Ravrava non Pol lalai ata Rom 8:30 - Hano Niu Testamen

³⁰ God nu lol binbinihi hurira be rai vora kun nituna; i kera gabe nu lolira be rai vora kun nituna, kea mulei nu uloinira; i kea be nu uloinira, mwa lolira mulei ram bavtutu la lolmatana, i kera be nu lolira ram bavtutu, kea mulei mwa lai rahuan tavuha lalai gida.

Ravrava non Pol lalai ata Rom 8:30 ပူးပေါင်းရင်းမြစ်များ

Leo Tavuha gabe Jon nu Ravae 17:22

Nan lol roroainira kunia gabe gon lol roroaiau, huri be rai vora gaituvwa, kunia be giḡo i inau gaituvwa:

Leo Tavuha gabe Jon nu Ravae 17:24

“Tata! Gon laira lalaiau, i nam doron be rav togo maiau lol ute be nav to aia, huribe rav gita sarisariku, sarisari gabe gon laia lalaiau; huribe gon tabeau la bwativuna vuvuri mwa siv tau ureure.

Leo Tavuha gabe Jon nu Ravae 5:24

“Nam bev mwasigi lalai kimiu be, ihei tehe be mwa ron̄ noḡu avoana, i mwa binihimwasigi wani be nu horau, wani gea vi haḡo rahuana vai tuai.

Ravrava non Pol lalai ata Rom 1:6

Geki mulei huri kimiu be gim dogo Rom, be God nu uloi kimiu be giv binihimwasigi alun Jisas Kraes.

Ravrava non Pol lalai ata Rom 11:29

God mwa hav leahi te hohoi binihina mai non sinombu be nu uloinira i vataha ginau be nu laia lalainira.

Ravrava non Pol lalai ata Rom 8:1

I kadogaha, kera gabe ram rahu mai Kraes Jisas, kera varate ram lai silo vevegi wasi.

Ravrava non Pol lalai ata Rom 8:21

be ginau n̄oto be God nu lolira rav tu dagai nin hantai be rav haḡo sarisari gabe mwa du huri ira nitun God.

Ravrava non Pol lalai ata Rom 8:28

Tam iloe be lol ginau n̄oto God mwa lol rovoga huri tavuha non atatu be ram doronia. Kera haḡea atatu be nu uloinira, huribe kea haḡea non binbinihi.

1 Korin 1:2

Lalai uloilua non God Korin, i lalai kimiu duluai be gin togo sabuga lol Kraes Jisas, nu uloi kimiu be giv vora atat sabuga non God, mai sinombu duluai be ram dataro lol ihan Ratahigi Jisas Kraes, nora God i nonda.

1 Korin 1:9

God kea atatu be tav binihimwasiginia, i mwa ḡita lua kimiu be giv togo bulgaituvwa mai nituna Jisas Kraes nonda Ratahigi.

1 Korin 2:7

Nam avo gin mataisao dahuligi non God gabe mwa du dahuligi radu, take kea nu gita luae huri nonda lol roroai amua mwa siv tau ureure.

1 Korin 6:11

Lol taro tuai huba, kimiu rituai haḡea kunia, take nu bwaga melmeloi kimiu huba. I nu lol sabugai kimiu, i nu tau bavtutui kimiu mai God lol ihan Ratahigi Jisas Kraes i mai Vuin nonda God.

2 Korin 4:17

Gam habwe taro ririhai kokolo huri mahavana kadogaha, take ram bului kamai be gav lai dum sarisari vai tuai kea haḡea ginau gaivua lalai kamai liu taro ririhai.

Kelesia 1:15

Take God nu lol vatuvwai rau matan taritari huriau i mwa dau dagaiau huri non rovoga amua vuvuri nam siv vora. Nu uloiau sivi non hogoi,

Kelesia 1:6

God, gin non hogoi sivi Kraes, mwa uloinigo be gov mai gi non atatu. I inau nam dan̄an̄a be gom ban burigai vilehi i gom binihimwasigi ginau dolua nin Roroi Tavuha.

Kelesia 5:8

Leahi geki mwa hav mai tehe nin atatu be nu gita luago.

Ifisas 1:11

Lol Kraes mwa gita lua gida be tai vora sinombu non God, bwatuna be la bwativuna radui, God nu tari halana geki gin non taritari. I kea haḡea atatu gaituvwa be nu lol ginau duluai mwa dame alun ginau be kea nu vinihia i nu doronia.

Ifisas 1:5

Bwatuna be gin non lolotabetabe, God nu vinihi daua huba be vi lol gida ira mwasin nituna gin Jisas Kraes. Kea havanau gabe nu doronia i havanau gabe nu samsamwara ginia,

Ifisas 2:6

I kea mwa lol domarei gida mai Kraes i mwa lai togotogo lalai gida bul maia lol ute ata amare. Mwa lolia geki hurira lol Kraes Jisas,

Ifisas 3:11

Geki mwa dame haragaituvwa mai bwatutun binbinihi be God nu togo maia la bwativun ureure, i kea mwa lol haraharai non binbinihi sivi Kraes Jisas Ratahigi gida.

Ifisas 4:4

Aia rebehi gaituvwa i Vui non God gaituvwa, i God nu uloinigo be nom doronhohov gaituvwa n̄ano.

Kolosi 3:4

Kraes kea rahuda, i lol taro gabe vi mai mulei tav haḡohaḡo lol sarisarina.

1 Tesalonaeka 2:12

Gan av dura kimiu gam av wasi lalai kimiu, gan doronia be giv togo lol rahuan tavuha huri God. God mwa doron be tav togo lol rahuana be tav tabea vataha mahavana.

2 Timoti 2:11

Mwasin avoan vagahi geki: “Be gida tav mate maia, tav rahu mulei ba do maia.

Hibru 9:15

Huri ginau geki Kraes haḡea mwasin atatu be vi lol dautau tatauleo gara geki. Bwatuna gea atatu be God mwa uloi luara rav lai dum vatavuha vai tuai be God nu tatauleo huria lalainira. Mateanan Kraes haḡea vi lolia rav lai dum vatavuha.

1 Pita 2:9

Take kimiu haḡea atat gitalua, houn lalaḡo ata la ratahigi lavoa, bwatun vanua sabuga, atatu huri rovoga non God sibona. Kimiu gin gitalua huri lalaḡov tavuha huri God, gabe nu uloi lua kimiu nin ute meto vai lol gigita.

1 Pita 3:9

Gisav lol te hantai be vi vol mulei hantai, i gisav av te hantai be vi vol mulei avoan hantai lalainigo. Take giv vol mulei mai vatavuha bwatuna be kimiu sibomiu gin uloiana be giv lol ginau geki huribe kimiu giv lai vatavuha.

1 Pita 5:10

I ataguna be giv ron̄ ḡagarasi huri taro vwelvwele gea, God, gabe mwa lai hogoi duluai, vi lol ginau tavuha duluai rav vavtutu. Kea vi lol kimiu giv wasi i vi tu wasigi mai kimiu bereva gim hovi. Mwa uloi kimiu be giv bete mai sarisari lol Kraes, sarisari be vi tu rahurahu vai tuai.

2 Pita 1:10

Ira tuaku atamwani i vavine, giv vinihi hahavwani be kimiu mwasigi gin uloiana i gin gitan lua sivi God. Kebe giv lol ginau duluai geki, gisav hovi te dumwi.

Visirai 17:14

Ira ratahigi lavoa kera geki, rav bwalo mai nitui Sipsip. Sipsip gea mai ira non hala nu gita luara i ran vavtutu rav rihu maragai lol bwaloana. Bwatuna kea Ratahigi nin ratahigi duluai, i Ratahigi Lavoa ḡoro ratahigi lavoa duluai.”

Visirai 19:9

Haḡe enjel mwa bevea lalaiau be. “Kera ram ron̄ mwandavuha huribe ran uloinira huri lagiana non Nitui Sipsip.” Haḡe enjel mwa bevea mulei be, “Ginau kera geki gabe God nu vevera ran mwasigi.”