Ravrava non Pol lalai ata Rom 8:37 - Hano Niu Testamen

³⁷ Ta lol ginau duluai n̄oto geki gam seserainia be gam lol tavuha sivi God gabe mwa lol seserai non lolotabetabe lalai gida.

Ravrava non Pol lalai ata Rom 8:37 ပူးပေါင်းရင်းမြစ်များ

Leo Tavuha gabe Jon nu Ravae 16:33

Nan vev ginau geki lalai kimiu huribe, giv lai tamwata ginia, huribe be giv bul gaituvwa aluku. Ureure vi lol kimiu giv ron̄ ḡagarasi. Take giv tu wasigi! Nan rihu maragai nin ureure!”

Ravrava non Pol lalai ata Rom 8:35

Ginau vwate vi harabora dum gida nin lolotabetabe gabe God varahuda mwa haḡoe huri gida? Ginau kun, taro hantai sa taro ririhai, sa ron̄ḡagarasi sa marogagasi, sa hiru sa mwa abena be rahumwa men nogo sage atatu mwa wehigo huri mateana?

1 Korin 15:54

Lol taro be ginau geki vi loli, rebehi be vi lolian kaburai vi sagae sibona ginia kebe si hav lolian te dum kaburai, i rebehi geki be vi mate vi sagae ginia kebe si hav mate te dumwi. Lol taro be vi loli, avoan sabuga vi lolian vi mai gi mwasigi: “Mateana vi lolian kaburai lol samwarana.”

1 Korin 15:57

Take gam avkari God! Mwa lai samwarana lalai gida sivi Ratahigi Jisas Kraes.

2 Korin 12:19

Gim binihia be gan lol ḡorogoro kamai sibomai lalai kimiu lol taro duluai? Gan avo la ihan Kraes i la lolmatan God. Kimiu sosori maragai gin irubwimai, i ginau duluai be gam lolia be vi lol kimiu giv wasi.

2 Korin 12:9

Take nu vevea lalaiau be, “Noḡu hogoi kea nu dadariha hurigo. Batena be gom mandamanda, noḡu muramura mwa mai melmelo alolomwa.” Kadogaha nam ron̄ mwandavuha be namen vev lua noḡu vahalana, huribe muramura non Kraes vi togo aloloku.

2 Korin 2:14

Take avkari lalai God, kea tagaro mwa domuai gida vai lol tanoi sivi Kraes. God mwa haḡo kamai be gav lon̄ahi ute gin non iloute vataha ute kun bonin ruḡuruḡu bonboni.

Kelesia 2:20

Ran tauau huri mateana alun volovolo huri Kraes, i nam mom dogo te mulei kea Kraes be mwa dogo aloloku. Nam dogo radu lol rebehiku, take nam dogo lol binihimwasigi garagusi alun nitun God be mwa dabeau i mwa lin̄ muleinia be men varahuau.

Ifisas 5:2

Gov togo lol rahuana lolotabetabe kunia gabe Kraes nu tabe gida i nu lin̄ia sibona huri gida kun gabe hogoi bonboni i tataroi lalai God.

2 Tesalonaeka 2:16

Nam dataro be nonda ratahigi Jisas Kraes sibona i God tamanda vi av durago i vi lol muramurago lol ginau tavuha n̄oto be gom lolia i gom bevea. God mwa dabe gida, i sivi non hogoi mwa lai lalai gida doronhohov tavuha i avoan dura be mwa rahu vai tuai.

1 Jon 4:10

Geki mwasin lolotabetabe: nu hav vora te gida be tan lolotabei God, take nu lolotabetabe gida i nu hora Nituna be vi mate huri gida be men lai dagai vuron ureure.

1 Jon 4:19

Tam dabe atat dodolua bwatuna be God mwa dabe gida.

1 Jon 4:4

Ira nituku, kimiu ira nitun God, i gim muramura huba nin ivwalu. I Vui non God alolomiu, i nu muramura nin vui ata lol ureure.

Ravrava nin Jud 1:24

Lalainigo be vi gitaḡorogo be gosav hovi tehe i vi lai lalainigo rahuan melmelo be vahalana sigai mai samwarana lol non sarisari,

Visirai 1:5

Nam dataro be tavuha mai tamwata non Jisas Kraes gabe God du lol domarei muleinia nin mateana i kea haḡea muai ḡoro ira ratahigi lavoa duluai ata lol ureure. Kraes mwa dabe gida, i gin dagana mwa dugu gida nin vuroda.

Visirai 12:11

Ira tuada ran muramura ḡorora gin dagan nitui sipsip i gin mwasigi gabe ran seserai luae; i ran muramura bwatuna be ran hav sinsinei te rahura, take ran samsamwara be rai mate.

Visirai 17:14

Ira ratahigi lavoa kera geki, rav bwalo mai nitui Sipsip. Sipsip gea mai ira non hala nu gita luara i ran vavtutu rav rihu maragai lol bwaloana. Bwatuna kea Ratahigi nin ratahigi duluai, i Ratahigi Lavoa ḡoro ratahigi lavoa duluai.”

Visirai 21:7

Ihei be nu rihu maragai, vi haḡo houn ginau duluai, i inau nai vora nora God i kera rai vora noḡu sinombu.

Visirai 3:9

Giv roron̄tai! Huri tatan̄ana gea be bilan Setan, ira atat tentene gea be ram bevera be kera ira Jius, take ram dentene, inau nav lolira rav mai ba hiv bwaubwau lol bwalagemwa. I kera duluai rav iloe be, inau nam dabego.