Ravrava non Pol lalai ata Rom 8:34 - Hano Niu Testamen

³⁴ Ihei haḡea vi vev dumwia be atatu non God ram bahala? Atatu vwate sigai, huribe Kraes Jisas nu mate, i ta nu tomare mulei nin mateana, i kadogaha mwa dogo la mwatuan God, i mwa avo lalai God huri gida.

Ravrava non Pol lalai ata Rom 8:34 ပူးပေါင်းရင်းမြစ်များ

Matiu 20:28

Kun inau, Nitun Atatu, nam hav mai tehe be ramen lol noḡu rovoga. Take nam mai be namen lol nora rovoga, i nam lin̄ rahuku be men vol rahun atatu ivusi.”

Leo Tavuha gabe Mak nu Ravae 16:19

Haḡe ataguna be Jisas nu avo vuvuri maira, kea mwa hae mulei vai amare mwa dogo la mwatuan God.

Leo Tavuha gabe Jon nu Ravae 14:19

Tiri ḡalia n̄an ureure sihav mom ḡitau tehe, take kimiu giv gitau; i bwatuna be nam rahu kimiu mulei giv rahu.

Leo Tavuha gabe Jon nu Ravae 16:23

“Batena be gubwen̄i gea vi mai, gisav hudaliau te huri havanau. Nam bev mwasigi lalai kimiu be: Tata vi lai havanau tehe gabe gim hudaligi huria lol ihaku.

Lalaḡova 2:24

Take God nu lol domarei muleinia nin mateana, i mwa ribwesia gin non muramura, bwatuna be mateanana sihav rihu te maragai ninia.

Ravrava non Pol lalai ata Rom 14:13

Bwatuna gea, tav mambu gin vevegi gida gaitutuvwai. Tav taua lol binihinda be ta sav lol te ginau be vi lol atatu vi hovi lol vuro.

Ravrava non Pol lalai ata Rom 14:9

Kraes nu mate i mwa domare nin mateana be men vora ratahigi non kera gabe ran mate, i kera gabe ram rahu.

Ravrava non Pol lalai ata Rom 4:25

Jisas nu mai huribe vi mate huri vuroda, i mwa domare mulei nin mateana be men lol gida tamen vavtutu la lolmatan God.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

Ravrava non Pol lalai ata Rom 8:27

God mwa ḡita dum hano be mwa dogo lol irubwin atatu. I mwa ilo havanau be mwa du lol binihin Vui Sabuga, huribe Vui Sabuga mwa avo lalai God huri non atatu la hala gabe God mwa doronia.

Kolosi 3:1

Lol taro be gon tomare nin mateana mai Kraes, gov binbinihi huri hano be mwa du amare, aia gabe Kraes mwa dogo la mwatuan God.

Hibru 1:3

I Nitun God mwa haḡo mwasin roron̄o non God i sarisarina duluai, i kea nu ḡun God la hala duluai. Kea mwa haḡo bul ureure duluai, gin non avoan muramura. Ataguna be Nituna mwa dugu kaburai vuroda duluai, kea mwa domahuri la mwatuan roron̄o non God lol ute ata amare.

Hibru 7:25

Haḡe bwatuna gea, mwa dau bwatuna garigi vaivotu mosmosianana sigai, kea vi varahu dumwira gabe ram huria, huria be rav hae dum aben God. Huria be kea vi rahu vai tuai, i vi tu vai tuai la lolmatan God, i vi tataroi hurira.

Hibru 9:24

Kraes mwa hav haroro tehe lol Ute Sabuga be atatu sibora ran lolia be nunu n̄ano huri raumatan ginau. Take Kraes mwa haroro lol ute atamare sibona i kadogaha mwa du amare lolmatan God be men avo huri gida.

1 Pita 3:18

Kraes sibona nu ron̄ ḡagarasi huri Vuro vatuvwa n̄an huri sinombu duluai. Kea nu hav matagu tehe be vi lai kimiu vai aben God. Rebehina nu wehiana, take kea nu rahu alolon vui.

1 Pita 3:22

Kadogaha Jisas nu vano vai lol ute atamare i mwa dogo la mwatuan God i mwa ḡitaḡoro ira enjel, ira roron̄o i ira muramura.

Visirai 1:18

Inau gabe nam rahu. Nan mate take kadogaha nam rahu mulei vai tuai vai tuai. Nam muramuraga ḡoro mateana ureure non ira atat mate.