27

bwatuna Tata sibona mwa dabe kimiu. Mwa dabe kimiu bwatuna gim dabeau i gim binihimwasigi be nan mai nin God.

Leo Tavuha gabe Jon nu Ravae 17:26

Nan seserainigo lalainira, i nav lol rahurahuinia kunia lalainira, huria be nom lolotabetabe huriau vi togo alolora mulei, i inau mulei nav togo alolora.”

Leo Tavuha gabe Jon nu Ravae 3:16

Huri God mwa dabe mutai ureure haḡe mwa horau, inau gabe mwasin Nituna vora gaituvwa be irahei gabe rav binihimwasigiau, rasav mate tehe ta rav rahu vai tuai.

Ravrava non Pol lalai ata Rom 1:7

Lalai kimiu duluai Rom gabe God mwa doron kimiu i nu uloi kimiu be giv vora ira non atat sabuga: Noḡu tataro, be God, tamanda, mai Jisas Kraes, raru vi tau hogoi i tamwata be vi togo mai kimiu.

Ravrava non Pol lalai ata Rom 11:33

Uwe, ute ratahigi non God nu lavoa maragai, i non mataisao i iloute si hav nogo te dumwi! Atatu vwate si hav hahara te dum vataha ginau be God mwa binihia sage vi ilo tavuhai non hala.

Ravrava non Pol lalai ata Rom 5:8

Ta God mwa bagahi non doroniv muramura huri gida la hala geki: Kraes nu mate huri gida lol taro be tan vuroga radu.

Ravrava non Pol lalai ata Rom 6:23

Lol taro be atatu ram lol vuro, ram lai volira huri vuro be ram lolia i vuro gea mwa daura lol mateana. Ta God mwa lai hogoi vuroi lalai gida rahuana vai tuai mai Kraes Jisas nonda Ratahigi.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

Ravrava non Pol lalai ata Rom 8:35

Ginau vwate vi harabora dum gida nin lolotabetabe gabe God varahuda mwa haḡoe huri gida? Ginau kun, taro hantai sa taro ririhai, sa ron̄ḡagarasi sa marogagasi, sa hiru sa mwa abena be rahumwa men nogo sage atatu mwa wehigo huri mateana?

2 Korin 11:3

Take nam matagu be binihimiu rav sala dagai nin halamiu mwasigi i hal melmelo be gim huri Kraes kunia be teltele nu ruruhi Iv mai non hal hahantai.

2 Korin 2:11

Nam lolia kunia be Setan sihav surai te dum havanau vwate nin kamai, bwatun be gam ilo tavuhai taritari non Setan duluai.

Ifisas 1:4

Kea gin binihiva be, lol Kraes, kea nu gita lua gida amua mwa siv tau ureure huria be gida tai vora non sinombu i sinombu be sihav vitultuli te gida lolmatana.

Filipae 3:12

Nam hav vevea te gin binihiva be, inau huba kunia be God mwa doroniau. Nam hav votui te radui tovtovo gea, i nav laia noḡu. Kraes Jisas mwa doroniau be nav lolia kunia bwatuna haḡea gea mwa loliau nam mai gi bilana.

Filipae 3:3

Kamai haḡea mwasin ira tav dovon̄ana bilan God. Gam ḡogonai God sivi non vui, i nomai sasagerega kea lol Kraes Jisas. Gam hav tau te butuana alumai sibomai sa havanau tehe be gav lol dumwia lalai rebehimai.

Filipae 3:8

Mwa hav vora te huri ginau n̄an kera gea, take nan binihia be ginau duluai tavuhara sigai be tav dadarihainira mai iloilo huri Kraes Jisas noḡu Ratahigi. Hurira, nam lin̄ ginau duluai kera gea i kadogaha nam iloe be kera han̄ora. Geki mahin̄aiau be nav lai Kraes

2 Tesalonaeka 2:4

Kea si hav ron̄ te hano be vi veveana i vi taua sibona amare la ginau duluai gabe mwa uloiana be god sage havanau be sinombu ram uloi roroainia. I vuison̄son̄o gea vi haroro mulei lol imwa gogonai non God i vi togo aia i vi vevea be kea God.

1 Jon 4:16

I tam iloe i tam binihimwasigi be God mwa dabe gida. God kea lolotabetabe, i ira hei gabe ram dogo lol God, rav tabe sinombu vataha mahavana, i God vi togo alolora.

1 Jon 4:19

Tam dabe atat dodolua bwatuna be God mwa dabe gida.

Visirai 12:9

I ram bohai kaburai drakon, kea teltele bwatavwega ataa lol ureure tuai be mwa uloiana be Atmate, sa Setan be mwa sine ureure duluai. Kea mwa bohaiana himai vai lol ureure geki, maira non enjel duluai.

Visirai 13:14

Haḡe mwa ruruhi sinombu duluai be mwa dogo lol ureure, ginia be God mwa mahin̄ainia mwa lol ginau dan̄an̄a i tagaro la lolmatan muan ginau rahu gea. I kea mwa bevea lalainira be rav tai nunu vwate gabe nunun muan ginau rahu gabe ran saria gin buan bwaloana take mwa rahu mwa dogo radu, be kera rav gogonainia.

Visirai 19:20

Take ginau rahu gea ram laia gi atat vauvauhi bul mai atatun vevsera tentene. (Geki atatun vevsera n̄an haḡe gea be nu lol ira ginau dan̄an̄a la ihan ginau rahu, huria be kea vi vataltale kera dolua be dovon̄a non ginau rahu mwa en alura, i ram ḡogonai nunu vatu.) Mwa bohai rahui ginau rahu mai atatun vevsera tentene vai ata lol numbun wain gabi tabwalue mai salva.

Visirai 2:24

“Take kimiu duluai lol vanua Taeatira gim hav huri te silo vagahi bahala geki; kimiu gim hav huri te vahalana gea gabe ram uloinia be mwasin avoan tavuha non Setan be binihivanana mwa du dahuligi, i inau nam haḡo nomiu avoana mulei. Nam doron be nav tau ginau marahi rituai mulei la isibwamiu,

Visirai 20:3

Haḡe enjel mwa bohai drakon vai lol banoi. I mwa lok batugehi vatuvwainia, huria be taul vasan̄vulu vi nogo, drakon sihav mom dentene tehe lalai sinombu huri taul vasan̄vulu. Take vivora huri mahavana vwelvwele n̄an.

Visirai 20:7

I atagun taul vasan̄vulu, rav ribwesi Setan nin gao vauvauhi.